¹ Zono yali lamulwa soko chikusanjigwa chisafiliku malenga kubita italia, wakumukabizi Paulo na wafungwa wanji kwa Afisa mumonga we jeshi lye kiloma monoyakechemwa julio, we chikosi cha Agustani. ² Chikapanda meli kulawilila Adramalamu yono yuli isafili kumbelo ye Pwani ya Asia ntayiyo chikenjila mubahali, Arisyaka kulawilila kwa Tesolonike gakabita hamonga naswe. ³ Siku yono ikutyatya chikatula linaga ku isi ye sidoni kono julio yakamutendela Paulo ko ukalimu na ukamukombola kubita ku lafiki zakwe kubochela ukalimu awo. ⁴ Kulawilila baho chikabita kunahali chkasafili kupilimpya chsiwa cha Kipro kono chalichambile ibeho ku soko mbeho kusoko mbeho yaloichi kabili. ⁵ Hni soko chasafali ku malenga go galibehi ne kilikia na pamfilia, chkaza mila isi ye lisia. ⁶ Halya yulya Afisa wa jeshi lya kiloma, yakayagana meli kulawilila Alexandria yono yali isafili kubita itali, Yakachipandiza mugati yakwe. ⁷ Hambo zono chali chisafili mpola mpola kwe vilo vinji ne hatimaye chikawa chafika kwa taabu beho na kidinas mbeho siikachikombola kanyi kubita nzila iyo, kanyi chikasafili hampelo ye chivuli che krete chikuukinga ibeho, mkabala na Salome. ⁸ Chikasafili kumphelo ya pwani kwa Waamu, sunga chikafika mahali honohakuchemwa fali Haveni yono ilibehi ne isi ya lasi. ⁹ Chali chasola mapango matali sana ne mapango go mufungo wa Wayahudi wali wapuluta kanyi, na alu yali ni hatali kujendelela kusafili, Hambi Paulo yakachiwonya. ¹⁰ No kulonga, wechilume, nkuwona safali yono chikusaka chiyisole yowa ne mazala nehasala nyinji siyo tu muigo ne meli sunga kanyi ye maisha getu. ¹¹ Habi afisa wejeshi la kiroma yakamuhulichaza hazaidi uwaha wakwe galya no mumiliki wa meli, kuliko mambo galya gono galogwa na Paulo. ¹² Ku soko Bandali siyali sehemu lahisi kwikala mapango ge beho abahaliya wenji wakashauli chisafili kulawilila halya, soko kwanamna yoyose chala suma kuifichila isi ya Foinilake, chikate paho apango gebeho. Foinike ni bandali kuko Krete, na ikuzama kusumuka ye ichlima nakutukama ye chilima. ¹³ Imbeho ye kutakama zono yali kwanza kukumena mpola mpola, mabahari ya akelwesa watuga chilya chono walichisaka, wakakula nanga no kusafili kumpelopelo ye krete behi ne pwani. ¹⁴ Ninga sunga mapango mafupi mbeho nkali, yono ikachemwa na wakusumuka ye chilia, wakana kuchitowa kulawilila ku Ng'abo ye chisiwa. ¹⁵ Mapango eli hono yalyalemewa no kulemwa kuukabili imbeho, ne ¹⁶ chisiwa chono chikuchewa kauda, ne kwe taabu sana chikafanikiwa kuwokowa wa mutumbiwi. ¹⁷ Hambi zono waliwaikwega, waketumami mulejehe kuwiopa meli, wakogopa soko chalichisume kubita kulienewo lyo muhangha mwinjiwa iti, hambi wakatimya nanga na wakendeshwa hampehampelo. ¹⁸ Chikatowa hawaha sana ne zoluba, hambi vilo vyono vyikatyatya mabahaliya waaanza kutaga mizigo kulawilila mu meli. ¹⁹ Siku ye kadatu, mabahaliya wakanza kugalavya malenga kwe mawoko gawo wenecho. ²⁰ Mapango gonolizuwa ne nyelezi sizika chimulika kwe vilo vinji, kanyi zoluba mbaha ikachitowa no mitumbilo muwaha chali chiwokolewe gakatoweka. ²¹ Hamba zono wali wabita apango matali bila ndigwa, baho Paulo yakema hagati ye mabahaliya yakalonga, wechilume mukapaswa muhulichie sichali chikule nanga kulawilila krete soko kutuga aga mazala ne hasala. ²² Na alu