¹ Lulondolaje ulugano kugana inkani ivikunjilwa vwa mwamupepo, kulusya inkani mupate kufumwa ubhukubhwi. ² Pakuti uwene wa kuyanga na bhantu loli akuyanga nu Mulungu. Pakuti nawumo wa kuyanga amazwi gegavwamile Mwamupepo. ³ Loli uwene wakufumwa ubhukubhwi, ahayanga na bhantu nu kubhazenga, kubhagomwa umwoyo,nu kubhasubhalizya. ⁴ Uwene weakuyanga ku njango akuyizenga wuyo, loli uwene weakufumwa ubhukubhwi akulizenga itepeli. ⁵ Pelelo kunyonywa kuti imwe mwenti muyanje ku njango. Loli kulusya ya yiyo, kunyonywa iya kuti mufumwe ubhukubhwi. Uwene akufumwa ubhukubhwi ubhupiti kulusya uwene we akuyanga ku njango (bhanga ingalipo wa kufwafwanula), ili kuti ishibhanza shipate kuzengwa. ⁶ Loli isalizi, muyemba nu mukulu bhane, inge ninza kukwinyu nu kuyangaku njango, kuti imbavwe ishoni imwe? Ntangabhwezya, loli lelo nayanga nimwekwi dala ilya kugubutulilwa, lumo kwidala ilya njele, lumo auabhukubhwi,lumo kwidala ilyamanyizyo. ⁷ Inga ivintu vyevitali nu bhupuma ngati lilonji lumo lipati ingevitafumwa amazwi gegatalegine, yingamanyiha bhulibhuli kuti shombo shoni shikwimbwa? ⁸ Pakuti inga lyabha lisaji likufumwa izwi lyelimanyisile, na bhulibhuli umuntu angayisenganwa kuti habhalilo hakubhulugu? ⁹ Pelelo nimwe. Mwafumwa ku lumili izwi lyelitali pabhuzelu, pebhulibhuli umuntu angamanya shemukuyanga? Muli bhanga mukuyanga, na nawumo wangabhelebhwa. ¹⁰ Patali kupasya kuti kuli injango nyinji zye zigabhine gabhine pansi, na nayimo inga yoka yeyitali hondeye. ¹¹ Loli ingantakumanyile injango, kuti inime ne mujenii kukwakwe wa kuyanga, wope wakuyanga kutayime mujeni kukwakwe. ¹² Bhwebhulo lelo nimwe. Kwekuti mukunyonywa nkani kwenya sheshikuloleha kwa Mupepo, mwanzaje kuti kulusya inkani kuzenga ishibhanza. ¹³ Mwemumwo wuyo wakuyanga kunjango peallabhe amupe kulingan'wa. ¹⁴ Shenga nkuputa kunjango, umwoyo wane wukulabha, loli injele zyane zitali ni vihomwa. ¹⁵ Inkozye ishoni? Indabhe kwa mupepo wane, habhili lelo kuti indabhe kunjele zyane. Kuti inimbe ku mupepo wane, na kutinimbe kunjele zyane pope. ¹⁶ Ilelo, ingankumutima Umulungu ku mupepepo, uwene umujeni kutayitishe bhulibhuli "Amina" inga ukufumwa ishakusarifwa, inga atamanyile shuukuyanga? ¹⁷ Pakuti nalyoli imwe ukusarifwa ahinza, loli wula uwamwabho atakuzengwa. ¹⁸ Nkumusarifwa Umulungu pakuti nkuyanga kunjango nkani yimwe mwenti. ¹⁹ Loli pashibhanza yikwanzibhwa kuyanga amazwi gasano kunjele zyane inga inchanje ishakubhamanyizya abhanji, kulusya kuyanga amazwi alufu ku njango. ²⁰ Muyemba nu mukulu bhane, mutahabhe mwebhana kusibha kwinyu. Loli lelo, nkandi imbibhi, mubhanje ngati bhana abhateta. Loli