¹ Upauli, weayitilwe nu Kirisiti Yesu kubha newapositili kulugano lwa Mulungu, nu Sosthene umujenzi witu, ² ku kushibhanza sha Mulungu sheshili Kukoritho, kubhalabhebhabhisile kubhafinjile mwa Kirisitu Yesu bhebhitilwe kubha bhantu bhazelu. Tukubhandishila bhonti bhebhakuliyanga izina lya la Mwene witu Yesu Kirisitu kubha munkaya zyonti, Umwene wabho nu witu. ³ Ubhwila nu mutende vibhe kukwinyu kufuma kw a Mulungu tata witu nu tata witu Yesu Kirisiti. ⁴ Insiku zyonti kumusafilisya Umulungu wanokulimwe, pakuti kubhwila bhwa Mulungu bhu Kirisiti Yesu ahabhapa. ⁵ Abhabhomvile kubhamwebhadumbwe mumadala gonti, kuyanga na poka na kwelebhwa konti. ⁶ Abhagomvile kubha mwebhadunbwe, ngati simishizyo kumuyanga Ukirisiti nakuti ayilolesizye kubha nalyoli pabhamwinyu bhamo. ⁷ Pelelo mutakusobhelwa ivikunjilwa ivwa kwamupepo ngati vwe mulinu mwoyo uwakugulila kuloleha kwa Tata witu Uyesu Kirisiti. ⁸ Kutabhagomwe imwe paka kumupelela, inga mutahenyezwane habhibhi pisiku lya Tata witu Uyesu Kirisiti. ⁹ Umulungu wanalyoli wabhisite imwe kubha ubhupoka ubhwa mwana wakwe, Uyesu Kirisiti Utata witu. ¹⁰ Loli nkubhasoha muyemba nu mukulu bhane kujendelela mwizina lya Tata witu Uyesu Kirisiti, kuti mwenti mwitishe, nakuti kutahabhe kulehana pakasi papinyu. Nkubhasoha nkuti mubhungane poka numwoyo woka nalyemukusibha lyoka. ¹¹ Kuti abhantu bhanyumba ya Kloe bhankumbusizye kuti kuli kulehana kwekujendela pakasi papinyu. ¹² Ndili nivwakuti ili: Kila woka winyu akuti, "Ine ne wa Pauli," au "Ine ne wa Apolo," au "Ine ne wa Kefa" au "Ine ne wa Kirisitu". ¹³ Pe! Ukirisiti asabhunkine? Pe! Upauli ahahomwa panongwa yinyu? Mwemuhozelwa kwizina lya Pauli? ¹⁴ Nkusalifwa Umulungu kuti ntahamwozya ingawumo, loli Krispo nu Gayo. ¹⁵ Ili lyamile kuti nawumo wowonti wenkandiayanzile mchozewa kwizina lyane. ¹⁶ (Habhili nkabhozya babhamunyumba ya Sitephania. Kushila apo, ntamanyile kuti kali nkamwozya umuntu uwamwabho wowonti). ¹⁷ Pakuti Ukirisiti atahasontelezya kozya loli kulumbilila izwi. Atahansotelezya kulumbilila kumazwi agamushinzi aga bhantu, ingakuti kuti amaha gashihobhe lenkanwo uwa Kirisiti wutahepe. ¹⁸ Pakuti amazwi gashihobhenkanwo maluli kubhala bhebhakufwa. Loli kubhala bhe Umulungu akubhaponwa, maha ga Mulungu. ¹⁹ Pakuti yisimvilwe, "Kuti nanganwe umushinzi wabha mushinzi. Kuti inanganwe kumanya kubhanjele." ²⁰ Alikwiyi umuntu awanjele? Alikwi umumanya kalata? Alikoshi wa kuyanga wakusonzwa pansi ipa? Pe, Umulungu atahagalunkanwa umushinzi wansi ino kubha bhuyubhwi? ²¹ Kufuma pinsi yihabha mumushinzi wakwe yitahamu manya Umulungu, yihamuhobhosya Umulungu mubhuyubhwi bhwabho ubhwa kulumbilila inga kubhapoha bhala bhebhakwitiha. ²² Kubha Yahudi kubhuzya imbombo izyakupozya nakubha Bhayunani ukulondola umushinzi. ²³ Loli tukumulumbilila Ukirisiti webhamuyivwa, weahabhalalizyaga abha Yahudi habhili bhuyubhwi kubha Yunani. ²⁴ Loli kubhala bhabhisite Umulungu, Abhayahudi na Bhayunani, tukumulumbilila Ukirisiti ngati maha numushinzi wa Mulungu. ²⁵ Pakuti ubhuyubhwi bhwa Mulungu bhuli numushinzi kushila uwa bhantu, nubhudedabhazu bhwa Mulungu bhuli na maha kushila ubhwabhantu. ²⁶ Yenya kwitwa kwa Mulungu pamwanya papinyu umuyemba nu mukuklu wane tmwebhini mwamile nu mushinzi ninjele impiti izya bhantu. Te bhinji papinyu mwamile na maha. Te bhinji papinyu bhaha papwa pabhupiti. ²⁷ Loli Umulungu avisebha ivintu iviyubhi ivwa pansi inga vya mushinzi. Umulungu ahasebha ahasebha sheshidedebhaye pansi kushisamula ishamaha. ²⁸ Umulungu ahasebha ishipotwe ishapansi neshebhashisufizye pansi ipa. Ahavisebha nivintu vyebhatahavibhazyaga kuti vibhe vintu, kuvigomba te vintu vye vyapamwanya. ²⁹ Ahabhomba bhwebhulo inga inga atahabhe nawumo wali ni ntamwo izya kuyila pilongolela papakwe. ³⁰ Pakuti sheshilab shu Mulungu ashibhomvile, isalizi muli mukasi mwa Kirisitu Uyesu, wabhombesile mushinzi kukwitu, kukwitu kufuma kwa Mulungu. Amali wanalyoli kukwitu, ubhuzelu nubhupokwa. ³¹ Ngati zyezikwinza, ngati zyezusimvilwe zyezikuyanga, "Wakuyinula, atayinulaje kwa Tata."