¹ Kwabia baada jaka Yesu kujomule kaelakesa banapunzi baki komi na abele jwaboka pala kujenda kupundisa nukuhubile kumusi jabo. ² Na Yohana konijubi kwamagelesa ejwajogwa koni jubi kunani ja maengu gake Kristu, jwatuma ujumbi kupete banapunzi baki. ³ Nukundaluki, we ndi jojwaika jola au jubi jonji jotutachiwa kundendalea? ⁴ Yesu jwajibua nukupwaga kwabu bombi "Nzenda mkutalifua Yohana gamwagabweni na gamwagajogwine. ⁵ Basindika kulinga atenda kulinga, akaiweti atenda kujenda, ba abihi nu ukoma bala atenda kutakasika, bandu basindwa kujoa atenda kujongesa kabete, bandu bahawihe atenda kujumuka ili kupata uhae, na bandu ahitaji bahubili habari inyae. ⁶ Nu jubalikiwi mundu jwangakuba nilishaka juu jangunenga. ⁷ Kipindi bandu aba pababoka, Yesu jwaanza kupwaga na bandu (umati gwa bandu) juu jaka Yohana "sindu bo simwajenda kukibona katika lijangwa- liteti lanyukanyuka nu uwahe? ⁸ Lakine ki semwajenda kukibona- mundujojwatiki ingobu yasape? Hakika bawata ingobu yasape atama katika nyumba ya afalme. ⁹ Lakine mwaboka kubona ki- Nabihe? Ena numpwaji na zaidi jaka nabihe. ¹⁰ Ajo ndi jobuandaki, lingalya nuntuma nzumbi jwa palonji ja sula jako, jujwiandia indela jaku palonji jako. ¹¹ Ne numpwaji sakaka, kati ja baazaliwi ngasejubi, jojubi unkolongu kuliku Yohana mbatisaje. Lakine jojubi nsoku katika ufalme guku mbingune ndo unkolongu kuliku jombi. ¹² Tangu masoba gaka Yohana mbatisaji mbaka sajenu, ufalme guku mbingune gupatikana kwamakili, na bandu bana makili, agujuku kwamachili. ¹³ Kwa kuba akanabihe na shelia, ikamekuwa koni atabili mbaka kwaka Yohana. ¹⁴ Na anambi tayali kujetake, ajo ndi Eliya, jojuika. ¹⁵ Jojubi na makutu gukujogwane nujujogwana. ¹⁶ Nengalasa na chani kizazi ase? ndo mfanu gwa bana ba akina maeneu gukusoku, baatama nukuchemana. ¹⁷ Nukupwaga tumpegila lizomali na ngasemwainiki. Twaombulizi na ngasemwalei. ¹⁸ Kwa kuba Yohana jwaikiki bila kula unkate au kunywa ugwembi na bapwaga jubi na mapepu. ¹⁹ Mwana jwaka Adamu jwaika koni jukula na kunywa na bapwaga, "linga mundu jukula sana na kabe undepi, nkosi jwa atoza ushulu na ba abii na sambe lakine hekima jibonikana kwa matendu gache." ²⁰ Yesu jwaanza kujikemee musi ambamu baazi ja matendu gake ga ajabu gaengiki, kwasabu babya ngaseatubwike. ²¹ Ole gwaku, kolazini, ole waku Bethsaida! kama matendu gaku makolongu ekagaengiki. Tira na Sidoni gagaengika pambaa gala, Bakabya atubwiki pasamane ku kuwata magauni nu kulipakii maliu. ²² Lakine wibya kuhinakali kwaka Tiru na Sidoni lisoba la hukumu kuliku kwaku. ²³ Gwe gw Kapernaumu guwasali bagujumua mbaka kumbingune? Haha ila baguhulua mbaka pahi kuzimu. Kama kwaka Sodoma kwakaengeka matendu makolongu, jama agaengiki kwako, jakabya hadi lelenu. ²⁴ Ila mbanga kwaku kubanga jibya ulahisi kwa nchi ja Sodoma kujema lisoba la hukumu kuliku wenga. ²⁵ Katika muda gwe ogu Yesu jwapwaga ana, "Nusipu sana gweapa, Atati, Bambu jwa mbingu nu undema, kwasabu waiiki mambu aga ka ba abihi na hekima nu ufahamu, na kwagayekua kwa banga ni kisomu kama bana asoku. ²⁶ Atati kwa kuba kumpendizi aelae pamihu jinu. ²⁷ Mambu goa ngabisiwi ne kuuma kwa Atati. Na wala nga joamanyi mwana isipokuwa Atati, na ngasejubihi jojwamanyi Atati isipokuwa Mwana, na jokapi ambapo jubi nu uwesu gukuyekulia. ²⁸ Ikanya Kwane, mwanganya mwanoti mwousumbuka nu kuelemewa ni misigu jejitopiki, Nane nantenda kumpomulesa. ²⁹ Mwijijegala nila jane na mulibola kuuma kwane, kwa kuba ne nunyenyekefu nu mpoli jwa mwoju na mwipata lipumziku la nafusi jinu. ³⁰ Kwa kuba nila jane jibi laine nu usigu gwa ngakutopa.