¹ Tsewa ale balor geera ar juma ninaxayee dir baa, ngina huwiyee manukatoka amohhees. ² Taharda tla/ano kwa wiririi kusaw na baa. ³ Tanadidi harda ,ala slaqwata Aako Yesu ngabarad ayiika. ⁴ Inatii gidaaba qomar gurhamutiyaa asma ttisi muku tsar tanasihhit tla/ain ayiika mitsihhha ngadahasi. /Amena tanadaayut gitse/ain kinamahhatisi baraa yaamu amorhe iyamu ga/aya, ⁵ /amena kanadobaye, asma he slaf unlelehhita wa dandema muku ahhan. ⁶ Ikahha dirihe, ala awaslo, inslawal idoda a o mila dirhunge qomar iwa Galilayar dirii. ⁷ Inao gidaaba na/e Adamu iharin islazima kuwaduxi wa baraa dabaa muku iringetar kon ne kwa kikii, na balo tam in waslo maleale. ⁸ /Amenada aluwo /amieriwo's kwada ngina inslay'e, ⁹ na ninaki/ii wa amaor baa nee nginaidabaye kwada miba nee wak nee ohatla sleemeero morooda sleemeero. ¹⁰ Aluwo Maria Magdalena Joana, Maria ayor Yakobo na /amenar hatla inooin sleemer idigowi nginaduxi dir mitume. ¹¹ Aluwo /aymuda kunawaqamaitsahh nee ya/abuse nee /amenada nga haratlintiika. ¹² Aluwo Petro inasihhit, nee inatiin amor baa na inaaqaytsit aybara guro baa, garaar a sanda kilos. Aluwo Petro inatlay amordoos, maaldakut amila garnatiit. ¹³ Anaqaytsi, otsar wa gwa inooin inaar iwada qaqaya aqobalosi wa bara kijijir wak umos kubay Emmau, tada maili Lahho kum watlemu Yerusalemu. ¹⁴ Tanaaxwes inooin kiloin asma moroo natiit. ¹⁵ Arnatiit aluwo, qomar tawaaxwesi nee tiwa yahamisiya, Yesu inasuruku dir in tanaltlay nee inooin. ¹⁶ Aluwo ilain kinatseg inooin nguwatsa hhiya. ¹⁷ Yesu nginaidabay, amila tisi kuunga tsar taaxwesa qomar twahhita? Tanasihhit dida kinaar igurahamutiu. ¹⁸ He wak dir ine umowos Cleopa, mu/ewats xay kuung a kiloge diri Yerusalemuro kwada ngixuakang moroo tiimit morihe alorihe? ¹⁹ Yesu nginaidabay, moroo amila? kunamu/ewats moro kwada asma Yesu Mnazareti, kwada ang arusumo kwada aleslemuukom bara tlehhimu nee /aymeeri wa gera Mungu nee mu sleeme. ²⁰ Naidoda sleeme uruseda ar makuhani nee wawita koda ngwa duxi kuwasakwaslemuti gwaara nee kuwakikii. ²¹ Aluwo anaharahhitan gidaaba ino's an he Israeli ngiba/amis. Alo, kwasaw bara tisi sleemeero, hindi adelor tam balo moroosi niwa tiimit. ²² Aluwo sleeme /amena bahhalen o bara tla/aren tundunakwasl'tis qomar iwadagayee amor baa matlatle bo/a. ²³ Qomar slaqwa ngiwadakusi ninaxay, tanao gidaaba gehhoema kanaar sleeme ar malayka kwada oi didaaba islaf. ²⁴ Hhawate kwada bahhale ni dir wak dirian na aten tanadaaqay amor baa na taharda aqoido idada /amenada aoi. Aluwo ngwariing ino's. ²⁵ Yesu ngina bay kuungaa muku daktana ne muku munerilo kawa ya ilo ar