¹ Ihabha muhanti mu Ikonio kunti u Paulo nu Barnaba bhinjiye peeka muhanti mushibhanza isha Bhayahudi nakulonga she impuga imbinti iya bhandu abhayunani na Bhayahudi bhantiha. ² Ileelo abhayahudi bhebhatakwivwa bhahabhasonjelezy injele abhapanzi nakubhabhomba kubha bhabhibhi kubhahalo. ³ Ileelo bhabhihaye ukwo insiku inyinji, bhalongaga kwakusimishizya kumaha ga Mweene, uku akufumwa izya nayooli amazwi uwila wakwe, namayele vibhombwe kunyobhe a Paulo nu Barnaba. ⁴ Ileelo ineo impiti ilyihaya lihagabhuhana, bhamu abhandu bhahima na Bhayahudi, abhamwabho nabhasundikwa. ⁵ Wa bhapanzi na Bhayahudi we bhakulinga kubhasonjelezya abhimilili bhabho kubhabhomba ahabhibhi nakubhahoma namawe u Paulo nu Barnaba, ⁶ bhahamanya ilyo nakushimbila munsi iya ku Likaonia, Listra na Derbe, na mbali yamwabho gega zwunguluye paala, ⁷ nu kwo bhalumbiliye amazwi. ⁸ Nukwo Listra alipo umundu weeka wayihaye, atali namaha muvinama vwakwe, washilema kufuma mulwanda mwanyina waakwe, atajendile nalumo. ⁹ Umundu unu ahamwivwa Upaulo akulonga, Upaulo mudamulila amiso ahalola kunti ali nulwitwiho ulwa kupoona. ¹⁰ Ipo ahalonga kukwakwe kusaunti impinti, "Yimilila kuvihama vwaho" nu mundu ula ahaluka kumwanya nakwanda kujenda. ¹¹ Impuga weyalola habhomba Upaulo, bhaha bhusya amazi gabho, bhahelonga kundongo iya Kilikaonio, "Ivinama vwatwishila unganti mundu." ¹² Bhahamubhuza u Paulo "Herme", na Barnaba "Zeu' kunonga yamali we mulonji umumpinti. ¹³ Mupunti wa Zeu, we ishibhanza shakwe shali kunzi na muhaya, ahaleta ihambaku ilying'ombe na soonda iya mawuwa paaka kwilyango ilyi haya, uwene nimpuga bhahanzaga kufumwa ifinjile. ¹⁴ Ileelo abhasundikwa, Ubarnaba nu Paulo, webhivwa ili, bhahadebulanya amenda gabho kwaku halaganya bhahabhala panzi kwimpuga imbinti bhakulila ¹⁵ na kulonga, "Emwe mubhandu, honi he mukubhomba ganaago? nitwe winza twabhandu tulini kwino azimwe. Tukubhaletela intumi inyinza, kunti mugaluhane kufuma kuvindu ivi vwe vitakwanzilwa nakumubhalila Umulungu umupuuma, wagombile imwanya, insi na usumbi na hohondi hehalipo. ¹⁶ Kuhabhalilo hehashilile, ahabhintishizya abhapanzi kujeenda mumadala gabho bhibho. ¹⁷ Ileelo ashili, atasogoye papatali uwukeeti, kulilyo abhombile ahinza ahabhapa ivula kufuma kumwanya ahabhalilo avindu, ahabhizuzya amoyo ginyu muvwakulya nakusha" ¹⁸ Poope kumazwi igo, u Paulo nu Barnaba ku mayiimba bhadindile impuga kubhafumwiza ifinjile. ¹⁹ Ileelo bhamu Abhayahudi kufuma Antiokia na Ikonia bhinzile kubhasonjelezya impuga bhahamuhoma u Paulo na mawe na kumu gwengwelula paaka kunzi nihaya bhahantiji afuuye. ²⁰ Panapo abhalandanti bhamili bhimiliye paapipi nawo, ahadamuha, bhahinji muhaya isiku ilya wubhili abhalile Derbe nu Barnaba. ²¹ Wamanyizya amazwi muhaya yila nakubhabhihe bhalandanti abhinji, bhahaduga listra, paaka Ikoniamu, na mupaka Antiokia. ²² Bhahendelela kubhiha ahinza isehemu iyabhalandanti na kubhapa umwoyo kwendelela kubha mulwitiho, ahalonga, "Yalazima twinjile kuwuposhi wa Mulungu kushilila amayimba aminji." ²³ Webhabhasebha kunongwa ya bhazehe uwa kila lubhungano ulwa bhebhitishile. ²⁴ Ileelo bhahashila pahanti Pisidia, bhahafiha Pamfilia. ²⁵ We bhakulonga amazwi pa Perga, bhahiha kubhala Atalia. ²⁶ Kufuma ukwo bhahanjila mumbokoso mupaka Antiokia kwe bhali bhayifumizye kuwila wa Mulungu kunongwa yimbombo ye ishi bhali bhamalile. ²⁷ Webhafiha ukwo Antiokia, na kwabhunganile ulubhunga ulwa peeka bhafumwa imbantiho ganago ge u Mulungu abhombile kukwabho, nashabhiguliye umulyango uwa lwintiho kubhandu abhapanzi. ²⁸ Bhahaye kuhabhalilo ahatali na bhalandanti.