¹ Nkuyanga izya umupepo, mukulu na muyemba wane ntankwanza mukose kumanya. ² Mumanyile kuti pemwamile mwebhapagani muhalongozyaga ni milungu zye zitahayanganga kumadala gogonti muhalongozwa nazyo. ³ Pelelo, nkwanza mumanye kuti nawumo wowonti wakuyanga Kumupepo wa Mulungu ahati, "Uyesu ahabhunwa." Nawumo wowonti wliyanga, "Uyesu wu Mwene," loli mukasi ku Mupepo Umufinjile. ⁴ Pelele kulinivikunjilwa ivwa kulehana, loli Umupepo wewe wula. ⁵ Nakuliizya kubhomba izya kulehana, loli Utata wewe wula. ⁶ Nakuliizya kulehana izya mbombo, loli Umulungu wewe wula wakuzibhomba imbombo zyonti kubhanti. ⁷ pelelo kila muntu akumupa izya kulolesya Mwamumupepo bhebhakubhapa ivya kulipwa kubhonti. ⁸ Pakuti umuntu woka bhamupiye Umupepo nizyila mumushinzi, nu abhamwabho kushimishizya inongwa Kumupepo wewula. ⁹ Kubhamwabho akumupa ulwitiho Kumupepo wewula, nuwamwabho ishikunjilwa sha kupozya Kumupepo woka. ¹⁰ Kumwabho imbombo zyamaha, nuwamwabho ubhukubhwi. Nu ku wamwabho amaha aga kumanaya umupepo, uwamwabho injango shahashaha zyezilikuyangwa, nu kubhamwabho kufwafwanula injango. ¹¹ Loli Umupepo wewewula wakubhomba imbombo zyonti izyo, kumupa kila muntu ishikunjilwa inza vwa kwanza kusebhanya wuyo weka. ¹² Pakuti inza vye shili umubhili wuli woka, wope wuli nivintu ivwinji, na ivilungo vwonti vwamubhili wewula wula, sheshinisho nu Kirisitu. ¹³ Pakuti kwa Mupepo woka itwe twenti tuhozelya kwa bhamubhili woka, kuti twe Bhayahudi lumo Bhayunani, kuti twebhazya lumo twabhasatulwe, natweti tuhamwela Umupepo woka. ¹⁴ Pakuti umubhili atali nishilungo ingeshoka, loli ni vwinji. ¹⁵ Inga ishinama shikuti,'' kwekuti ine tenenyobhe, ine tenelubhazu lwamubhili,'' peyitakwazibhwa kubha lubhazu lwamubhili. ¹⁶ Na igikutwi likuyanga,'' kwekuti ine te nelyinso, ine te lubhazu lwamubhili,'' ilyo litakwanzibhwa kubha lubhazu lwa mubhili. ¹⁷ Inga umubhili woti wabha lyinso, kungabha kwiyi kwivwa? Inga umubhili woti wabha likutwi, kungabha ishoni kunusya? ¹⁸ Loli Umulungu ahabhiha kila shiungo isha mubhili palubhazu pakwe ngati vwasibhiliye wuyo. ¹⁹ Na angti vwonti vihabhanga shintu shoka, mubhili nke wuli kwiyi? ²⁰ Pelelo salizi ni vintu ivwinji, loli umubhili woka. ²¹ Ilyinso litangalibhuzya inyobhe, "ntali nishida niwe." Pope itwe litangavibhuzya ivinama, ntali ni shida nimwe." ²² Loli ivintu vya mubhili vyevikuloleha kuti vilinumushinzi hansi vyevikwanzibhwa nkani. ²³ Ni vintu vya mubhili vyetukusubhalila kuti vilinumushinzi hansi, tukuvipa umushinzi nkani, nivintu vye vyitu vyevitakuvutila vili nubhwinza nkani. ²⁴ Na salizi ivintu vyitu vyevikuvutila vitali nakuvipa umushinzi, pakuti tayali vilinumushinzi. Loli Umulungu avisopenkinwe ivintu vyonti poka, na avipiye umushinzi nkani vila vye bhatakuvishindiha. ²⁵ Ahabhomba bhwebhulo inga kutahabhe kugabhanyinkana na kumubhili, loli ivinti vyonti visunganaje kulugano lya poka. ²⁶ Na habhalilo he shoka sha vyalala, ivywa mubhili vyonti vikuvyalala poka, inga lumo shoka bha shishindiha, ivya mumubhili vihobhohaje poka. ²⁷ Isalizi imwe mubhili wa Kirisitu, niivwa mubhili kila shintu sheka. ²⁸ Nu Mulungu abhisile kumushibhanza abhabhwandilo abhantumi, abhabhuli, abhabhutatu abhasambilizi, pebhasilila bhala bhonti bhebhakubhomba imbombo impiti, pehabhili ivikunjilwa vwa kupozya, bhala bhebhakwavwa, bhala bhebhakubhomba imbombo zyakulongozya, na bhala bhebhali ni vintu shahashaha ivya njango. ²⁹ Pe itwe twenti bhapositili? twenti twebhakubhwi? Itwe twenti bhasambili? Pe itwe twenti tukubhomba imbombo zya mafindango? ³⁰ Pe itwe twenti tulinivikunjilwa vya kupozya? Itwe twenti tukuyanga kujango? Itwe twenti tukufwafwanula injango? ³¹ Londolaji nkani iv kunjilwa ivipi nkani. Nine kuti mbalaje idala lyelyinza inkani.