¹ Wu wuyanzi wasila, u Paulo ahabhabhishila abhalandanti. nakubhapa umwoyo, awinza nakubhalaga ahasogola kubhala Kumakedoania. ² Wope washila mumikoa iyo ahabhapanga umwoyo abhakisiti, ahinjila Kuyunani. ³ We uwene wuyo amali pala kuhabhalilo ahamezi gatatu, uwutudu kunongwa yakwe na Bhayahudi we kuyimba kushula kwida ilya sumbi kubhala kushamu, ipo yihabha kuduga kushilila Makedonia. ⁴ Bhalongo zanyinye nawo mupa Asia bhamile Sopatro, umwana wa Pirho kufuma Belea; Aristariko na Sekundo, bhondi kufuma kubhaklisiti ibha Kusesalonike; Gayo uwa Derbe; Timotheo; Tikiko ni Trofimo kufuma Kuasia. ⁵ Ileelo abhandu ibha bhalongoleeye na bhatugulilaga kula ku Troa. ⁶ Kwidala ilya sumbi kufuma Filipi we isiku izya makaati gegatapanyilwa uwusafu, na munsiku zisaanu tuhabhabhali ukwo Troa. Twihaye ukwo insiku saba. ⁷ Isiku ilya kwanda ilya Mulungu, watwamili tubhunganile peeka anga tumenye umukati, u Paulo alonjile nabhaklisiti, amile akupaanga kusogola indabhi yakwe ipo ahabhala kulonga mupaka uwusiku uwa manane. ⁸ Kwamile nivihozyo ivwinji kulupitu ulwa kumwanya pe twali tubhunganile peeka. ⁹ Pidilisha ali ayihaye ukijana weka itawa lwakwe Utiko, we alemiwe nutulo utwinji. We wope u Paulo akulonga kuhabhalilo ahatali, ukijana unu, amile asupiliye, ahalenda pasi kuma kumwanya kulupitu ulwa pasi kuma kumwanya kulupitu ulwa wutatu bhamusebhile ahabha afuye. ¹⁰ Ileelo u Paulo ahiha pasi, ahayigolosya wuyo wene pamwanya yaakwe ahamukumbantila. Kisha akasema, "Msikate tamaa, kwa kuwa yu hai." ¹¹ Ipo ahazubha awinza kwigolofwa pe amenya umukati, ahalya. We alonga nabho kuhabhali ahatali paka kuhasha, ahasogola. ¹² Bhahamuleta ukina ula mwumi bhajinjizanya nifwa. ¹³ Itwe tuneetwe twalongoleye kwilongolela yabho u Paulo kumbokoso tuhabhala Aso, we itwe twapangine kumweega u Paulo ukwo. Iha he wuyo ahanzaga kubhomba kwekunti apanjile kubhala kujenda kunsi nyumu. ¹⁴ Watuloleha ukwo Aso, tuhamupandizya mumbokoso tuhabhala Mitilene. ¹⁵ Awinza nitwe tuhafiha kukwo nisiku ilya wubhili tuhabhala imbali iya wubhili uwahalizi aha Kio. Isiku lyelihafwaata, tuhabha kushisi cha Samo, indabhi yakwe tuhafiha muhaya iya Mileto. ¹⁶ Kwekunti u Paulo ayamuye kushuula kushilila Kuefeso, inge kunti atahabhomba ahabhali hohondi nula Muasia; kwekunti ahalambine kufiha Kuyerusalemu kunongwa iyi sikukuu iyi Pendekositi, anyayawehine awene kubhombasho. ¹⁷ Kufuma Mileto ahasondelezya abhandu paka Kuefeso na ahabhabhilishila azehe abha vibhanza. ¹⁸ Webhafiha kukwakwe, ahabhabhuzya, imwe munemwe mumanyile kufuma isiku ilya kuwandilo wenahanyi ipa Asia, anza shenali kukwinyu ahabhalilo hondi. ¹⁹ Imubhombeye Umweene kuwu poole wondi na kumansozi, namayimba geganajile ine kumwone Wabhayahudi. ²⁰ Mumanyi she napotilwe kuyidinda kulalasya kukwinyu, nawinza ine she nabhamanyizizye, abhulobhulo awinza kubhala inyumba ni nyumba. ²¹ Mumanyile ine winza shenelele eye kubhasoha Abhayahudi nabhayunani kunongwa ya lwitiho lwa Mulungu nulusubhilo lwa Mweene witu u Yesu. ²² Nishi, yenyaji, ine anga nabha ingu mwintiha umupepu umufinjile kubhali Kuyerusalemu, intamanyaje amambo gegagafumila ine ukwo, ²³ ileelo kwekunti umupepu umufinjile akumbuzya ene mwondi muhaya pe akulonga kunti iminyololo iyamayimba vinivyo vwe vikuguliila. ²⁴ Ileelo ine atakwiniliye kunti uwihalo wani widala lwolwondi ilibeyi kukwani, ingi mbwezye kumala injendo zyani nimbombo yenaposheleye kwa Mweene u Yesu, kupanjila amazwu aga wila wa Mulungu. ²⁵ Nishi, yeenya, imanyile kunti bhondi, muhanti mubhala mwenabhalile kubha lumbilila uwumwene, te muhandole kumiso awinza. ²⁶ Ileelo ingubhanjila umusanyunu kunti indali nikoosa kwa mundu wowondi. ²⁷ Kwekunti indayididile kubhalalasizya uwinza wondi uwa Mulungu. ²⁸ Ileelo mubhanje amiso imwe munemwe na kubhamwabho abhinji bhobhondi bhe umupepu umufinjile abhabhishile imwe kubha mwabhenyelezyi mubhanje amiso kusunga impuga ya Mweene, ye akalile kwibhanda lyakwe wuyo. ²⁹ Imanyile kunti wenasogola ine, imbwa iyamwi lala ihali zitiyinji kukwinyu, natabhahalituyi impuga. ³⁰ Imanyile kunti nimwe mukasiyinyu munemwe bhamu abhandu bhahayinza nakulonga gega kuteezya, inga bhabhakwese alandanti bhabhafwate bheene. ³¹ Ileelo mubhe amiso, kumbuhaji kunti amaha gatatu antawezizye kuleha kubhamanyizya kila weka winyu kumansozi uwusiku na shamusanya. ³² Ishi ine inkubhabhiha kwa Mulungu, nakwuzwu ilya wila wakwe, lyelinga wezya kubhazenga, nakubhapa kugala peeka na bhondi bhebhabhishile kubhaposhela kwa Mulungu. ³³ Indasungushile ihela izahabu, awe ameenda. ³⁴ Mumanyile imwe munemwe kunti inyombe izi zimbiye vwingwanza ivwani nuneene navwingwanza ivwabhala bhebhali peeka nine. ³⁵ Ila kugondi nabhapiye ishiholanyo azishi shikwanzilwa kubhavwa abhasungamu kubhomba imbombo, nashe yikwanzilwa kukumbuha amazwu ga Mweene Uyesu, amazwu ge wuyo wene alonjile: "Kwashi kupa tekunti bhakupanje." ³⁶ We alonga shinisho, ahasugamila ivisugamo ahapuuta peeka nabho. ³⁷ Bhondi bhahalila ahani nakumugwila u Paulo munsingo nakutambila. ³⁸ Bhasungamile hani kugondi kunongwa yahala halonjile, kunti nalumo tebhahamule kumiso yakwe awinza. Pebhaha muloleela musitima.