¹ Kufuma kwa mgosi kubha kubhantanda ayitilwe na abhana abhakwe,bhembaganile ahanalwoli nine bhulo, pope na bhonti bhala shebhamanyile abhanalwoli, ² Shifukwa ishananalwoli shilimkasi yitu na yeyikutendama nitwe shima. ³ Ubhulotwe, uwila, umtende zilinitwe kufuma kwa Mulungu Utata kwa Yesu kristo, ahanalwoli ni shikunzi. ⁴ Nkuhobhoha inkani penkumanya kuti abhana bhakubhala ahabhalilo ahanalwoli, inzavyetuyibhishiye indajilo kufuma kwa Tata. ⁵ Naisalizi nkukusunda iwe wewe, loli vyetwali nayo kufuma kutanzi,yikwanziwa tubhe nulugano twetwe nitwe.

⁶ Nulu nye lugano,yihondeye kubhala,vyetulini ni ndajizwo zwyakwe. Ini ye ndjizyo kufuma pemhivwa kuwandilo, mhondeye kujendelela panapo. ⁷ Penkuti abhamalenga bhinji bhabheleye mnsi pebhahakwitiha kuti Uyesu ahinza kumubhili. Unu akutezwa na kumhana Umkristo. ⁸ Tujenyelezwe twetwe kuti tutahatezye aminza getuhabhombela imbombo, peloli yihondeye kuposhela ishakuhobhosya. ⁹ Wowonti wakwendelela pilongolela nivimanyizyo vya Kristo, atli nu Mulungu wope. ¹⁰ Pe ungumntu akwinza kukwinyu atakwinza nishimanyizyo mtahamwinjizye mnyumba zyinyu na mtahamlamshe. ¹¹ Pe ingawamlamha lyemlipoka kubhomba imbombo imbibhi. ¹² Ndili ni vintu vyinji ivyavimanyizyo nakuhana kusimba mwipepala ilya bhwino. nkusubhila kwinza kukunywu na kwinza kuhomama paminso na paminso kuti uluhobhoshelo lwitu iubhe ahinza. ¹³ Abhana bhamyemba winyu wa yitilwe bhamhana