¹ Wekepisaana juma, zame hunlltina, zanepee mamnukato hamakwame kenenna cheka. ² Kamegosangata pipinguliyakwa ichana a hunlluko. ³ Kmaeechikina, lakini manabeema babiye Yesu. ⁴ Hi!eamo kwamba, kwakwamaii masalakoweta kuhusu a hako tikitlia unu uitabowamo tloobee gharabee. ⁵ Akwitibee kwametsoso hofu a kae akwabeete elhene, kamiheta akwitebee," Akwiaha kakaa bami misiyebee? ⁶ Ukuwa hamena, ila kanlooamo kosela atebee kwamo baheahe Galilaya, ⁷ kamitlozohe, akwetema Adamu lazima emeda babmi a iso sulubiwaiya, a tsfiko samakako, iso nllama." ⁸ Bee akwitii bee idiga, ⁹ a kametsahe hanllutina hama idiga wainama bee ikomi a uchame a ichebee waineeta. ¹⁰ Basi Maria Magdalena, Joana, Maria asukumo Yakobo, a kwetibee ichebee wainaeta taarifa hako mitumebii. ¹¹ Lakini hama ujumbe isa nendo kapii mitumebii, a kwami bee akwiti. ¹² Abeeneta Petro, kamochii hkaochowa hunlltina, a kamoachee chikina, kamo atsita sanduku ichinanesa. Pewtro kamohaka hetsanana, kukunyeyahama kweya ji!ee. ¹³ Achee, piyebee hakamee boboko tsifi kweya kijiji Emamau, ambacho maoli sitini Yerusalemu.

¹⁴ Kamenlookozoe kuhuusna maidiga hamakweya h!ee. ¹⁵ Kmaohite kwamba kwamee tlozo a yakaseechane swalibee, Yesu kamona ii kaapaa a bee. ¹⁶ Lakini akviyeta iseakwa tsacha bamii. ¹⁷ Yesu kamoheta," Akwihaa itibii piyibii kwatita kamiika beena namena huzunipipi. ¹⁸ Uchumeicha, akanabeema Cleopa, kamoheyama ," Je umuteer haka Yerusalemu bamii idiga hamakweya hi!ee habichina tsifi?" ¹⁹ Yesu kamohicha," Akudihaga?" Kmaojibute," Idigana Yesu Mnazareti nabiiehe, bami kweya a idifa Haine a emeda waikoma. ²⁰ A neta jinsi bami a kuhanibii a kwamihi!ahe hukumiwa iyachana misihe sulubishwaiyachana. ²¹ Lakini tetaoaa bamimeti isochekte huru Israeliu. Eee, ichana a habee wainaeta. Hamiisho samakaTangu bami idiga. ²² Lkaini nllama akwitibee angaibee hiechaa kweya laghaya kukunyayame, baadama wekelapisana. ²³ Kwame wetingeta manabeema, kamezaa,mtsyaame asepowe mamalaika ishiniokwa hupeya. ²⁴ Slimibii angaibii habikwamii pana a obii hakami, a kamigosangana isa kwame akwitebee tlozo. lakini akwemetsiya bami." ²⁵ Yesu kamoheta," Etebee emeda a habekweepee a aminiehe wainama idiga bbami manabii bii kwapii! ²⁶ Je akweya lazimaeheh Yesu guluchane kweya hama idiga, kweya utukufuma?" ²⁷ Kisha kweya Musa a manabii, Yesu idiga bbami kweya maandiko wainama. ²⁸ Kwamena!ii bami kijiji, beenakwa a hakake, Yesu tsihe isa. ²⁹ Lakini lazimishaeta, kamedlzo," Hamaa kupana a obee, maa a tsifiko isa baheyakwa." Hivyo Yesu kamoo hakachoma hamachana A bee. ³⁰ Hieamo kwamba, kwohakwama a bee a semechana, chioyamo mkate, kamobarikiita, a pallowachana, kamokwihicha. ³¹ Kisha kamellaya, kametsaha, aa kamolekahe ghafla akwabi chinaeta. ³² Kmaeldozo ichinaeta," hae nkoloko ana akwakwa polahe chikionaa, kwamo bami nllaaeano maandikobee?" ³³ Kmaehukwa babahucha, a kametsehe Yerusalemu. Kamogosengeda bee uchame, a bee habe kwame babheha a bee, ³⁴ Kametlodzo," babie konllozo humako a ematano Simoni." ³⁵ Hivyo kamehete idiga hamakwahiee yikitina a kama Yesu bii nkllaama ipchana mkate. ³⁶ Kwamea tlozo idia hama, Yesu babami kamoika nllaenata, a kamoheta," Batlahe iso itibitina." ³⁷ Lakini isliyame a kametsosa islee, kamegoseka ishonokwa tsikame nkoloko. ³⁸ Yesu kamoheta. akwisa tsukusuna? Akwiaha masawalibee kapee hukwa? ³⁹ Ehenichate ukwabikwa a upukwibikwa, kwamba . Tsekwate a tetesikwa. Kwako tsoko ukuwaza manako a, isa kweteta a ono kata a chokwaha." ⁴⁰ Kwamobahe tlozona nabee, kamolla ukwabiima a upukwabiina. ⁴¹ Kwame hupee a babmi guiye a akwe aimishe, a kakunya Yesu kamoheta," Je ianetee samachee?" ⁴² Kamekwema kipandekoma tsala atiyiko. ⁴³ Yesu kamohita, a kasesameta aaneeta. ⁴⁴ Kmaoheta," Kwanaa atebee, hinaa kwamba wainaeta kwako sheriakoma Musa a manabii a zaburiko lazima iseghuka." ⁴⁵ Kisha kamollayete masalokweta, kwamba ise mamandikobee. ⁴⁶ Kamoheta," Kwamba Kristo lazima iso guhula, nllama hieche misuyebee tsifiko samakakao. ⁴⁷ A tiba a msamaha dhambi lazi a iso hubiriwa neta akanabeema kapee bee waineta, kurula Yrusalemu. ⁴⁸ Elebeeb hamaa idiga. ⁴⁹ Chee, hakaneeta ahadima puhunaina. Lamite hanema jijinina, mpaka kwetee ulubee puhuna. ⁵⁰ Kisha Yesu kamoeneta tongotina , mapaka kwamee Bethania. Kmaohukicha ukwabiii puhuna, kamobariki Iyeta. ⁵¹ Kamohite kwamba, kwamobaami abarikiyete, teafani a puuha mbinguni. ⁵² Basi kamehubuduita, a tetsee Yerusalemu a batlehee pakapaa. ⁵³ Endeleayami babhachana hekalutina, kwahete barikiita Haine.