¹ U Paulo, Umtumwe wa Kilisiti uYesu, kwali ni ndajizyo izya Mulungu na wakutula uYesu Kilisiti waari nu wanza witu, ² Timotheo mwana wani wana yoli uwinza zikufuma kwa Mulungu utata Kilisiti uYesu mwene witu. ³ She nakubhuzizye wingusogola kubhala Kumekedonia, huswale ku Efeso ingelelo ingalelo uhabhabijilaje abhandu unzuyo atama nyizyaje haa imanyizyo izyinji. ⁴ Habhili bhatatejelevyaje hapango inyinji izya ubhibhi zyezitanuwumalilo. Inzigo gakupela kudalihana ihani yoli kubhavwa kujendezya imbombo kwa Mulungu uwalusubhilo. ⁵ Ishi idala ilyindajizyo izi lugono lyelukufuma mwoyo uwinza, Msibho inyinsa nulwitiho wonayoli. ⁶ Bham abhandu bhapotilwe idala bhahazileha imanyizyo na kugaluhanila ipangwi ilyaulema. ⁷ Bhakwanza kubha bhamanizi bhindaji zyo, ilelo bhatamanyile zye bhakulonga ewe zye bhakuhomelezya. ⁸ Ilelo tukumanya kuti inonga nyinza ungumndu ataibhombela kwa kugomba. ⁹ Tukumanya kuti, inongwa zitagombilwe umndu watali ni zya na lyoli, yoli kubhe bhana nganyinye nebhebhakunanga nya indongo na bhabhi, nabhandi wewa kuputa nebhebhakuomba imbibhi. Nabhala bhebhatali nu Mulungu na bhabhi, ilongilwe kulili kubhebhakugoga utata nu mayi waho, kubhagoji. ¹⁰ Ilelo bhebhahuni, abhandu abhabhembu kubhala bhebhakulema abhandu kubhabhiha bhamayimba ibhi lenga ibhabhaketi iwilenga nawowondi walingunga na zyebhalonjile uwotonsu. ¹¹ Nzebhalajizizye gegakufumilana na bhalumbili bhebhali nu wulumbi li wakuyisya kwa Mulungu ulaweakubhabhiha inyobhe kugiga kukwaho wayitishile. ¹² Ingumsalifwa u Yesu Kilisiti utata witu. Ambiye amaha, ahambazya inekuti na wana yoli, ahambiha na wakumanyizya. ¹³ Nali na mndu waku sufwa, wakuyivwa na mndu uwashaha. Ilelo bhahamba inyinza mwe haombaga kuwolema pe ihadalihaga. ¹⁴ Ilelo uwinza wa Mulungu witu wizuye uwinza na ulugano lweluli mwo Yesu Kilisiti. ¹⁵ Inongwa izi zyakusubhila na zikwanzilwa kuposhelwa na wondi, kutiuYesu Kilisiti ayinzile mnsi kubhatula ibhibhi. Ene nabhibhi kushila bhondi. ¹⁶ Mwe ine napewilwe uwinza inga mkasi yani ine, kuwandilo kwondi, uKilisiti uYesu akumanyiha kuvumilila kwondi. Abhombile isho izishifani kuwondi bhebhatimwitishe iwene kuwupuma uwawila. ¹⁷ Nishi umwene watali nu mwisho, watakufwa, watakululeha, uMulungu umwene, lubhe lutinihona uwinza wila nu wila. Amina. ¹⁸ Inguzibhiha indajiizyo izi pilongolelo yaho Timotheo, mwana wani. Ingubhomba ishi inguholanya nishikunjilwa shesha fumizwe kuwandilo niwe, ungubhe mwibho ilyinza. ¹⁹ Bhomba isho ungubhe nulwitiho ni kwino inyinza bham abhandu bhasitile iga bhahagoga ulwitiho. ²⁰ Inzu Himeneyo nu Alekizanda bhimpiye usetani ingebha bhamanyizye bhatahapingane.