¹ Kulawa kwa mkulu mongenda kwa mtwazi na wanange, baha niwalo ndile ngani nitusambi, waijawa ngani, ² gweye kosanga mbuli ilimgati yangu ikalangati hamoja nanie siku zose. ³ Mweda, ngani, miyago zilawa kwa Mulungu tatuzilawa kwa Yesu Kristo, mwanage wa Tata kolonda gani. ⁴ Nadengelela ngani miyago nivumbula wana agenda ngani ivija vichibokele, imbili ino ilawa Tata. ⁵ Navino nokulanga gueye, mtwazi, nie sikwandikila mbuli, hata bado sikalile nayongani, naholavino chinogele cheye kwa cheye.Havino nomulonda, vinosambi, nongera sawawa iivija valongile yeye. ⁶ Ukali nolola vuhulike haja sambi nolola bao. ⁷ Ivija mwabule mbuli wayago waigola, mwiishi hano Yesu Kristo keza mulukuli, inomvizi hawalonda Kristo. ⁸ Iloleni wenyego kama nyasa mbuli zija chitendile kazi, vinosambi ubokele vinu venu kamili. ⁹ Kongondelela na zimbuli za kutengeleza Kristo, kabule mulungu. Ino kokala valongiligwe na Tata mwanike. ¹⁰ Kama munu ino keza kumwenu kabule mbuli, leka kubokela muiganda leka mumulamse. ¹¹ Konela musa kokwingila kuna mbuli zake zihile ¹² Ninazo mbuli nyingi ndema kumwandikila, silondile kuandikila muno mwikalatasi na wino. Nolonda kwiza ukae kumwenu kwangala chilole vihanga kwa vihanga, kaziija itendigwe inoge. ¹³ Wana wa mkulu wenu omola msani.