¹ Paulo,umupinya wa Kristo yesu,nu mujenzi Timotheo kwa Filemoni,mujenzi witu nu mubhomba mbombo pogha niswe, ² na kwa afia umuyemba witu,na kwa Arkipas upolisi wamwitu,na ku shi bhanza she likuhomana ku nyumba kwaho. ³ Ubwila bubhe kukwinyu nu mutende yikufuma kwa mulungu umwene witu na kwa mwana wa mulungu yesu kristo. ⁴ Ahabhalilo honti ngumusafya u mulungu.Tininze kumputo zyangu. ⁵ Vivuye ulugano nu mutende lwe ulinalwo mwa mwene yesu na wabhovi bhonti. ⁶ Ngulahba mkuti ubhupoka bhowa iwitiho iwinyu libhe mu bhu manyi nu ku zyaganya ku mbombo inyinza zyezilipo pakasi pinyu nu Kristo. ⁷ Pe ndiri nu bhusangalusu na kuhobhoha ku shifukwa nu lugano iwaho,shifukwa imyo yo ya bhabhovi bhandamyaga ni we mujenzi. ⁸ Nape indi na maha mwa Kristo ngukulajizya iwe kubhomba shoshontishe ungabhwezya kubhomba, ⁹ Pashifuka ishakuti ulugano,loli ngu kubhuzya ine-ne paulo ne songo,na ahabhalilo ni mupinywe shifukwa sha Yesu Kristo. ¹⁰ Ngukulajizya nu mwana wane Onesimo,we mupafile muvifundo vyane. ¹¹ Pe pa bhwandilo atakuhondeye pe fwandi ahondeye ine niwe. ¹² Na mutuma umwene we wa moyo wane sana-nukungaluha kwaho. ¹³ Nsubhaliye angajendelelaga ukusyala poha nine,Inga pe umubhombele kuliko iwe,Pe ndili mupingwa shifukwa sha bhulubirili. ¹⁴ Pe nthaganile ukubhomba mbombo yoyonti pe utanitizinzye iwe nkabhomba bwebhulo kwe kuti Iyo iyonti ilyinza litahabhombe shifukwa ngakulazimizya,shifukwa uhagana kulibhomba. ¹⁵ Shingabha shifukwa shakubhiha niwe kuhabhaliro,Lyanile bhwebhulo pe mubhe poha na bhope isiku zyonti. ¹⁶ Pe lelo utahabhe mupinywe,loli pe hinza nkani,mubhuvi,ngani mujenzi muganwa,Pe kuku ane,ingani sana kukwaho,pa mubhili na mwene. ¹⁷ Na bhwebhulo nkai wenejela ine mubhori,muposhele ngati vwe ngabha poshela ine. ¹⁸ Pe lelo inga ananzile lyolyonti lila,p[ope ukumudaya shoshonti, shidayi isho kukware. ¹⁹ Ine ne Paulo,ngusimba kunyobhe yane nene:Ine ngukugashizya ngukulipa nda kuyanga kukwako ukuti nguku dayi mu bhulanzi bhwaho lelo. ²⁰ We mujenzi,leha ibhwaje uluseshelo hwa mwene kufuma kukwaho.Uhobhosye umoyo wane mwa Kristo. ²¹ De inthi nulwitiho kuti kwivwila kwaho,ngukusimbila iwe manyile kuti ubhombe ngani kuliko vwe ngukulabha. ²² Ahabhalilo hanaha senganya ikasi ya bhajeni shifukwa shane,De kuti isubhalile ukujendelela ahabhariro hanaha. ²³ Epafra,umupingwe wamwitu mwa Yesu Kristo akukukamuha, ²⁴ na vwe akubhomba umarko,Aristarko,Dema,Luka,bhabhomba mbombo nine. ²⁵ Ubwile bwa mwene Yesu Kristo yibhe nu moyo waho.Amina.