¹ Mumu niwapembesa, walongo, pa malipyana ga mulungu, kukita mwipeleke miwili yinu nyambiko yene wumi yiwalafu, yakunganisa Mulungu kuku kuhengela kwinu kwene mlango. ² Leka musikisa ntundu wa ndima uwu; koma mung'anamulaye ntundu winu pa kwikitila mwoyo wa hino, nausi mulinganise kiki kiyii kilondo kyake Mulungu kinofu ni kyakuganila ni kyakumalakilana. ³ Pakuya nijowa pa neema yil yikanipeliwi, kwa mundu ayi yoha pa mwenga. asiya na mhalo ga kwikwesa kulutila ngala alinganila kugoholaleka kuhola kwa luhala, umu Mulungu angawili mundu ayi yoha ndingo wa kukela. ⁴ Pakuya ngati umu tiyii ni fipangili fya mahele pa mbili umonga, ni fipingili fyoha nukuya ni lihengo limonga. ⁵ Wiwi tenga tawingi tiyii mbili umonga pa Kristo na tawoha fipangili yungi ni njini. ⁶ Na tenga pakuya ni fya waa fyakulekana kwa ndingo wa neema yila yikapeliwi pangi kuhwela, tilwete kwa ndingo wa kipimo kya kiyitakiso. ⁷ Pangi kutumakila titafukile [[pa kutumakila pangi yuayigalisa, pa mayialiso gake. ⁸ Pangi yuakila pa kukila kwake, yuagawila agawile nu mwoyo umonga; yaupaua ni ukiki yuapwelekela lipyana, apweleke kisangalukile. ⁹ Kugana kuye pangali kwikangalakisa mufiwipile kiwifu mukumbatile pa finofu. ¹⁰ Pakuwagana walongo muye nu lukolo yungi nu njini pa kuginikisa ayi yoha ambalage njini palongolo. ¹¹ Pa kukita ukiki misya wakata wakututumila pa roho: wakuntumakila Bambo. ¹² Wakuhekelele pa kihuwalilo, wakwisinga pa mahumbuso; wakutafukila pa kusali. ¹³ wakuhasangana pa wawalafu pa fila fiwasowa wa manyata pa kuwakemelakesa wageni. ¹⁴ Wakupele kihomo wala wawahyunga, muwaple kihomo, musiwalapalakisa. ¹⁵ Muhekelele pamonga na wola wakuhekelela, mulile na wala wakulila. ¹⁶ Muye mwoyo yungi nu njini musiya nu mwoyo pa fila fikulungu, koma kwiselesa ni fila fyakuseleseka. musiya ni kinywinda pa malongo ginu. ¹⁷ Musindipila mundu fiwifu kwa diwifu muholalele fila figinikisika pa miho ga wandu woha. ¹⁸ Wona yihotoleka, ni umu muhotolela, muye ni kindamba pa wandu woha. ¹⁹ walongo musikilawusila kiwifu, koma mukupele pandu kudada, pakuya yilembiki, kukilwusa fiwifu kuyii kwangu yanilipalile, ajowa Bambo. ²⁰ Koma wona wa mitumba wako aweni jala, undise wona aweni nwita, anywese pakuya pakukita wiwi yamuwunganise makenya ga mwoto pa mutu wake. ²¹ Musihotoleka ni kiwifu, koma mukihotole kiwifu pa kukita kinofu.