¹ Isalizi kuyanga kusangalusu imichango kubhafinjile, ingavwe nkalinganwa kuvibhanza vyabha Galatiya, bhwebhulo mukwanzibhwa kubhomba. ² Kwisiku ilya bhwandilo ilya wiki, kila muntu woka papinyu abhishe ishintu shimo kulubhazu nu kushisengula, inza vyemungabhwezya. Bombaji bhwebhulo inga kutahabhenakuchanga kuhabhalilo hendiyinza. ³ Pe ngeninza, wowonti wengamwamusebha, ndilimusontelezya poka nu kalata kufumwa ishifinjile shinyu uko Kuyerelusalemu. ⁴ Na nganalyoli kukwane kubhala lumo, bhalibhala poka nine. ⁵ Loli ndiyinza kukwinyu, kuhabhalilo hendijenda Kumakedoniya. Kwekuti ndilijendaela Kumakedoniya. ⁶ Lumo ngabhwezya kutendama nimwe lumo kumala ahabhalilo hampepo, ili kuti mubhwezya kunavwa ku ubhulendo bhwane, poponti penkubhala. ⁷ Pakuti ntakusubhalila kubhenya ishi kuhabhalilo hahafupi. Penkuti nkusubhalila kutendama nimwe kuhabhalilo hamo, inga Utata ayitishizya. ⁸ Loli kuti tendame Kuefeso paka Pentekositi, ⁹ pakuti ulwiji ulupapa lwiguha panongwa yane, nu kuli abhalugu abhinji bhakundindila. ¹⁰ Isalizi habhalilo Utimoti ingayinza, mwenyaje kuti alipoka nimwe bila kunyila, akubhomba imbombo iya Mwene, ngati vyekubhomba. ¹¹ Umuntu wowonti ahamusufwe. Mumwavwe kwi dala lyakwe kumutende, inga kuti abhwezye kwizya kukwane. Pakuti nkumusubhalila ayinze poka numujenzi. ¹² Isalizi kuyanga nuwamwitu Uapolo. Nkamugomwa nkani umwoyo kubhajendela imwe poka nabhajenzi, Pelelo ahamula kutokwinza ishi. Pelelo, aliyinza inga habhalilo aha muzilo. ¹³ Mubhe minso, yimilili hinza, mubhombaje ngati bhanavuli, mubhe na maha. ¹⁴ Pelelo gonti gemukubhomba bhombaji kulugano. ¹⁵ Muyimanyile inkaya ya Sitefana. Mumumanyile kuti bhali bhafinjile bhabhwandilo uko Kuakaya, nu kuti bhahabhiha bheka kubhomba imbombo ya bhafinjile. Na isalizi bhakubhakumbusya, muyemba nu mukulu bhane, ¹⁶ mubhanje mwebhantu bha mushinzi kubhantu nzibho na kwakila muntu wa kwavwa mumbombo ya bhabhombambombo poka nitwe. ¹⁷ Nakubhomba kwinza kwa Sitefana, Fotunati, nu Akiko. Bhahimilila pabhuzilo peimwe mwazibhwaga kutendama. ¹⁸ Pakuti bhahobhosizye umwoyo wane nu winyu. Pelelo isalizi, mubhamanyaje abhantu nzibha. ¹⁹ Ivibhanza vya Asia bhasontelezizye izya kulamuha kukwinyu. Akila nu Priska bhakubhalamuha kujendela mwa Tata, poka ni shibhanza sheshili kuhayakukwabho. ²⁰ Umuyemba nu mukulu bhane bhonti bhakubhalamuha. Mulamunkanaje kwa kumufyopa ukufinjil. ²¹ Ine, Pauli, kusimba bhwebhulo ngati nyobhe yane. ²² Inga wowonti akakumugana Utata, loli ishibhune shili pamwanya yakwe. Umwene witu, nzaga! ²³ Ubhwila bhwa Mwene Uyesu bhubhe nimwe. ²⁴ Ulugano lwane lubhe poka nimwe mwa Kirisitu Uyesu.