¹ Ingubhalabha bha halo bhani mtuputilaje izwi lya tata libhe pondei na kulyitiha inzimwe she mulyitishile. ² Tuhapone na bhandu bhetebhanalyoli abhabhibhi tebhondi bhabha lutiho. ³ Umulungu akubhomba kuti mwimi lile nakubhasonga kuwula umubhibhi. ⁴ Itwe tutumutendeleye utata u mbombo izyinyu mukubhomba imbombo na mukwendele kubhomba imbombo zyetubhalajizya. ⁵ Umulungu abhojezye amaha muhalweje ulugano lwa mulungu nu wajimbilivu uwa kiristi. ⁶ Bhaholo tukubhajizya kwitawala kwi tawa lya uyesu kristi muyiteje na mego ginyu na kila holo wa imbibhi atabhomba indajizyo zyetubhalajizizye itwe. ⁷ Mwamanyile munemwe shikanziwa kuti mutu fwate tubhalile bila ndijizyo kukwinyu ha. ⁸ Tutalije ishakulya ishamundu ingaweka pabhu lyoli ku muyimba aminji nululisyo uwusiku nu shamusanya twa bhombile imbombo ili tutahamu tegemele umundu wowondi. e inzwi ili kuti umundu wowondi atunza kubhomba imbombo ahaly. ⁹ Te kuti tutalinindajizyo tuhanzaga kuti tubhe twe bhinza kukwinyu inga mutufwatee. ¹⁰ Rula wetwali kukwinyu twabhala jizyizye inzwi ili kuti umundu wowondi atanza kubhomba imbombo ahalye. ¹¹ Twavuye abhandu bhamu bhakubhala bila ndajizyo bhata ni mbombo izyabho bhobho ha bhakubhomba zya bhaji. ¹² Hishitwakubhalajizya na kubhasoha ishililaitawa lya yesu kirisiti bhabhombe imbombo bhajimbililaje na kulya shakulya ishabho bhibho. ¹³ Imwe bhahalo mtahakunzishe amoyo kukubhomba inyinza. ¹⁴ Inga mundu wowondi watakwa takwanza kututelejevwa na kulilema izwi ilyitu ku kalata ine mubhe amiso inawe mutalongaje nawo ha ili asupile. ¹⁵ Mtahamweje unzu mubhibhi lyoli mumusoshe inzu uholo. ¹⁶ Ishi tata uwalugano huyo abhape ulugano insiku zyondi kumadala gondi tata abhe pekaniwe mwendi. ¹⁷ Indamuho zyani nu paulo kuyobhe zyani nunene iniye mbombo ka shinishi shigusimba. ¹⁸ Uwinza uwatata uwitu uyesu kirisiti ubhe pekaniwe mwendi.