¹ Ikwanza imwe mmanye uyilumba nu namwitu bhane, kwekuti abhatata bhitu bhamile pasi pibhingo na bhonti bhashililile ku sumbi. ² Bhonti bhozelilwe bhabhe bha Musa mhati yibhingo na mhati yi sumbi, ³ Na bhonti bhaliye ishakulya shila shila isha mpepu. ⁴ Bhonti bhamweleye kinywaji shila shila isha mpepu. Kwekuti bhanuveye kufuma kwiwe uwa mpepu bhebha fuatile, niwe ula wali wa Kristo. ⁵ Ilelo u Mulungu atahaigana ihani na bhinji ibhabho, na abhafye ibhabho bhahasasya apagululusu. ⁶ Ishi gonti igo gonti amile shiholani kukwitu inga itwe tutahabhe bhantu bhakuyigana ibhibhi inga bhope shebhabhombile. ⁷ Mlalabhe bhakuputa ishifyani, inza bhanji ibho she bhanule. Ishi inga sheyasimbilwe. Abhatu bhalaye pasi bhaha lya nu kumwela, na bha hawula kutolatonga kushigane isha wumanyani." ⁸ Tuta bhombaje uwubhebhu inza bhinji ibho shebhamile bhahafya isiku lyeka abhantu amashumi gabhili na bhatatu ielefu kunugwa iyo. ⁹ Pope tuta mlingaje Kristo, inza bhinji bhabho shebhamile nabhahabhana nganya kunjoha. ¹⁰ Na kuti mtayilongaje, ngati bhunji bhabho she bhayilonji na bkubhananganya na bhaha bhizya bhahafya. ¹¹ Ishi yilo gabhombeshile inza ishifani kukwitu gahandiha iga kutusoha itwe twe twasibhililwe nkumpelela iyi mandi. ¹² Kulilyo wowonti wakuyilola anyimiliye ubhe wamluswe utahashele ugwe. Nayimo indingo yibhaji imwe lyelili kwashi ilya bhantu. ¹³ Yoli u Mulungu alimsunje. Atalibhaleshe mlingwaje kushila shemli imwe. Peka nindingo iwene tahabhape umlyongo uwa kufumilanga muwezye kujimbilila. ¹⁴ Kwekuti, abhamanyani bhani, yishibhilaji kulabha ukwa shiholanyo. ¹⁵ Inkulonga nimwe ngati bhantu ibhinjele, inga mwamle pamwanya ya shikulonga. ¹⁶ Ishikopa ishawinza shiputililwe, te kubhapeka itubhantu ibha Kristo? Umndanzi ula tuwumensulaje, te kubhapeka kumbhili wa Kristo? ¹⁷ Kwekuti umndanzi wuliweka, itwe twetulabhinji tu umbili weka. Itwe twenti twaposhela umndazi weka kwa peka. ¹⁸ Bhenye abhantuibha Israeli: Ishi! bhala bhonti bhebhakulya ifinjile te bhaputi kushigema? ¹⁹ Inkulonga inkutibholi ishi? Inga holanyo hantu? Ewe inga ishakulya shebha fumizye ifyinjile ku shiholanyo hantu? ²⁰ Ilelo inkulonga kuvivyo ivintu vila vwebhakufumwa infinjile abhantu abhapagani ibha mnsi, kwekuti bha kufumwa ivitu ivi kumapepu nate kukwa Mulungu. Ine ndali imwe kusangana ni bhamapepu! ²¹ Mtagawezya kumwelela ishikopa sha mwene na ishikopa sha amapepu. Mta gawezya kubhana peka ku finjile ya mwene nu ku finjile ya amapepu. Ewe tukumbhiha umwene ulukelo? ²² Tuli niho kushila iwene? ²³ "Ivintu vyonti vwinza, "Ilelo te vwonti vihondeye. "Ivintu vwonti vwinza, "Ilelo te vwonti vikubhazenga abhantu. ²⁴ Atalipo inga weka wangaza aminza agakwe ibhi. Ingalelo ilyakwe, kuli weka hani ayanzile aminza iga wamwabho. ²⁵ Muwezizye kulya ahantu hohontu hehakukazwa kumnalo sita kupembuzya- pembuzya ku lilyo ilya kumwoyo. ²⁶ Kwekuti "insi ni mali ya mwene, na vwonti vwevikuyizuzya." ²⁷ Numntu wa atitishile angabhalanji kulya, numkwanza kubhaka, lyanji hohonti hakubhapa pepatali kubhuzilizya impempu izya kumwoyo. ²⁸ Ilelo umntu anga kubhabhuzya, "Ishakulya ishisha kumwoyo. Nani inta kuti zya kumwoyo winyu, ishi izya kumwoyo uwa ula uwuji. ²⁹ Kwekuti honi ahinza kukwani ulongwe ni lya kumwoyo ilyamntu uwunji? ³⁰ Angene inkubhombela ishakulya ishinsalifyo, honi hindigwe? wisalifizye kushinisho? ³¹ Ilelo shoshonti shamkulya nukumwela ewe hohonti hemkubhomba, bhombaji gonti kunongwa yawinza wa Mulungu. ³² Mtahabhakosezye abha yahudi ewe abha yunani, mshibhanza sha Mulungu. ³³ Linjizyaji anzine shena linjizizye kubhahondezya abhatu bhonti kumbombo zyonti. inta kwanza vwe vwojeye nunene yoli kubhinji nani inkubhomba ishi inga bhawezye kupona.