¹ Ninanengiwe mwangi wa kutumia ta ndata ya kuthimia. Ni natavisywe, "Uma na ukathime ikalu ya Ngai na mathembeo, na ala makuthaitha thini yake. ² Indiuu ndukathime uvande wa ua wa ntha ya ikalu, kwa kwithiwa manengetwe andu ma mbai ingi. Ala meukinya musyi mutheu kwa ivinda ya mui miongo inana ili. ³ Ngamanenge nguthi syakwa iyili mookumu ma kwathana kwa kwa ivinda ya matuku 1,260, mavaite makunia." ⁴ Iyu nguthi ni miiti ya miseituni na inala ili syiu ngamite mbee ya Asa wa ndunia. ⁵ Yatikwa mundu yoyonthe ula akwenda kumaumithya ninginya owawe kwa nthia ino. ⁶ Iyu ngusi syina utonyi wa kuvinga itu indi kwimbwa mbua ikouwe ivinda siyathana. Syina vinya wa kualula manzi matwika nthakame na kumikuna inthi kwa muthemba wa ikuno ivinda yoyonthe maenda. ⁷ Ivinda ilamethiwa maminya ukusii woo ila nyamu ikuma imani itaingwa muthelekelo akeka kau kwondu woo. Akama sinda na kumowaa. ⁸ Mii yoo ikakoma nthini ya mutaa wa musyi munene (ula kingelekanyo witawa Sotoma na Misli) ula mwiai woo wakela niswe. ⁹ Kwa matuku atatu na nusu amwe kuma nyumba sya andu, mbai, kithomo na kila nthi makasisya mii yoo na mayuumya wathokwiwa nthini ya mbiia. ¹⁰ Ala mekalaa nthini ya nthi makevwa utanu kwoundu woo na kwa alilika, ona kutumiana mithinzio kwa kitumi asu athani eli mamathinisye ala maikalile nthini ya nthi. ¹¹ Indiuu mbee ya matuku atatu na nusu veva wathayu kuma kwa Ngai ukamalika namo makongama kwa maau moo. Kii munene ukamavalulika ala makumona. ¹² Alavu makevwa waasya munene kuma ituni ukimatavya, "Namo makathi yulu ituni nthini ya itu, ivinda amaitha moo makisisya. ¹³ Nthini ya saa isu kukethiwa na kithingitho kinene kya muthanga na imwe ikuni ya musyi ukavaluka. Andu ngili moonza makwawa nthini ya kithingitho na alametiwa thauyu makakithwa na kumunenge ngatho Ngai wa ituni. ¹⁴ Ole ya keli nivitie. Sisya! ole ya katatu niyukite mituki. ¹⁵ Alavu mulaika wa moontha niwakunie thoo yake, na waasya munene nisyannanie itumiua kunena, "Usumbi wa ndunia niwithiwe usumbi wa Mwiai witu na wa Klisto wake. Akasumbi ika na tene." ¹⁶ Alavu atunia miongo ili na ana alamaithiwe matilye nthi kwene ivila syatene mbee ya Ngai ala mavalukile ene nthi muthangani, moothyu moo mamakumanitye nthi, namo makimuthaitha Ngai. ¹⁷ Maanenie, "Nitikumya muvea witu kwaku, Mwiai Ngai ula wikwo na ula withiwekwo, kwa kitumi woonthie vinya waku munene na kuambia kusumbika. ¹⁸ Andu ma mbai ingi nimathatie, indiuu nzika yaku niyukie. Ivinda nivikie kwa akwu kusililwa na we kumanenge muthinzio athukuni maku athani, ekiia na ala maina ukii wa isyietwa yaku, onthe eli mataingwa vata na ene vinya. Na ivinda yaku niyavika ya kuananganya ala methiwe makimuananga ndunia." ¹⁹ Alavu ikalu ya Ngai ituni niyakunuiwe na isanduku ya utiamio wake niyonekanie nthini ya ikalu yake. Kweena kyeeni kimengele, mungulamo wa ngaliliki, kithingitho kya muthanga na mavia na mbua.