¹ Tuyanje kuti nkuyanga nkunjango zya bhantu ni zya bhahabhizya. Loli inga tali nulugano, ndili nganti shaba yeyikulilila lumo bhupafu bhwebhusasite. ² Nakuti ndili nishikunjillwa sha bhukubhwi na kumanya ubhwanalyoli zyezivwamile ni njele, pakuti ndili nulwitiho ulwa kusamwa amagamba. Loli ingantali nulugana, ine te shintu. ³ Na ateyanje kuti nkufumwa ubhupwano bhwane bhwonti nakubhalisya abhapina, na kuti nkubhufumwa umubhili wane inga indungulizye pamwoto loli inga ntalimulugano, yitakubhombela ishintu na shimo. ⁴ Ulugano lukujimbilila na lukupa. Ulugana lutakuyizuvwa na kuyila. ⁵ Bhutali ni bado lumo ulwisi. Lutakulondola imbombo zyakwe, lutakwenya ubhubhavu nalubhilo, pope bhutakubhazya amabhibhi. ⁶ Lutakuhobhoha ubhubhibhi. Loli lelo, lutakuhobhoha kubhwanalyoli. ⁷ Ulugano lukujimbilila imbombo zyonti; lukugidiha imbombo zyonti, luli nagakubhomba gonti, nehabhili lukujimba imbombo zyonti. ⁸ Ulugano lutakudumuha. Inga kuli ubhukubhwi, bhwonti bhukushila. Inga kulinjango, zikuzima. Inga kuli kunjele, kulishila. ⁹ Pakuti tumanyile hansi na tukubhomba ubhukubhwi hansi. ¹⁰ Loli yila yeyikwiline, yila yeyitakwiline yilishila. ¹¹ Penali nemwana, nkayanganga ngati mwana, nkasibhilililaga ngati mwana, nkadumulaga ngati mwana,.Lwenabha ne muntu ne songo, nkabhiha pabhutali imbombo zya shana. ¹² Kwekuti isalizi tukwenya ngati kwekwigalasi, ngati kuminso ukwa shinsi, loli bhabhalilo hala tuliyenya kuminso na kuminso. Isalizi manile hansi, loli ahabhalilo hala ndili manya nkani ngati vye nene manyisile nkani. ¹³ Loli lelo amazwi iga gatatu gakujendelela: ulwitiho, ulusubhalilo lwelukwinza, nu lugano. Loli lyelipiti kushila ganti iga ligano.