kwaya/anda tada sleeme aruse taoin! ²⁶ Ala iharindakee yesu iwa tlahhai tlehhi asma moroowi, nee iredah baraa xirfuwos? ²⁷ Aluwo imir dir Musa nee aruse sleeme, Yesu ngina wagwedit morooda ino's wa harim bar goi sleemeero. ²⁸ Qomar tawa hahrda dir kijijida amosi ange takakay Yesu ngina tlehh ador hee gidaaba o gera hiit. ²⁹ Ala kuna/urtes tana oo iwiwitang nee ate'n asma xwera nahardah iyee nee delo sleeme afak. Lawo Yesu inadaha inaiwit nee inooin. ³⁰ Inatiit argidaba qomar tawaiwit tawa /ayn mkate ngunatatahh, ngunaalefiririn na nguna geqay, ngunahanis. ³¹ Aluwo ilain kinagwer kunatsahh, na inatlay wa ilain ganslay. ³² Tinaiaxwesi inooin keloin xayse muneren aotike baraa atene, qoimar iwaaxwes nee ate'n wa baraa uruwa qomar goi ngiwa gwer. ³³ Tanatley aqoqomasi etanaki/i Yerusalemu, kinaidebay kwad a mune wak taburumburit dir wak na kwada ang dirwak na inooin. ³⁴ Tankay, Aako awaslo aloema na Simoni ngunaharatiiti. ³⁵ Aluuwo nguneoin moroda atiimit wa baraa uruwa, na idoda Yesu kwar laqan dir ine tide mkate nguwa parahhamis. ³⁶ Qomar moroosi nguwa axwesiya Yesu ino's o kila inasihhit tla/ain na ngina dabay, wayda imorhung tlehhit. ³⁷ Ala tanadaayut na mahai nginaar na tanafikirin gidaaba gar taar qeru. ³⁸ Yesu nginaidabay asmamila mashhimausa? Asmamila yahamisi misder wa baraa munerhung? ³⁹ Qaytsite dabae nee yaaa, gidaaba aani kiloe kwatitaree nee kaanda asma gidaaba nunaifuuren kona na fadu aqodosi ani ar ande ngiwa kom. ⁴⁰ Qomar ngiwa o dosi dabawos nginalaqan na yaawos. ⁴¹ Qomar qwala/amayer taharag=qas ne xure ne wa/oomo ngiwa konaa Yesu nginaidaba, xayse gar /ayma ar takonda idero? ⁴² Samakimo teda/aa kunahanis, ⁴³ Yesu nginatatahh nee ngina /ay wa geerain. ⁴⁴ Nginaidabay, qomar tawane kuunga tundunabaw gidaaba tada sleeme tagoin wa baraa dabemo Musa na aruse na zaburi iharin iwabo/er. ⁴⁵ Aluwo sagerin nginagwer gidaaba aalesler kawatsahh goi. ⁴⁶ Nginaiday gidaaba kagoin Kristo lazima iwa slahhahhai nee in waslo/o maleale wa baraa gwaara balo tam. ⁴⁷ Na hhoiing na guratlemu iringe iran kuwa oin asma umowos wa xarodu sleeme imir wa amor Yerusalemu. ⁴⁸ Kuunga a lamabuur ar moroowi. ⁴⁹ Qaytsit ani ngihubim alqador baboe gawahung ale. Ala damaka wa diri jijini aya dir tundu/uiqasi o amor gawta dahh. ⁵⁰ Aluwo Yesu nginagerahar wa afeni aydir qomar iwaharderahiyaa Bethania Dabawos nginatles gawa enginatsuq. ⁵¹ Inatiit gidaaba, qomar ngiwa tsuqun nginagexay na kunagagar gawa otlemu gawa dawri. ⁵² Aluwo nguna didiisiyee na inaki/i Yerusalemu nar ngwalo/o ur. ⁵³ Inakomit wabara hakaluni, Mungu ngure xirfemisiye.