¹ Neevwa waasya munene ukiita kuma mwangali wa vatheu na wanena kwa ala aalaika maanza, "Enda na ukatulule yulu wa ndunia mavakuli moonza ma nzika ya Ngai." ² Mulaika wa mbee aendie na kutulula mbakuli yake nthini nduniani, maumisye mathuku na mena kyulia kikali nimokie kwa andu mena uvano wa nyamu, kwa ala makuthaitha ivisa yake. ³ Mulaika wa keli niwatulile mbakuli yake nthini ya vaali, yekala tanthakame ya mundu ukwie, na kila kyumbe kithayu nthini ya vaali nikyakwie. ⁴ Mulaika wa katatu atulula mbakuli yake nthini ya mbuthi na thini ya syitho sya manzi, syatwika nthakame. ⁵ Neevwa mulaika wa manzi akinena, "We wi mulungalu - umwe ula wikwo na ula weekwo, mutheu - kwa kitumi we tete usililo uu. ⁶ Kwa kitumi nimatulile nthakame sya etikili na athani, wamanenge mo kunywa nzakame, nikyo mailitwe." ⁷ Neevwa kithembeo kisungia, "Niwo! Mwiai Ngai mwene kusumbika yulu wa syonthe, usililo wakuniwona wa aki." ⁸ Mulaika wa kana aitanthi kuuma kwene mbakuli yake yuluwa syuua, na yanengwa mwanya kuungusya andu kwa mwaki. ⁹ Maunguisywe kwa yangu yutelemya, na mamithyo la ndeto ya Ngai, mwene vinya yulu wa makuno onthe. Matyaelya ona kumunenge we ngaatho. ¹⁰ Mulaika wa kaatano atulula kuuma kwene mbakuli yake nthini kitumbini kya usumbi kya nyamu, na kivindu kya kunika usumbi wake. Mathia mayo ntthini wooni mukali. ¹¹ Mamumanga Ngai wa ituni kya ma woo na maumithye moo, na inavika maendeea kulia kumbuka kwa kila maikie. ¹² Mulaika wa thanthatu atulula kuuma kwene mbakuli yake nthini ya uthi munene, vulati, na manzi make mangala indi kuthomoa kusouvya nzia asumbi ala mokite kuma mumilo wa syuua. ¹³ Noona ngoo itatu njavu ila syoonekanie ta syoowa syikuma ntha ya kanywa wa ila nzoka, ila nyamu, na ula mwathani wa uvungu. ¹⁴ Ni ngoo sya mbevo syikwika mithemba na syama sya ithiwe syikithiwa asumbi ma ndunia yonthe indi kuchomoa kumombanya vamwe kwa kau nthini syikukuuni ya Ngai, mwene kusumbika yulu wa syonthe. ¹⁵ ("Sisya! Ninukie ta kingei! Ni mbaa ula ekalite nthini ya kukomaa, akwiia ngua syake indi ndakathomoe kuthi intha emuthei intha emuthei na kumiona nthoni yake.") ¹⁶ Mamaitie vamwe nthini mwangali wetawa nthini kie vulania amaketoni. ¹⁷ Mulaika wa moonza atulula kuuma kwene mbakuli yake nthini ya itu. Alavu waasya munene wewika kuuma vatheu na kuuma kwene kivila kya usumbi, iyasya, "Niyathela!" ¹⁸ Kweene syeeni sya kyeni kya ngalaliki, na kitundumo, kithingitho kya ngalaliki, na kithingitho kya kutelemya kithingitho kinene kya nthi kila kitaithiwa kumililya nduniani kuma anamaandu maithiwavo nduniani, kwou ni kithingitho kinene kuvituka. ¹⁹ Musyi mnene niwavanganie nthini ngali itatu, na misyi ya andu ma mbai ingi yavaluka. Alavu Ngai amulilikanya vaveli munene, na aunenge musyi wou kikombe kyousuite ndivai kuma kwene nzika yake ila ye ngali. ²⁰ Kila kithama kyooa na syiima siaonekana ingi. ²¹ Mbua nene ya mavia, ina uletu wa talanda, yathea kuuma ituni yulu ya andu, na mamumania Ngai kwa makuno ma mbua ya mavia kwa kitumi ila ikuno yethiwe ithuku muno.