nkusibha kwinyu mubhe mwe bhantu abhasongo. ²¹ Yisimvilwe munkomelezyo, "Ku bhantu bha njango inyinji na kumalomo ga bhajeni kuti injanje na bhantu ibha. Pope bhwebhulo bhaanganivwa," ayanga Umwene. ²² Pelelo, imili ni shimanyilo, te kubhala bhebhala bhebha mwitisile, loli ku bhala bhebhatamwitisile. Loli kufumwa ubhukubhwi ni sheshimanyisyo, te kubha bhebhamwisisite, loli kubhala bhebhamwisitisile. ²³ Iyene , inga ishibhanza shonti shibhungine poka bhonti bhayanje kujango, na bhajeni nabhebhatamwitisile inga bhinjila, pe bhatangayanga kuti mulunabhashipena? ²⁴ Loli inga mwenti mukufumwa ubhukubhwi nawamwitisile lumo umujeni bhinjila, kuntamwo mwenagalagakugivywa. Kutalonga na gonti gegakuyangwa. ²⁵ Kwikulu zya mwoyo wakwe inga zyalolehaga. Pesheshikwinza, nkanangwa nakusulama na kumuputa Umulungu. Nkahitiha kuti Umulunguali pakasi papinyu. ²⁶ Shoni sheshikwinza lelo, muyemba nu mukulu bhane? Pemukuhomana poka, kila woka ali ni nongwa Ipwa, kumanyizya, agakwenya, injango lumo kufwafwanula. Bhombaji kila shintu inga mushizenje ishibhanza. ²⁷ Inga wowonti akuyanga kunjango, bhabhanje bhabhili pope bhatatu, nu kila woka kuhabhalilo hakwe. Nu muntu yihondeye ayanje sheshayangwa. ²⁸ Loli inga talipo umuntu uwa uyanga, pelelo kila muntu wonti atendame ishimwamwa mukasi mu shibhanza. Pelelo kila muntu ayanje wuyo weka na kwa Mulungu. ²⁹ Nabhakubhwi bhabhili lumo pope bhatatu bhayanje, nabhanji bhivyaje na kulinganwa sheshayangwa. ³⁰ Loli atendime inga Umulungu amulanga kumbombo, wula yangaga yikwanzibhwa apume mwaa. ³¹ Pakuti kila muntu woka angafumwa ubhukubhwi bhoka nu wa mwabho inga kuti kila muntu abhwezye kumanyila na bhonti bhabhwezye kubhagomwa umwoyo. ³² Pakuli impepo zya bhakubhwi zilipansi pakuzyenya abhakubhwi. ³³ Pakuti Umulungu te Mulungu wa wa lwisi loli wamutende.Inga vwezilimubhinza vyonti vwabhebhitisile, ³⁴ Yikwanzibhwa abhantanda bhatendamaje kupuma bhulo ku shibhanza. Kwekuti bhatakwanzibhwa kuyanga. Loli lelo, bhakwanzibhwa kubha mukasi mumushinzi ngati vyenkomelezyo zikuyanga. ³⁵ Inga kulishoshonti bhakwanza kumanyila, pelelo bhabhabhuzye abhalume bhabho kuhaya. Pakuti shansoni uwntanda kuyanga mushibhanza. ³⁶ Pe izwi lya Mulungu lihafuma kwikwinyu? Pe lihabhinzila imwe basi? ³⁷ Inga umuntu akuyenya kuti bhumukwubhwi lumo wa mupepo, yikwanzibhwa agamanye amazwi genkabhasimbila yakuti ndajizyo zya Mwene. ³⁸ Loli ingatamanya iga, muleshe atamanyaje. ³⁹ Pelelo nkuti, muyemba nu mukulu bhane, yanzaji nkani kufumwa ubhukubhwi, namutamudindilaje umuntu wowonti wa kuyanga kunjango. ⁴⁰ Loli amazwi gonti gabhombehaje kubhinza nakuluyananwo.