1 Isalizi nkubhakumbusya, bha yemba na bha mukulu, pamwanya ilya izwi lyenkabhalubhilila, lye muhaliposhela kwinilila kwilyo. 2 Kwekwizwi ili muhapokwa, ngati mwalilema hinza izwi lyenkabhalumbililaga imwe, pelelo muhaliposhela pabhulo. 3 Ngati lwabhwandilo vyenkaliposhela nakulisajila nkalileta kukwinyu inza vyelili: kuti kufumila na mazwi, Ukirisitu ahafwa kumbibhi zyitu, 4 kufumila na mazwi bhahamusyila, nakuti ahazyuha isiku lya bhutatu. 5 Nakuti ahamufumila Ukefa, nehabhili kubhala ishumi na zibhili. 6 Pehabhili ahabhafumila abha muyemba na bha mukulu bhashizile miya zisano. Abhinji bhulo bhashili bhapuma, loli bhamo bhahasupila utulo. 7 Habhili ahamufumila Uyakobho, bhabhili abhantumi bhonti. 8 Ubhumalilo bhwa bhonti, ahafumila ine, ngati vwezili kwa mwana wa papilwe kuhabhalilo hetehinza. 9 Pakuti inene munsi pakasi pa bhantumi. Ntahonfeye kuti munite wantumi, pakuti ine nkashiyivwa ishibhanza sha Mulungu. 10 Loli kubhila bha Mulungu ndili ngati vwenali, nu bhwila bhakwe kukwane bhutali pabhulo. Loli lelo, nkabhomba umute kushila bhonti. Loli ntali nene, loli bhwila bhwa Mulungu bhwebhuli mukasi yane. 11 Pelelo nene lumobhabho, tukulumbilila bhubhulo natuli nulwitiho bhwebhulo. 12 Isalizi ngati Ukirisitu webhahamulumbilila ngati wazyusile kubhafwe,peshingabha bhuli bhamo abhamwinyu mutikutali kuzyuha kubhafwe? 13 Loli inga lumo kuzyuha kubhafwe pe basi Ukirisitu wope atahazyuha. 14 Inga Ukirisitu atahazyuha, pelelo kulumbilila kwitu kwabhulo, nu ulwitiho lwinyu lwabhulo. 15 Na twetuliko kuti tukulinganwa izwilenga kumuyanga Umulungu, panongwa tuhamusimishizya Umulungu vyevitahondeye, kuti ahamuzusya Ukirisitu, pakuti atahamuzyusya. 16 Inga abhafwe bhatakubhazyusya, Uyesu wope atakuzyuha. 17 Na inga Ukirisitu atahazyuha, ulwitiho lwinyu lwabhulo nehabhili mushili mulimumbibhi zyinyu. 18 Habhili pope bhala bhebha fuye mwa Kirisitu habhili bhatezile. 19 Inga kubhulanzi ubhu bhweka tuli namaha kuhabhalilo hehakwinza mukasi mwa Kirisitu, abhantu bhonti, itwe twe bhakukungwa kushila abhanyu bhonti. 20 Loli isalizi Ukirisitu azyusile kufuma ku bhafwe, ivihomwa vya bhwandilo vya bhala bhebhafuye. 21 Pakuti ifwa yihinza kujendelela kwa muntu kuzyuha kubhafwe. 22 Pakuti kujendelela ngati ku Adamu bhonti bhakufwa, pehabhili bhonti kujendela kwa Kirisitu bhonti bhali zyuha. 23 Loli kila muntu kwidala lyakwe: Ukirisitu, ivihomwa ivwabhwandilo, nehabhili bhala bhebha Kirisitu bhalibapa ubhupuma ahabhalilo ha kwi nza kukwakwe. 24 Peyiliyima kwekupelela, pala pe Ukirisitu alitwala ubhumwene bhwa Mulumgu Utata. Ino pepala pali komesya ubhupiti bhonti nizya kwamula zyonti na maha. 25 Pakuti yihondeye atabhale paka pahabhiha abhalwani bhakwe bhonti pansipavinama vyakwe. 26 Umulwani uwabhumalilo akunanjishilwa ni fwa. 27 Pakuti "abhisile kila pansi nsamba zyakwe." Loli peyikuyanga "abhisile kila shintu," ubhwazi kuti ino yitakubhasanganwa bhala bhebhabhisile kila shintu pansi papakwe wuyo. 28 Ahabhalilo hivintu vyonti vilipansi papakwe, pe Umwana wuyo alibhiha pansi yakwe wuyo we ahavibhiha ivintu vyonti pansi yakwe. Ino yihafumila kuti Umulungu Tata abha vyonti ku vyonti. 29 Lumo habhili bhangabhomba shoni bhala bhebhahozelwa kubhafwe? Inga abhafwe bhatakuzyuha nalumo, pe shoni habhili bhaliyozelwa panongwa yabho? 30 Na shoni tuli ku kupulumulwa kila habhalilo? 