¹ U Yakobo, wamakungilwe bha Mulungu u mwene uwa Yesu Krisiti iviholo amashumi nagabhili, gegasatile, ahinza. ² Mwanzi kuti winza ahani, bhoholo, mwani we mukushila mumayimba nigo nigo, ³ we mumanye kuti mulwitiho mukubha na kujimba. ⁴ Muleshishe kujimba umale imbombo yakwe, kwe kuti mugome izyanolwoli, bila kupungushilwa ingaheka. ⁵ Ilelo umundu mka si iyunyu akwanza ulugano alabhe kufuma kwa Mulungu, wakufumwa kuwupole pe patali na kuhalala kubhondi bhebhakulabha, ayibhapa ulugano. ⁶ Ilelo labha kuwinza, bila kutuya, kwe kuti ula akutuya unganti mabhilingwa mwa sumbi bhahamwega ni pepu mwa bhahamusumba uku nu kwo. ⁷ Kwe kuti umundu unu atakwinaje kuta ahayi poshelewa iputo kufuma kwa tata. ⁸ Umundu unu ana madala gabhili, te mugumu ha mumadala gakwe gondi. ⁹ Bhaholo umupina kwanziwa kuyibada kwa kwimilila kwuke kumwanya, ¹⁰ kwe kuti holo wani dumbwe utonsu waho yali ahayega anza mapambo gega muvwi mwebha kushila. ¹¹ Izubha likutukula na mafu likulumiha na kulungulizwa ivundu amatundu gakulenda uwinza wakwe wukwepa. Shinisho abhandu abhadumbwe bhahayilita mumbombo zyabho. ¹² Ayimishiliwe umundu ulawa kujimbilila indingo, kwe kuti angatola indingo iyo, bhahayimupa ishipapwi isha wumi, yila yebhalajizizwe kubhalabhe bhamuganile uMulungu. ¹³ Umundu wowondi atakwanziwa kulonga indingo, "Indingo ini kuti fumile kwa Mulungu,'" kwe kuti uMulungu atakuleta ndingo imbibhi nu Mulungu iwene atakumulinga numo. ¹⁴ Kila mundu akuligwa ni nsimo zyake imbibhi zyekutwala na kumuvuta uktali. ¹⁵ Pe winza indingo iyimbibhi kupimba ulwanda, yabha home ahinza pikusilila kuwufwe. ¹⁶ Mubhalo bhani mubhapapipi, bhatabhaswobhaje. ¹⁷ Kila zawadi yenyinza izawadi yenyinza izawadi yeyikwanile kufuma kumwanya, ikwiha pasi kufuma kwa tata uwoluhozyo. Awene atagugaluhana inzeshishi zyunguli shikugaluhana. ¹⁸ Mulungu achaguye kutupa itwe uwumi uwinzwi ilya nalwoli, kwe kutituwezye kubha twabhapapwa abhakuwandilo peka ni viumbe ivyamwobho. ¹⁹ Mumanyile ili bhaholo bhani mubhaganwe. Kila mundu akwanzilwa kubha mupupu uwakwivya, atabhe mupupusu wa kulonga au kuvitwa, ²⁰ kwa umulaha wa mundu wutagawezya kubhomba izyana lwoli iya Mulungu. ²¹ Ilelo bhishi ukutali uwuchafu ni mbibhi nu wu bhibhi wondi ula popondi pala, na kuwutonsu uposhele inzwi lye bhawalile mukasi inyu, lwelili nu uwezwo uwa kwokola amoyo ginyu. ²² Kushindiha unzwi, mutivya je, abhulo hala mutayihopela je amabhili ginyi munemwe. ²³ Kwe kuti aga wowondi akulivywa inzivi sitakubha imbombo ingati mundu wakuyenya wuyo kumiso amiso gakwe ganalwoli kushilolelo. ²⁴ Kuyikwinilila kumiso yakwe, akubhala ulwa kwe iwinza ahabhalilo ahafupi akwiwa haholanile inaho. ²⁵ Yoli umundu ula wa kutendela kwa kusimishizya indajizyo izyanalwoli, indajizyo iya wusatusu, na kwendelela kuyishindiha, te kwe kuti awene akuteje vyo alafu akwiwa, umundu unu atiyimishilwe wakubhomba. ²⁶ Ugu mundu wowondi akwinilila wuyo awene kuti mundu uwidini, ila patagata bhala insi iyakwe akuwu danganya umwoyo wakwe ni dini yakwe abhulo. ²⁷ Idini lyelyinza lyelita kunanganya pilongelela pa Mulungu nu tata yiyini, kubhavywa abhapina na bhafile mumayimba gabho, na kuyitunza bhibho nu wubhibhi uwinsi.