Lutulo 1
1
Umgosi, ugayo , wemganile ulwanalwoli.
2
Umganwa, nkunkulabhila ujendelele ni mbombo na kubhabhulanzi bhebhahinza ubhwinza gati mwe umoyowaho vye uwezizye kujendela.
3
Nahobhosile inkani ahabhalilo hebhahambuzwa kufumwa na kwefwa ulusimishizyo ulwaanalwoli kukwaho vye ukujenda uwanalwoli.
4
Ntali nuluseshelo ulupiti inkani ii, kuvyila kuti abhana bhane bhahajendelela ahanalwoli.
5
Umgwanwa, akujendelela ulwanalwoli pakubhana na bhajenzi na bhetebhajenzi,
6
Bhebhahafumwa ulusimishizyo ulwashikunzi ulwapilongolela pashipanga. Akubhomba ahinza kujenzwa ubhulendo lwaho ulwakumhobhosya Umulungu.
7
Shifukwa shihinza bhahabha bila kusenda ishintu sheshenti abhana bha Mulungu.
8
Ipo tukwanziwa kubhakalibisya abhantu ngati ibha, ingetubhe twebhabhonvi bhambombo iyanalwoli
9
Nkasimba uluhomano ulwashintu shimo, lole Diotrofe akugana kubha wabhwandilo mumwabho bhatakwivyana nitwe.
10
Ipo, inganinza ndilikumbuha imbombo zyakwe zye kubhomba vwakuyanga amazwi amabhibhi shingunga nitwe.
Atakuhobhoha ni mbombo izyo, atakubhaposhele abhajenzi. Pamu akubhahana abhamwabhwo bhebhakunyonywa kubhakaribisya abhajenzi nakubha shimbizya bhafume pepali uluhomano.
11
Wenkuganile utahejelele sheshi bhibhi, loli vye uyejelele sheshinza kwa Mulungu; na wakubhomba imbibhi tahamwenye Umulungu.
12
Demetrio bhamsimishizizye bhonti nalyoli yeka, nitwebhulo tuwenye, ulumanyile ulusimishizyo lwanalwoli.
13
Ndili ni vintu ivwinji ivwakusimbila loli ntaganile kusimbila kushisimbilo nubhwinu.
14
Lwonti ulu kusubhalila kukwenya kusalizi, tuliyanga niwe paminso na paminso.
15
Umtende wubhe poka niwe. Mkwizya nabho bhakulamha. Bhalamshe bhukwizya nabho kila mntu kwizina lyakwe.