31 Muyemba nu mukulu wane, kujendela kuyitima kwane kukwinyu, gendilinago mwa Kirisitu Uyesu Umwene witu, kuyanga kuti: nakufwa kila lisiku. 32 Yikumupa ishoni, ku vyebhakunenya abhantu, inga nkalwa nivihano ivihali uko Kuefeso, ngati bhafwe bhatakubhazyusy? "Leha lelo tulwe nu kumwela, kwekuti indabhi tukufwa." 33 Bhatabhahopehaje: "Impuga imbibhi yikunanga mwa ahayilo ahinza. 34 "Mubhe na pakupelela! mutendamaje kubhwanalyoli! mutahajendelelaje kubhomba imbibhi. Pakuti bhamo bhinyu bhatali ni njele ya Mulungu. Nayanga nati ku nsoni yinyu. 35 Loli umuntu uwamwabho kutayanje, "Bhulibhuli abhafwe bha kuzyuha? Bhope bhaliyinza na yina bhuli iya mubhili?" 36 Iwe we muyubhwi nkani! Shila shubhwye shitangakula paka shifwe. 37 Nashila shukubhwala temubhili wawuli kula, loli ni mbeyu yeyimezile. Yingabha ngano limo ishintu ishinji. 38 Loli Umulungu aliwupa umubhili ngati vyaganile na kila mbeyu umubhili wakwe weka. 39 Amabhili gonti gatakulingana. Loli lelo, kuli umubhili woka uwabhantu, numubhili uwamwabho uwa vihano, na mibhili uwamwabho uwanyunyi, nu wamwabho panongwa ya nswi. 40 Habhili kuli amabhili ga kumwanya na mabhili ga pansi. Loli umushinzi wamabhili ga kumwanya vilingine bhulo numushinzi wa mubhili uwa pansi wa mwabho. 41 Kuli umushinzi woka uwizubha, nu mushinzi uwamwabho uwa mwezi, numushinzi uwamwabho uwa nzota, pakuti inzota yoka yilegine nizota yoka kumushinzi. 42 Ivyo vyuli bhwebhulo kuzyuha kubhafwe. Sheshikubhalwa shikunanjiha, nu sheshikumela shitakunanjiha. 43 Shibhwalilwe kubhombela izya kawayida shi kumelwa kumushinzi. Sheshibhalilwe ku kubhudedebhazu, sheshikumela kumaha. 44 Shibhalilwe kumubhili uwa hali, shikumela shikumela kumubhili uwa mwamupepo. Inga kuli umubhili uwahali kuli numubhili uwamwamupepo wope. 45 Habhili yisivilwe, "Umuntu wa bhwandilo Adamu ahabhomba kumupepo wewukutendama."Uadamu uwabhumalilo ahabhombeha umupepo wewu kuleta ubhupuma. 46 Loli wa uwamupepo atahinza suti loli uwa hali, na pehabhili uwamwamupepo, 47 Umuntu uwabhwandilo wa pansi, ahagombwa kunsuto. Umuntu uwa bhubhili akufuma kumwanya. 48 Ngati vyeshili wula ahagombwa kunsunto. ngati vyeali umuntu wa kumwanya vwali, pelelo habhili bhala abha kumwanya. 49 Ngati vyetu pimvile ishifwani sha muntu uwansuto, tulipimba habhili ishifwani sha muntu wa kumwanya. 50 Isalizi kubhabhuzya, muyemba nu mukulu wane, kuti umubhili nu bhanda bhutangabhwezya kupwana ubhumwene bhwa Mulungu. Pope abhakunanjiha kupwana bhebhatangananjiha. 51 Yenya! Nabhabhuzya imwe izyinyu mweka izya nalyoli: tetuhafwe twenti, loli bhonti tulichenja. 52 Tulichenja kuhabhalilo, ku kunsinzila na kunsinzilaku lyinso, ku inga isaji ilwa kumpelela. Kwekuti isaji lilikuta, nabhafwe bhalizyuha nu mubhili wete wakunanjiha, nehabhili tulichenja. 53 Kuti uno uwakunanjiha yikwanzibhwa wuzwaye wa takunanjiha, na ubhu bhwa kufwa yikwanzibhwa uzwale bhwa wewutakufwa. 54 Loli ahabhalilo iha uwakunanjiha inga wazyaye wete wakwinjila nuno uwakufwa inga zyala uwa kufwa, pe liliyinza injango yeyisimvile, "Ifwa yimilulilwe nu kupota." 55 "Ifwa, kupota kwaho kulikwiyi? Ifwa, bhuli kwiyi ubhubhavu bhwabho?" 56 Ubhubhavu bhwa ifwa ni mbibhi, na maha aga mbibhi ni nkomelezyo. 57 Loli kusalifwa kwa Mulungu, wakutupa itwe kupota kujendala kwa Mwene witu Uyesu Kirisitu! 58 Pelelo, bhamwitu muyemba nu mukulu wane, mubhanje hinza namutayinganaje. Yimili bhombaji imbombo ya Mwene, panongwa mumanyile kuti imbombo zyinyu ku Mwene te pabhulo.