¹ Ndugu ne sogo zangu muhulichize utetezi wanhu wono nonoza kwenyu lulu. ² Womukangano zonowali hulika Paulo yakalonga nawo kwa kiebulniya wakanyamala yakalonga. ³ Nene ni myahudi nkalelwa isi ya Tarso enewo la Kilikia ila nkatuga elimu ku sii ya iyo, mumigulu ya Gamilieli nkufunda kulingana ne nzila sahhii ze sheliya za sogo zetu nene nina bidii yo mulungu kotya nyenye wose zono muli lulu. ⁴ Nkuwagaza ku nzila yiyi mapak kufa nikawaaopa wechilume ne wechekulu no kuwatuga migeleza. ⁵ Hambi kuhani muwaha ne wanzehe wose wakusuma kulavya ushahidi koya nkabochela baluwa kulawilila kwawo kusoko ye ndugu wono Damesiki kwangu nene kusafili kubita kuko yalli niwaletele wanhu Yelusalemu ku nzila ilya soko wawopwe no kuazibiwa. ⁶ Ikalawilila halya honowali konkusafili nkusejelela Damesiki mapango ge misi gafula mulu mbaha ikalawilila kuulanga kukanza kumulika. ⁷ Nhagwa hasi no kuhulikalizi likumulonjelela sauli sauli ntaule ukunkomaza? ⁸ Nikapitula agwe ni nani mwaha? yakalonjelela nene ni Yesu munazaleti yono agwe ukunkomaza.' ⁹ Walya wono wali na nene wakaiona nulu ninga siwakahulika lizi lya yulya mono yalikonga na nene. ¹⁰ Nikalonga nozechichi muwaha? muwaha yakanonjela wimbe winuche na ubite Damesiki kuko kolonjelwa kila chinu chono ukusachigwa kulonga. ¹¹ Sinkusuma kuwona ku soko yo mwangaza we nulu ilya hambi nikabita Damesiki kuko kolonjelwa mawoko ga walya wono wali na nene. ¹² Aku nikatanganila na munhu kumwande ye wayahudi Ananiya yali munhu mono yebata sheliya na mono yaheshimiche kumwande ye wayahudi wose wono wakekala kuko. ¹³ Yakaza kwangu yakema kumwande yangu, no kulonga ndugu yangu Sauli utuje kuwona ku mapango gago ni kumuwona. ¹⁴ Yakalonga mulungu wa sogo zetu yakuhagula gwegwe utuje kumanya mapenzi gakwe kumuwona yulya mwenge haki no kuhulika lizi lyono likulawilia ku kinywa chakwe. ¹⁵ Ku soko kowa shahidi kwakwe ku wanhu wose kuchanya ya gonowagawona no kuhulika. ¹⁶ Hambi soko ntaule ulindiye winuche ubatizwe ukweme ubii wako ukulitumbula litagwa lyakwe.' ¹⁷ Badala ya kuuya Yerusalemu na hono nali nkuhemba mugati ye lihekalu ikalawila soko nkapege mawono. ¹⁸ Nikamuwona yakunonjela mbela no ulawilile Yerusalemu mbelambela ku soko siwolumba ushuhuda wako ku soko ya nene.' ¹⁹ Nikalonga muwaha wawo wenecho wamanyile nkawawopa kigeleza no kuwatowa walya wono wakakwihuwila ku kila lisinagogi. ²⁰ Ne sakani ye Stefano shahidi wako zono yalimwanga nene kanyi lalimile bahi na no kulumba na nalihalindaga. ²¹ Ninga ubite ku soko ane nokutuma ubite kutali ku wanhu we mataifa.'' ²² Wanhu wakamukombola yalonje kuchanya ye nkani ayi, sunga baadaye wanyasula mazi nokulonga muuse munhu ayu ku isi kusoko siyo viswanu sahihi. ²³ Hono waliwakusanya lizi no kutaga vivyalo vyawo no kutuga mamnkundi du. ²⁴ Jemedali muwaha yakalamula Paulo yaletwe mu ngome yakalamula yauzwe aku yakotowa mijeledi soko mwene mwenecho yamanye ko ntaule wali wakumutowela lizozo namuna ayi. ²⁵ Sunga waliwamuwopile kumilejehe Paulo yakamulonjela yulya Akida mono yali yemile behi yeye ma ni haki kenyu kumutowa munhu mono muluni na yakali siyanahukumiwa. ²⁶ Yulya Akida zonoyalihulika zinkani azi yakabita kwa jemedali muwaha no kumolonjela yakutya ukusaka kunoza chichi? ku soko munhu ayu mulumi.'' ²⁷ Jemedali muwaha yakamupitula no kumulonjela nonjelenyi ma gwegwe ni layiya walumi? Paulo yakalonga Ndiyo. ²⁸ Jemedali yakapitula ni kukolela chiyasi chiwaha cha pesa ntayiyo honkatuga ulayiya sunga Paulo yakamulonjela ane nilimulumi wo kulelwa. ²⁹ Hambi walya wono wali tayali kubita kumuuza wakauka no kumuleka mapango gago na jemedali yayo yakaogopa zono yali manya Paulo ni mulumi ku soko yamuwopite. ³⁰ Siku yonoikatyatya , Jemedali muwaha yakasaka kumanya ukweli kuhusu masitaka ge wayahudi zidi ya Paulo ntayiyo yakamuwopoda vifungo vyakwe yakalamula wawaha wa makuhani ne libalaza lyose wetanghanile yakamuleta Paulo hasi no kumuwika hagati yawo.