¹ Twivwizye impempu kuti kuli uwelengani mnemwe imwe, yope we welengani wewuli we wutalipo hata kwope kubhatu ibha kunzi. Bhatubhazizye kuti weka winyu akugona nu mshi wa tata iwakwe. ² Nimwe mkuyibada! Ingalelo mkuswimilila? Ula wabhombile izyo ikwanzilwa kumwefya pemli imwe. ³ Pope shitalipo peka nimwe ishimubhili ilelo indipo peka nimwe kumpepu, insilile kumlonga iwene wabhombile zinizyo ngati shila nalipo. ⁴ Wenkuhomana peka kwitawa lya mwene witu u Yesu, nu umpepu wane yilipo pala ngati kwihaa zya mwene witu usesu, imalile kumlonga umtu unu. ⁵ Imalile kumpa umtuunu kwa shetani inga yoli umbhili wakwe wunanjishe, inga umpu iwakwe vuwezye kubha ihinzakunsiku zya mwene. ⁶ Kuibada ikwinyu hatalipo nahamu ahinza. Mtamanyile ahabadushizu tibhulo hakunanganya ishinyenya shonti? ⁷ Yozyaji imwe mnemwe ubandushizu uwinandi, inga mubhe mwashinyenya ishipwa, inga mubhe mwa mndazi wewutakusapila. Kwekukuti, Kristo, umwana wingole yitu uwidaka asilile kumbhola. ⁸ Kwekuti tushimwaje ichaka teku vwevisapile ivwi mandi, ivisafu ivwa kulubhila ahabhibhi na ahabhibhi. Ingalelo kukwakwe, tushenu mndanzi webhatakupanya ubhusafu uwa kuyisya nalyoli. ⁹ Nasimbile mwakalata wane kuti mtasa nganaje na abhabeshe. ¹⁰ Inta kuti abhabeshe bha mnsi umu, ewe nula wakusunguha ewa bhakufyula ewe bhebha kuputa ishifyani kwa kwihala apalali nabho, ishi yanziliwe msongole munsi. ¹¹ Ilelo ishi nkubhasimbila kutokuyisanga na wowonti webhakumbilishila yilumbu ewe wamwitu kwa Kristo, ilelo akudila kubhu beshe ewa wali nola wakusungula ewe wakufyula emwe wa kulabha ishifyanu, ewe wakulinganya ewe ushimwela, pope mtahalye nawo umtu uwashinisho ilelo. ¹² Kwekuti inliyisanganye kubhalonga bhebhali panzi yi shibhanza? Ingalelo bhene, imeve mlebhalonjile bhebhali mhati iyashibhanza? ¹³ Ilelo Umulungu akubhalonga bhebhali panzi. "Mwefye umtu umbhibhi mkasi iyinyu"