¹ Ahabhalilo hehashilile umulungu alonjile na bhamaama bhitu kushilila abhakwi ahinjihinjibhulo. ² Ilelo insiku izi zye tulinazyo, umulungu alonjile nitwe kushila Umwa, wamubhishile wakupwanila ivindu vyoondi, ielo kushilila wene amagoombile insi. ³ Umwana wakwe luhozyo ulwawinza waakwe, mbombo yakwe mwene yimwata yakwe, wakwemdelezya ivindu vyondi kwizwi lyakwe na maha gaakwe. Wamala u winza uwimbi bhiayihaye pansi inyobhe iyakundiilo, uwawila kumwanya ukwo. ⁴ Abha mwinza kuliko abha hawizya, anzashisa shapwaniiye taawa shee lyiza hani kushila itawa lyabho. ⁵ Ilelo wuhawizya bhuli wanjoli lwamo, "Iwe wamwanawaani, umusanyunu nabha na mwana waaho?" Iwinza, "Indibhe nataata kukwaakwe, wope antibhe mwana wani?" ⁶ Ilelo, umuluunu wamulata umupa apwe uwakwaanda munsi, akutiishi, "Abhahabhizya bhamulungu bhondi ikwaziwa kumupuuta." ⁷ Kunongwa yabhahabhizya akunti, "Aweene wakubhabhiha abhahabhizya bhaku kubha mupeepu, nabhabhombi bhakwe kubha mili izya mwoto," ⁸ Ilelo kunongwa yamwana akuloonga, "Itengo lyalo ilyakumwanya, umulungu, lya wila na wila. Indisa ya wumwene waho ndisa yanayooli. ⁹ Uyigaanile izyanayoli nakuviitwa kunaanganya indajizyo, aleelo Umuluungu, Umuluungu waho, akupashile amafuta agaluseshelo gaanti anzabhamwinyu." ¹⁰ Pawandilo ipo, umwene, wabhishile uwimililo uwa munsi, imwanya mbombo yinyobhe zyaho. ¹¹ Zihayeepa, ilelo iwe uhayibha, zyondi zihayilala ngaanti mweenda. ¹² Uhayizipinda unganti likooti, zwoope zihayigaluhana unganti meenda. Ilelo iwe wewawuwula bhuulo, amaha gaho tegahapeelele," ¹³ Ilelo kwa habhizya aliikwi Umuluungu antili aha bhalilo hohondi, "Uyihale kunyobhe yaani iya kandilo muupa wenabhabhomba abhafwi bhaho kubha matenga aga vinama vwaaho"? ¹⁴ Alelo, abhahawizya bhondi tee mupepu zyezyasonelezizwe kubhabhombela imwe kubhasunga bhala bhebhahayipwaniila uwoposhi?