¹ Alu mu vilo vivi, lono viwao vye wonowehuwi ye zono yali ikonjelezeka, zinhani le waya hudi kiyunani likanza hambi ye waebuniya soko ya wonowafiliwe wawo walikuwa wakusemwa kumugawo we kila siku endigwa. ² Watumi kumi nawejete wakawachema witanganile wose le wateule no kulonga siyo mbeka kwetu kulileka nkani yo mulungu nakitumamila mmenza. ³ Holeka wandugu muhague wechume mphunghoti kulawilila ku hamonga yawo wanhu waswanu wono wamemile muhe ne mahala wono chikusuma kuwapela utumami au. ⁴ Na sese chojendelela kowalikuswa chikulomba ne ku witumami we nkani.'' ⁵ Inghani yiyi ikaunojeza mkungano wose ntayiyo wakamuhagula stefano munhu monoyamemile wihuwilo ne muhe monoyelile na Filipo, Plokolo, Nikomoli, Timoni, Pamena, na Nikolao mwongoche kulawilila Antiokia. ⁶ Wahembi wakawaleta wanhu wa kumwande ye watumami, wonowakalomba na hakunuma wakawawichila mawoko gawo. ⁷ Hambi nhani yo mulungu likeyaganale ikonjelezeka kuko Yerusalemu, wakaitii mesooo. ⁸ Na Stefano yali yamemile lihewa ne vilungo , yali yakunoza mujiza ne mapoto mawaha hamonga ne wanhu. ⁹ Ninga baho wakenuka wanyi wanu wawo we ntanganilo likuchemwa la mahulu ne leye wakilema na waeskandaria na kanyi kulawilila kilikia na Asia wanhu wao wali wakiuza na Stefano. ¹⁰ Hamba siwasuma kuliganiza ne mamlaka no muhe yono Stefano yali yakitumamila yakulonga. ¹¹ Sunga wakawahonga soko ye wanhu au isili kulonga. Chikahulika Stefano yakulonga nhano yo kufaulu soko ya Musa na soko yo Mulungu.'' ¹² Yakawahenyeza wanhu wazehe, ne wandichi no kumubitila Stefano wakambati no kumleta kumwande ye libalaza. ¹³ Wakawaleta wahomelezi wowulambi, wono wakalonga, munhu ayu siyakueka kulonga zinhani mabii so ya hanu hono helile na ulajize. ¹⁴ Soko chamuhulika yakulonga kwa ayu Yesu wa kunazaleti Yohaviza hanuaha no kuzipitula malajilizo zono wapegwa na Musa. ¹⁵ Na kila mmonga kwi balaza, yakalajilila meso gakwe kumulana stefano nao wakauona usu wakwe wali kotya usu wakwe wali kotya usu wa malaika.