nkuwafaliji mjitiye ntumbula, ku soko sikwala kuwe ne wajilizi we maisha kati yenyu habi hasala ye meli du. ²³ Soko chilo chochapuluta malaika wo mulungu yono mulungu ni nene ni wakwe na mono nghumuhemba kanyi, malaika wakwe na ono nghumuheba kanyi, malaika wakwe yakema hampelo yangu. ²⁴ No kulonga leche doda Paulo, lazima wime kumwande ya kaisali ya no kulanga mulungu kuwena wakwe yakupela awa wose wono wakusafili hamonga nagwe. ²⁵ Hambi wechilume mipele ntumbula, ku soko nkuwamini mulungu, soko yewa zo nalonjelwa. ²⁶ Ninga lazima chiumiye kwa kutowa baazi ye visiwa. ²⁷ Zonowakafika Chilo che kumi na yine chali chikuwendeswa ako na ako ku bahali ye Adrati kotya chilo che manane ntayi, mabahali ya wakeleswa kotya wasejelela isi nkavu. ²⁸ Waketumamila mililo kupima ntali we china che malenga ne wakatuga mita salasini na sita, badala yo mapango mafupi wakapima kanyi wakatuga mita makumi ichenda na mupunghati. ²⁹ Wakogopa kwanza chadihiche gonga miyamba ntayiyo wakatimya nanga ine kulawilila ku sehemu kuwika wakatuga mita makumi ichenda na mupunhtati. ³⁰ Walya mabaharia wali wakulomba wamuna ya kuiteketeza ilya meli no kuitimiya mumalenga boti ndondondo chokwolejela maisha na wake nozo vyono wakutuga nanga kumwa ye ubavu we bahali. ³¹ Ninga Paulo yakamulonjela yulya asikali we jeshi lye kiroma na walya asikali siwaka suma kuwokowa hono yali awa wantu wakusigala ku meli. ³² Kanyi walya asikali wakadumula mulejeheze ilya boti naikalekwa isolwe ne malenga. ³³ Mapango go uzelu we chnya mitondo honowali ukilajila, Paulo yakamulonjela yulya asikali wose angalau walye hadodo yakalonga, Ayi ni siku ya kumi na yine mulindiye bila kulya simunalalya chinu. ³⁴ Hambi nkuwasihi msole ndigwa ndodo, ku soko ayi ni ku soko yo kikala kwenyu, na kusina hambi nvili yenyu nonga yo mutwe wenyu wonowokwinjilila. ³⁵ Zono yalilonga gago, yakasola mkate yakamulumba mulungu hamwande ya meso kila muntu, kanyi ya ka ubegula mkate yakanza ulya. ³⁶ Kanyi wose watiwa ntumbula na wawo wakasola chakulya. ³⁷ Chaliwantu 276 mugati yemeli. ³⁸ Zono walikulya vyo kutosheka wakanoza meli mpelu mpelu ko kutuga wa ngano mugati vye bahali. ³⁹ Hono yali misi, siwakaimanya, isi nkavu ninga wakawona sehemu ya isi nkavu yo noyenjila mumalenga yonoyali no muhanga mwinji wakajadiliyana kotya wakusuma kiujendwa meli kubita aho. ⁴⁰ Ntayiyo wakazilegeza nanga wakazileka kubahali, kumaupaugo gagagago wakazilegeza milejehe za tanga na wakenula sehemu yo kumwande ku mbeho, ntayiyo wakelekeya sehemu yo muhangha. ⁴¹ Ninga wakaza mahali hono mikondo miyejete ye malenga ikitanganila ne meli ikabita kumanhaga na ilya sehemu ya kumwande ye meli ikakwama halya na siikasuma kuuka ni sehemu yo upande wa kumwande ikanza beneka ku soko yo ukali we mawimbi. ⁴² Mapango we walya asikali wali ni kuwaulaga walya wafungwa ku soko kwli kwe kusina monoyokojela no kutoloka. ⁴³ Ninga yulya asikali wa jeshi la kiroma yakasaka kumuwokowa Paulo hambi yakawimya mpango wawo na yakawaamulu walya wono wakusuma kuogelela wazumpye kulawilila mmeli kwanza na wabite kusi nkavu. ⁴⁴ Hambi wechilume wanji wotyatya, wanji kuchanya ye vipande vye mbawo ne wanji kuchnaya ye vinhu vinji kulawilila ku meli kunzila ayi ikalawilila soko wose chofoka salama ku isi nkavu.