¹ U Pauli, Silwano nu Timoseo ku shibhanza isha Bhasesalonike kwa Mulungu Utata nu Mwene Uyesu Kristu. Ubhwila nu lwitiho bhubhe nimwe. ² Tukufumwa nu kusalifwa kwa Mulungu kila habhalilo kujulu yinyu mwenti, ahabhalilo he bhakubhayanga kumputo zyitu. ³ Tukuyikumbuha pasi kulita pilongolela ilya Mulungu nu tata witu imbombo yinyu iya lwitiho, kujendelela ukwa lugano, nu kujimba ukwa kuyamini kujulu iya habhali hehakwinza kwa Mwene Uyesu Krisitu. ⁴ Bhajenzi mwemuganilwe nu Mulungu, tumanyile ulwitiho lwinyu. ⁵ Na vwe ubhulumbilizi bhwitu vwebhuhinza kukwinyu te kwe kwizwi ha, loli pope kwe kumaha, ago Mupepo Umufinjile, nukubhwanalyoli kwidala ilyo, mumanye nitwe bhulo twali twe bhantu abha lidala ilyoni, pakasi yinyu kujulu yinyu. ⁶ Mwali mwe bhantu abha kutwejelela itwe nu Mwene, ngati vyemwaposhileye izwi mumayimba nukuseshela yeyikufuma ku Mumupepo Umufinjile. ⁷ Na sheshihsfuma, muhabha shifwano kubhonti abhaku Makedoniya nu Akaiya bhebhakwitiha. ⁸ Kwekuti kufuma kukwinyu izwi ilya Mulungu lijenzite konti, nate ku Mekadonia nuku Akaiya kweka. Pe lwe, kila lubhazu ulwitiho lwinyu mwa Mulungu lujenzite konti. Ni shifumo shakwe, tukwanza kuyanga shoshonti. ⁹ Kwekuti bhabho bheka bhakuyanga ukwinza kwitu kwali kwashitubhuli pakasiyinyu. Bhakwiliha vwemuhamwitiha Umulungu wemupuma nubhwanalyo . ¹⁰ Bhahafumwa amazwi kuti mkugulilila Umwana wakwe kufuma kumwanya, wahazuswa kufuma kubhebhafuye. Nuno we Uyesu, wakutubhiha hinza kufuma ku kwila lyelikwinza.