¹ Ihabha kunti u Apolo wali Kukorintho, Upaulo ahashila uwukanda uwa kumwanya nakufiha muhaya iya ku Efeso, ahabhaga abhalandati bhamu kunukwo. ² U Paulo ahabhabhuzya, "Ilelo mwaposheleye umupeepu umifinjile kwa kwintiha?" Bhahamubhuzya, hala, tutawezizye pope kwivwa kunti umupepu umifinjile." ³ U Paulo ahalonga, "Ishi imwe mwozelilwe bhulibhuli?" Bhahalonga, "Kuwu wozwi wa Yohana. ⁴ Ipo u Paulo ahagalusya, "U Yohani abhozizye ku wozwi uwa lwitiho. Ahabhabhuzya abhandu bhala kunti mukwanzilwa kwitiha ula we pilongolela yakwe, webhakunti, u Yesu." ⁵ Abhandu webhivwa inpembu iyo, bhahozelwa kwitawa lya Mweene u Yesu. ⁶ Pe yihabha wu Paulo abhiha inyobho pamwanya yabho, umupepu umufinjile ahinza pamwanya yabho pe bhaha kulonga kundongo na kutabiri. ⁷ Uwinji wabho bhamile abhasahala bhafihaga ishumi na bhabhili. ⁸ U Paulo ahabhala mushibhanza ahalonga kumaha kuhabhalilo ahamezi gatatu. Amile akulongoza webhakupangana na kubha kwesa abhandu kunongu yazizyo zye zikulonga uwumi wa Mulungu. ⁹ Ileelo Abhayahudi bhamu bhali ni dali na bhayahintihaga, yitawa lya Klisiti pilongola pampuga, pu pahubhulo ahalehana nabho ahabhabhiha ukutali bhetishile nabho. Wope ahanda kulonga wila bhulo muhanti muwukumbi uwa Tirano. ¹⁰ Ini yihendeleela amaha gabhili, kwe kunti bhondi, bhehabhanga bhakwihala ku Asia wivuye izwu lya Mweene, bhoondi Abhayahudi na Bhayunani. ¹¹ U Mulungu ahabhombaga amambo amampinti kushilila inyobhe ya Paulo, ¹² kwe kunti nabhabhinu waponilwe, ni mapepu amabhibhi gabhafumile, we bhega ututambala namenda gegafumili mumbi mwa Paulo. ¹³ Ilele kwamila nabhayahudi bhebhaha ipepu bhahashulahaga kushilila imbali yiniyo. Bhaha bhombelaga itawa lya Yesu kunongwa yimbombo zyabho bhibho. Bhukubhabhuzya bhala bhebhali nu mupepu umubhibhi, bhakulonga, "Ikubhamula mufume mwitawa lya Yesu we u Paulo akumulumbilila." ¹⁴ Bhebhabhombile ganago bhamile abhana saba abha muputi umumpinti uwa kuwuyahudi, Skewa. ¹⁵ Amapepu amabhibhi gahagalusya, "U yesu imumanyile, nu Paulo imumanyile; ileelo imwe mwabha naanu?" ¹⁶ Ula upepe umubhibhi ahabhaluchula bhala bhebhaha pungaga impepu na habhatola amaha na kubhahoma, peshimbila kufuma munyumba yila bhali ishitali hakuvwalaala. ¹⁷ Ijambo ili lihamanyiha kubhondi, Abhayahudi na Bhayunani, bhebhabhanga ku Efeso ukwo. Bhabha nilyoga nifwa, nitawa lya Mweene lihabha likushindihwa. ¹⁸ Awinza, abhinji abhabha yunaani bhahinza na kwintiha na kulolesya amabhibhi gebhahabhombaga amabhibhi. ¹⁹ Abhinji bhahabhombaga uwuganga bhaha bhunganya amakalata gabho, bhahapeemba mpilongolele ya iya kila mundu, we bhene bhakubhazya ivwibeye, iya vindu vwabho yamile vipande, amashumi gasanu agi hela. ²⁰ Ipo izwu lya Mulungu lihasaata kuwu mpinti hani kumaha, ²¹ ga Paulo kukwilizya imbombo yakwe ku Efeso kula, umupepu ahamulongola kubhala Kuyerusalemu kushilila kumakedonia na Akaya; Ahalonga, "We alikunukwo, yikwanzilwa