¹ Pee imwe munemwe mumumanyihe uholo kubha kwinza kwinyu tepapa bhulo. ² Mumanyile kunti kuwandilo twayimbile bhatubhombile kwa kupila kula kuFilipi, anza she mumanyile. Twamile na maha mwa Mulungu kulonga amazwi ya Mulungu peeka nabhayimba mingi. ³ Kwe kunti ulwi vyano lwitu lutafumiline mwu bhibhi awe muwu bhibhi awe kubha numwone. ⁴ Alelo wene, anzashila she twitishiline nu Mulungu na kugintiha amazwi, shetukulonga. Tukulonga, tekukubhasesya abhandu, ilele kunusesya uMulungu. Amwene bhulo wakwenya amoyo gitu. ⁵ Yoli tutabhombeye uwusimbe kuyilolesya kubhondi anza she mumanyile, anza kubhombela umusimbe angati litenga wusungushile, uMulungu muketi witu. ⁶ Lyoli tutamanyile uwinza wa bhandu, awe kufuma kukwinyu na kubhamwabho. Tugabhadaya kwvubhonela mubhasotelezya bha Krisiti. ⁷ Alelo wunza fwali twa bholo mukasi yinyu anzeshe umayi akubhahopelezya abhana bhakwe wuyo. ⁸ Kwidala ilyo twali nu lugano kukwinyu. Twali ahinza bhulo poope bhulo nuwihoho witu tunetwe. Anahabhili mwabha mabhaganwe bhitu. ⁹ Imwe mubhaholo, mukumbushile imbombo na mayimbo giitu. Shausiku na shamusanya tuhabhombaga imbombo kunti tuhanumwonile weka. Ahabhalilo iho, twabhahembiliye izwi lya Mulungu. ¹⁰ Imwe mwe bhaketi, nu Mulungu winza, kwe utakatifu winza woni yoli, sita kubhunana azushe twabalile tunetwe pilongolela yinyu mwumukwintiha. ¹¹ Shinisho, mumanyile zilibhubhuli kwa we winyu, anzashe utaata ali kubhana bhakwe she twabhasimishizye nakubhapa umwoyo. ¹² Twabhabhazizye. Yoli muhazilwaga kubha anza ulwikiho lwinyu kwa Mulungu, wabhabhilishe kuwa mwene na kuminza wakwe. ¹³ Kulilyo tukumusalifwa uMulungu muhabhalilo. Kwekunti ahabhalilo he mwaposheleye kufuma kukwitu indajizyo zya Mulungu we mwivuye, mwaposheleye tekuti lizwu lya bhandu. Angalelo, mwaposheleye azashe izyanalyoli zili. Izwu lya Mulungu. Nizwi ili lyelikubhomba imbombo muhanti yinyu mwemukwiha. ¹⁴ Ilelo imwe, muhalo, mubhe mwabhandu bhakulolewa ivibhanza vya Mulungu geali muluu Yahudi mwa Yesu Krisiti. Ni habhili imwe winza mwagimbile kugagala kufuma ukubhandu bhinyu, inza shezyali kufuma kubha Yahudi. ¹⁵ Bhali Bhayahudi yoli bhebhamugojile umwene uYesu peeka nabha kuwi. Bhayahudi bhabhatubhinjile tufume nkunzi. Bhatakumuhondezya uMulungu ilelo bhafwi bhabhantu bhondi. ¹⁶ Bhantudindi tutalongaje na panzi inge bhapate kuokoha. Angalelo bhendelelaje ni mbibhi zyabho pamwisho amayimba gahabhe pamwanya yaabho. ¹⁷ Itwe, bhaholo, twalihine ni mwe kuhabhalio ahafupi, kumubhili, tee kuwufinjile. Twabhombile kumaha gitu kwa kudugana kwenya pamiso giinyu. ¹⁸ Kwekunti tuhanzaga kuinza kukunyu, ine na Pabhulo, heka nahamwabho, ilelo setani atudindile. ¹⁹ Kwe kunti kwyicha kwetu hahayibha honi pilongolela, awe lusesheloiwe shipambwi shakuyibadila pelongola we umwene witu uYesu ahabhalilo ahakwinza wene? Te mwemwe anza she bhali abhanji? ²⁰ Kwe nkunti imwe winza nuluseshelo lwitu.