¹ Yuda, katungwa na Yesu Kristo, ndugu yako waja wa kemingwa, wandigwa katika Mulungu Tata, walangizwa kwa Yesu Kristo; ² aija ineema na mhole na nokulonda visangile mwetu. ³ Wambwinga, mikala nikwandikila mara kana bidii ng'wani ayunja ayumo kabokela twaha moja hose, inilazimu kuwandikila kwa ajili ya kuwalongela chogombele chinu huruma wagolela kwa munhu imwe kwa watongole. ⁴ Kwa vinja wanhu wanja wangizwa kinyemelwa ino hano - wanhu hawaja okomigwa wahindula kagoliligwa ya Mulungu wose inja mbavi, na kamlema mulumangu wose iyeka na mulumangu Yesu Kristo. ⁵ Vino nalonda nikulongele weye vina sambi mkala mjua kukagala mulumangu kawavula wanhu kulawansi ya Misri, vinasambi chowasa waja hawajuie kutengeleza. ⁶ Hawaja wamalaike hawaibonile ingwake wenyego vinasambi waleke ng'ande zao nokala kumwangu Mulungu kachika mizabi ya siku zose, ng'anda ziza, vino haiaja wamsola wamgalo kugigwa mhulu. ⁷ Vija Sodoma na Gomora na ming'ande izunguluke, abaho zingile yenyenge. Mgoni na kize zitamae zino zibure. Waleguswa kama waja vino samvi watesa katika otensa ya moto wa siku zose. ⁸ Havino, kwa nzile ija ija wolota zonzi wanu wanu, oibananga oiharibu lukulu iwao, na olema zimbuli ngao, na olonga uvinzi nganu gulonga. ⁹ Vina sambi Mikaeli gamalaika mkulu, aguno oikwega na kinyakelena kuilongela ago lukuli iwa Musa, halogile kugale uvizi miyage, vinasambi kalogq, ''mulumagu hakuloga''. ¹⁰ Vina sambi wanhu wano wavizi aganu chochose hawaguile. Na kija hakijuele. Akija abao wang'onye hawana luhala wa bure kwa kisilika. Agano kabananga. ¹¹ Gwe amweye! maana wachora katika zira ya Kaini, kuziwinza litenda la Balaamu. Wangamila katika muhasi waja Kora. ¹² Wanu migamba katika zisherehe zenu za kwinogela, wakinogela bila kinyala, woja wenyego. Mawingu gasio na gamazi bure, gogaligwa na kivalavumbi mibiki ilagala gabure vinu wafwa mara kabili, isiniligwa mizizi. ¹³ Gamawimbi guruma ibahari ya honda kinyala wenyego, hondo za hangaika abaho wa titu wa mlela achaoni siku zose. ¹⁴ Enoko, labaho ijagwa saba kulongola Adamu, kailotela haija wano, kalonga, ''lola! Mulumango kokwinza na mzelufi kwa mielufu wanogile aino, ¹⁵ ili atende hungumigwa uchanya kila munhu, na kugela mbuli wose hawaduile Mulungu chanya vokale na mbuli za mbuli zao zose visheli vimalile katika nzile zokamigwa, na zimbuli zose abaho waleka wakoma kuzilonga izi yake. ¹⁶ Waja walongalonga, walema abaho kuziwiza zitamae zao za ubuli, kuitola gweye abaho muta chao huviza wayango. ¹⁷ Vina sambi mwenye, mbwiga, humwikumbuke vimbuli zilongile yagalongile wakuluwa ngwaka na himitume wa Mulumango Yesu Kristo. ¹⁸ Walongile mumwetu ''vinosambi kukala na wanhu wazibeta abaho huzuwinza zitamae zose haija muhole''. ¹⁹ Wanhu waja nowagombeza, wawandehe na zitamae za umwaka, wa bure moyo. ²⁰ Vino mweye, mbwiga, kama mwinzegele katika hurume zenu mhulo nghani, noona kupula moyo uholile. ²¹ Jilole katika mbwiga wa Mulungu, na nombeta mhata ya Mulumangu wetu Yesu Kristo abaho kawenha ugimeswa siku zose. ²² Mlangusilemi mhole kwa waja hawaijuile. ²³ walaveni haja kusala katika kuwalava kwa moto. Kwa ya yango mulanguse, igamouma oga seke unyile ngue ingelingwa doa. ²⁴ Sambi kwamwake hadaile kutimahila lekawikwila na kutendela mume kulongeze ya utukufu mwake na furaha, bila kwita kukula kundenyeta. ²⁵ kumwake Mulungu kanduwea Mulokozi kosela Yesu Kristo Tata wetu, utufu uwe kumwake, mluzo, na kuvukabule ngakoti zose, na savubi hata milele. Amina.