injilole Rumi awinza." ²² U Paulo ahabhasondelezya abhalandati bhakwe bhabhili, Timothei nu Erasto, bhebha mwavwizye. Ileelo awene wuyo ahasyala Asia ku habhalilo. ²³ Ahabhali iho kuhafumi uwuyanzi uwunpinti ku Efeso ukwo kunongwa yidala lila. ²⁴ Sonara weka itawa lyakwe Demetrio, we agombile iviholanyo ivwi hela vwa mulungu Diana, aletile ikazyo impinti hani kubhafundi. ²⁵ Ipo ahabhunganina abha fundi bhondi abhi mbombo iya na kulonga, "Bhasindishe, mumanyile kunti uwukabhi unu itwe tukwinjizya ihela inyinji. ²⁶ Mukulola na kwivwa kunti, mbona ipa Efeso, yoli palamila asiya yondi, unu u Paulo abhasonjelezya akubhagalunya abhandu abhinji. Akulonga kunti yitalipo imiluungu yeyimbilwe kunyobhe. ²⁷ Na twe bhulo ukokwo siyikwogofwa kunti ulukabho lwitu itakubha ikwazilwa awinza, ileelo awinza ni shibhanza sha mulungu umushi we musongo u Diana awezizye kwegwa kunti atali ni maana awezizye kutezya uwusongo wakwe, awene wei Asia ninsi yikumupuuta." ²⁸ Webhivwa iga, bhalemwa numulaha pebhahoma ishoongo, bhahalonga, "Diana uwabha Efeso musongo." ²⁹ Ihaya yondi ihizula ifujo, nabhandu bhahashimbila peeka muhanti muwu kumbi uwa kwimba. Bhahabhalema bhebhakushula abhamwabho nu paulo, u Gayo nu Aristariko, bhebhafumile Kumakedonia. ³⁰ U Paulo ahanzaga kwinjila pa mpuga ya bhandu, leelo abhaladanti bhahamudinda. ³¹ Awinza bhamu abhaafisa abha mukowa uwa Asia bhebhali bhamanyani bhakwe bhaha mutwaalila aneeno kumaha kumulabha atahinji muwukumbi wa kwimba. ³² Bhamu abhandu bhali bakulonga ahandu iha abhamwabho ijambo lila, kwekunti ipuga yabhandu yamile yiyetilwe, abhinji bhabho bhataha wezya poope kumanya hooni he bhinzile peeka. ³³ Abhayahudi bhamuleta Iskanda paanzi pa mpuga iya bhandu nakumubhiha pamwanya pa mpuuga Isikanda ahalolesya ivilolesyo kunyobhe yakwe kulonga she zikwanzilwa kubhandu. ³⁴ Ileelo webhamanya kunti awene Muyahudi, bhondi bhaha homa ishoongo kwizi lyeka kuhabhalilo aha masala gabhili, "U Diana we musongo wa Bhaefeso." ³⁵ We umusimbi uwihaya ahawumpumilizya impuga, ahalonga, imwe mubhasahala mubha Kuefeso, wenu watamanyile kunti ihaya ini iya Efeso yikusunga ishibhanza sha Diana umusongo ni picha yila yeyalendile kufuma kumwanya? ³⁶ Kulola kunti amambo igo tegawe zehane, tukwanzilwa tupume na natahabhombe hohondi nalubhilo. ³⁷ Kwe kunti mubhabhilishiye abhandu ibha ipa wuwulonji wete bhibha bhashibhanza wetebhibho bhebha mulijile u Mulungu wintu umwandanda. ³⁸ Ileelo, anga Demetrio na bhafundi bhebhali peeka nawo bhali nulwulonji nu mundu wowondi muwulonji mwazi na bhaliwali bhalipo na mubhate pilongolela pa tubhabhuzye. ³⁹ Ileelo iwe angukwanza hohondi kumambo aganji bhulo, gatibhombelwe pashikabho ishana yoli. ⁴⁰ Na yoli tuli muhatali iyakulemwa kunti uwuyanzi isiku lila, kutali ni nisababu iya kuvwalangana iga natetubhe nuwu wezyo vwa kugalonga. ⁴¹ We alonga ganaago, ahabhatanya bhebhanganile.