¹ Koma mundu lihina lyake Anani, pamonga na Safri mhanu mundu, akahemisikindu kyawe, nakafihiti pa uhemesi wake mhanu mundu kawili akayufwangini nako. ² Pakatoliki lilundu likitinu, akawikiti pa njayo sya mapostole. ³ Leka Petro akajowiti, Anania kwa kiki shetani akamemisi mwoyo wako kukonga Roho Mbalafu, ni kufiha pa uhemesi wa ngunda. ⁴ Pala ukahweliti, si ukayili baho pa chnego kyako? Ndawa yake kiki ukahditi kindu iki mu mwoyo wako? ukadetiti lepa kwa wandu koma kwa Mulungu. ⁵ Na Anania, pa kuyufwana malowe aga, akagwili wohawa wakayufwini iki. ⁶ Leka wapalo wakayimiti, wakamniengiti, na wakantoliti kunja ni kumbika mu manyinja. ⁷ Leka yikayili ngati lukumbi lwa saa sidatu panyuma pake, mhanu mundu, akayingili nukumanya lepa iki kitakitiki. ⁸ Nu Petro akamhigiti yombe, unijowele pangi mukahemisi ngunda ukitinukitinu? Nuyombe akajowiti, Ena, kwa kitinu. ⁹ Leka Petro akanjowili, Ndawakili mukayufwangini pamonga kungesa Roho Bambo? Lola, njayo sya walawakambititi ngwanaosiyii pa ndyango, na yawakutole wenga kunja. ¹⁰ Leka akagwili hino apa pa njayo syake, akafwilingani; Leka wapalo pawakayingili wakankolili afwili, na wakantoliti kunja na wakambikiti mu mayinja pangwana mundu. ¹¹ Na woga ukulungu ukawalingwili kanisa lya mfilimila, na wohawa wakayufwini ifi. ¹² Leka pamawoko ga maapostolo fiwalalilo ni finyantiti fya mahele fikakititi pansafi; na wakayili woha nu mwoyo umonga pa lufuka lwa Solomo. ¹³ Leka wa wakusigala haka mundu akangamili lepa kuwungikana nawo: Koma wandu wakakwisiti, na kulutila wakukela wakayili kuyonjakesa kwa Bambo? ¹⁴ wingi wagosi na wadala kawili. ¹⁵ Mpaka haka kutola wa fitamu kundika, ni kuwawika pa mipasa ni pa ndengati, nausi haka kifwili kya Petro pakuyichi kiwakelele mfwili ayi yoha wa wombe. ¹⁶ Leka Lipuga kawili kuhumila makaya gakusyungutila Yerusalem, wakahiti pamonga kutola watamu, na wala wahumbusiki ni mahoka mawifu: na wakakimasiki ayi yoha. ¹⁷ Koma akayimiti kasisi nkulungu, na woha wakayili pamonga nako (kaka kaputuliko ka wasadukayo) na wakamemiti nu kuwina mwoyo. ¹⁸ Na wakawawili mawoko maapostolo, na wakawawikiti pa kuheka wandu. ¹⁹ Leka makika wa Bambo kilo akadidwili milyango ya pakugoheka. Na akawatoliki kunja, kuwajowela, Mubitaye, muyimaye ni kulongela mu hekalu kwa wandu malowe gohaga kulama uku. ²⁰ Leka pawakayufwini iki, wakayingili luwuliku pa hekalu, na wakayigalisi. ²¹ koma kasisi nkulungu akachiti, na wala pamonga nako, na wakawunganisi pamonga chengo, na wa mbili woha wa wana wa Israel, na wakatumiti ku nyumba ya kugoheka nausi watoleke. ²² koma wa polisi pawakafiki wakakolili lepa pakukungika. ²³ Na wakakilawiki, na wakatawalili, kujowa, Nyumba ya kukungika tikakolili kidindikile, na wakulindalila wakayimiti pa milyango: koma pala tikadindwili, tikakolili lepa mundu mgati mula. ²⁴ Leka pala wakayufwini malowe aga nduna wa ngombo wa hekalu na makasisi makulungu, wakayambaniki mwoyo panani pa wala kuhita ili yakikule mpaka kiki. ²⁵ Leka nunuyu akafiki kulvakokosela kukita, Lola, wagosi wala mukawawikiti pakukungika wayii mu hekalu kiyimile ni kuyigalisa nsafi. ²⁶ Bahalapala nduna wa ngondo akawikiti pamonga na wanapolisi, na wakawakoliti pangali na makakala, pakuya wayiimu kuyogopansafi, wasiukeleka maganga. ²⁷ Leka pawakachiti nawo, wakawayimiki pagati pa chengo. ²⁸ Nu kasisi nkulungu akawalotiti, kujowa, tikawaukili musiyigalisa pa lihina ili: na lola, mwamemisi Yesusalem ni mayigaliso ginu, na mulonda kutipela tenga mhado wa mwasiwa mundu uyu. ²⁹ Leka Petro na maapostolo wakahigiti kujowa, tilinganila kunjufwana Mulungu kulutila wandu. ³⁰ Mulungu wa wakadadi witu akansyusiti akankwesiti wakulongosa nu njokosi pa kiwoko kyuke kya ndile, kya ndilo, kwa kupela Israele kupela na kulekelesa sambi. ³¹ Mulungu wa wakadadi witu akansyusiti Yesu, uyu mukankomiti, kumpagika pa libihi. ³² Na tenga tiyii walungamakiso wafindu ifi: nu Roho Mbalafu kawili, uyu Mulungu amepeliki kwa wala wakunjufwana. ³³ Leka wala, pawakayufwini, wakahomiki mu mwoyo, na wakonditi kuwakoma. ³⁴ Koma yumonga akayimiti pa chengo, mfarisayo lihina lyake Gamalieli, wakuwula wa torah, wakuginikika nu nsafi woha, na akapawili kukita wombe wakawikike kunja pachokope. ³⁵ Na akawajowili, wagosi wa Israel, Mwigohe wicho panani pa wandu awa, mulonda kukita wuli. ³⁶ Pakuya palongolo pa magono aga Theudas akayimiti, kujonua kukita mwene ni kandu: kwa yombe lipuga lya wandu, ngati mia nchenche, wakawunganiki: uyu nuyombe akakomiki na woha wala wakakongiki nuyombe, wakayambaniki, wa wakahotwiki. ³⁷ Panyuma pa yu akayimiti Yuda wa Galilaya pa Magono ga Kulembeka, na akapatwili wangi kunkisa yombe: yuyu kawili akayanangiki, na woha wala wakakongiki nuyombe, wakayambaniki. ³⁸ Na hino niwajowela, maputuke na wandu awa, muwaleke waka: pakuya wona mamalango aga pandi lihengo ili gayii ga wandu, yagwisike pasi. ³⁹ Koma wona gayii kuhumila pa mulungu, yamuhotole lepa kuwagwisa pas: musikolaleka wakukomana nu mulungu ⁴⁰ Leka wakayufwangini nuyombe: pala wakawakemili maapostolo kwake, wakawatowiti na kuwatakila wasijowa kwake, wakawatowiti na kuwataukila wasijowa kawili pa lihina lya Yesu, na wakawawopwili. ⁴¹ Mumu wala wakawukiti pa kyene kya chengo, kuhekeleka kukita wakawalangiki wakulinganila kuwna lihamu ndawa ya lihina. ⁴² Na ligono ni ligono, pa hekalu napa nyumba, wakakotwili lepa kuyigalisa ni kuwandisa Yesu kukita ayii Kristo.