¹ Leka panyuma pa magono mhan kasisi nkulungu Anania akaselili pamonga na wangi wa wakulu wakulu -na wakujowa wicho yumonga Tertulo: awa nawombe wakandasiti nduna fyakundungamakila. ² Leka apa akakemaliki, Tertulo akatubwili kundungamakila, kukita. ³ Pakwipatila kindamba kingi kwako, ni pa kulolela kwako fiwifu fitendaseka kwa mhuku uwu, tiyupa pa findu fyoha na poha poha kisengusile nnofu kulutila felike. ⁴ Lekas nausi nisikutondesa kulutila,nikupembesa kutiyufwanilanpakwisinga kwako pakudumula malowe aga. ⁵ Pakuya tikankolili uyu wakuhimuka, ni wakusisimusa wa Yehudi pa ndima woha, ni wakulongolela kapatuliko ka wana zarayo. ⁶ Uyu kawili akagesiti kuyikiti hekalu ya wakayula tikankamwili kawili (ni ngati mpawili kwa ndingo wa torah yitu). ⁷ Koma kapitao wa elfu Lusia akachiti, ni kwa makala ga mahele akambusiti pa mawoko gitu kuwataukila wakundungumakila yombe kuhicha kwa chengo kyake. ⁸ Kwa yombe, wona wa mwene, yauhotole kwalalila findu ifi fyoha fila indungamakila nafyo. ⁹ Wayuhudi nawombe kawili wakayilini kundangamakila, kujowesa fifi ifi. ¹⁰ Na apa nduna akakinyili ajowe, paolo akahigiti pakuwalalila kukita miaka uyii wakupawala mihalo ya mkuhu uwu, nihigila ifi fya nenga namwene nu nwoyo unofu. ¹¹ Pakuya uhotola kuwalalola, kukita nukuyu kulutila magono kumi na gawili kitum,bulile apa nikakweliti kugwilalakimbo pa yerusalem. ¹² Ni haka pa hekalu awa nukunikolela lepa kukotana nu mundu, pangi kukita njwawila pa lipuga, haka pa masunagoge, haka pa likaya pangi pangi. ¹³ Kawili nukuhotola lepa awa kukangamasa ifi walungamakila nafyo nenga. ¹⁴ Leka iki nifumbula kwake, kukita kwa ndingo wa ndila iyi wayikemela kapatuliko, wiwi nitumakila mulungu wa wadadi witu, kukela fyoha fiyii kwa ndingo wa torah na ifi filembiki pa wakulweta. ¹⁵ Pakutuma ni kihuwalilo lisi lya mulungu, iki awa kawili wayii mu kukilindalila, kukita yakuye kusyuka kwa awa wakukita malinga na kwa awa mangakita malinga kawili. ¹⁶ Mumu umu namwene nikita kutama nu mwoyo wa pa chengo wangali kuhokela kwa mulungu na kwa wandu magono goha. ¹⁷ Leka panyuma pa miaka mingi nikachiti kutola ifi wapelekeye fya lukolo kwa mhuku wangu ni nyambiko. ¹⁸ Mumu wakanikolili wakuwalasika pa hekalu, nukuyu ni lipuga, nukuyu nu njwawila: Leka wakayili wangi baho wayehudi wakuchumila pa Asia. ¹⁹ Awa walinganila kuyicha apa chengo kyako ni kunilungamakila, wona watama kwali ni mihalo kwa nenga. ²⁰ Pangi awa wene wajowe kikiwakakikolili nukuya kya malinga, apa nikayimiti pa chengo kyawe. ²¹ Leka lilowe ili limonga kukita nikakwesiti pakuyima agati pawe pa mhalo wakusyuka pa wakufwa niyii mu lupawulika pa chengo kinu lilino. ²² Leka frliki, pakumanyi kulutila pa ndila iyi akawakilawisi, kujowa, Apa Lusias, kapitao wa elfu yaselele, yanimanyise mhalo winu. ²³ Na akantawukile Kenturion kungoha yombe pakukungika, ni kukita apumulile wicho, ni asinkanisa mundu wa wayini kuntumakila yombe. ²⁴ Leka panyuma pa magono gangi, Felike akachiti ni Drusila, mhanu mundu mwene Myehudi uyu ankemile paolo ni akanjofwanili panani pa kiyitakiso kya pa Kristo Yesu. ²⁵ Na apa akakotini panani pa kukita malinga, ni kwigoha ni lipaulo liyii mu kuyicha, Felike akayogwipi ni akahigiti kwa hino ubitaye mwanj: Leka wona nipata lukumbi lwakulinganila, yanikukemele kawili. ²⁶ Nyamhope akahuwalili kukita yapelewe kyuma nu paolo; kwa ndawa iyi akankemili mhina magono, kulongela nako. ²⁷ Leka aa miaka yiwili yikamemesiki, porkio Festo akayingili pandu pa Felike: nu Felike, pakulonda kuwaganisa wayehudi, akandekite paolo wakukungika.