¹ Lino vusikuli uvuhigi kuvavo valimwa Yesu Kilisti. ² Ulwakuva uluwatiko ulwa Umepo uva wuumi wuuwa wuli mwa Yeesu Kilisti vumbikile mbunonu kutali nuluvatiko lwa mbivi na vufwe. ³ Lino uluvatiko lulemilwe ukuvomba ulwakuva yikale ngafu nu mbili, Unguluve akavombile. Akantumile Umwana vamwene mwene kumbili ugwa mbivi ave sadaka iya mbivi, ajihiga imbivi ija mbili. ⁴ Akavombile ewo indagano ija luvatiko gatimile mugate mundwufwe, ufwefwe yufwe satwiluta ukujikonga umbombo ija mbili, nukujikonga imbombo ija Mepo. ⁵ Vala avavikonga umbili visaga imbombo ya mbili lino vala avavikonga ija Mepo visaga imbombo ya Mepo. ⁶ Ulwakuva amasage agambili vufwe, ila amasage aga Mepo uwumi nu lutengano. ⁷ Iyi ulwakuva amasage aga mbili vuvuvi kwa Nguluve, ulwakuva sikwidika uluvatiko ulwa Nguluve, kange siweswa ukukonga. ⁸ Vala avavikonga umbili saviweswa ukunoja Unguluve. ⁹ Kange lino, musikuli kimbili ila pwumule ku Mepo, linga yilweli ukute uMepo va Nguluve itama mugate nndwimwe. Lino umunu yuywo alivuvule uMepo uva Kilisti sio va mwene. ¹⁰ Kange uKilisti angave n'gate nndwinwe umbili gufwile kumbombo ija mbivi, ila umepo mwumi kumbombo ija lueli. ¹¹ Ingave Umepo akan'jusije uYesu ukuhuma kuvafwe itama mugate mulwumwe, yumwene akan'jusije uKilisti ukuhuma kukafwe ikugipa imivili igietu uwiimi ukugendela uMepo vamwene, uyu itama mugate ni dwumwe. ¹² Lino vakambangu, ufwefwe twidaiwa, lino sio kumbili ukute twitama kulugendo ulwa mbili. ¹³ Linga mwitama kulugendo ulwa mbili mwiva pipi ukufwa, kange ungave kumepo ni buda imbombo ya mbili numwe mwitama. ¹⁴ Lino linga vingi vilongokiwa nu Mepo uv a Nguluve ava vana va Nguluve. ¹⁵ Ulwakuva samutolile umepo uvavusuhwa kange nda mwogope. Lino tukatolile umepo uvakutuvika ukuva vana ava kuwene vilila, "Aba, yani Taye!" ¹⁶ Umepo yuywo ikutupangila inumbula jitu ukute tulivana va Nguluve. ¹⁷ Ingave tulivana, lino tulivakilingo, vakilingo va Nguluve. Nayufwe tulivakilingo paninwe nu Kilisti, inave yilweli twitabika numwene ili tuginiwe numwene. ¹⁸ Ulwakuva nikujivala itabu iyansiki ugu ukute sio kinu ningalinganije nukuginiwa uvuwivonesiwa kulwufwe. ¹⁹ Ulwakuva finu vyosa fitegemela ukunongwa fiosa ukuvonesiwa kuvana ava Nguluve. ²⁰ Lino uvuvumbi vukale pasi apafisipali, sio kuvunogwe wa mwene. Ulwakuva umwene uyu afisije, nu kugulila. Ni katika tumaini ²¹ ukute uvuvumbi uwene wiva wavuke nu kuhejiwa uvusuhwe wa vuvivi, nukwingila kuwavuke uvusuhwe wa vuvivi, nukwingila kuwavuke uwakuginwa avana va Nguluve. ²² Ulwakuva tulumanyile ukute uvuvumbi wope witamwa nukuteseka ukulemala pupaninwe na linolino. ²³ Sio evoo tu, ila nayafwe yufwe tulimatekeji ga Mepo - na yufwe twitamwa uwumi witu, twigulila ukuva avana, ukupokiwa imivili gyitu. ²⁴ Ulwakuva tukapokiwe nu kugulila. Lino ikinu kikyo kiguliliwa kingavoneke, kusikuli ukuguliliwa kange ulwakuva veni ayu igulila kikyo ikukivona? ²⁵ Lino tungagulile ikinu kikyo satukukivona, tukukigulila ni kyumila. ²⁶ Vuvuwo uMepo ikututanga uwugafu wetu. Ulwakuva satukimanyile ukusuma munu yinogeliwa, lino uMepo ikutusumila kutabu kunu sakwijoveka. ²⁷ Yuywo ilola inumbula munu jivelile alimanyile uluhala ulwa Mepo, vunu luliwo ulwakuva ikuvasumila avavidike munu iganile Unguluve. ²⁸ Nayufwe tulumanyile ukute vosa avavanke Unguluve, umwene ivomba imbombo josa kuvunome au vunonu, kuvosa vavo vilangiwe kuvunogwe uwa Nguluve. ²⁹ Ulwakuva vosa akavamanyile ukwanda pawando, kange vafwane mu Mwana vamwene, ili umwene ave n'goliwa va kwanda mkikolo ikya vanu vingi. ³⁰ Vala vavo akavasalwile ukwanda pawando. Vavo akavilangile kange. Na vala vala akavilangile. Vope akavavalile uwayilweli, avo vope akavaginia. ³¹ Tute kiki kumbombo iji? Unguluve angave kuliuve, veni alipakyanya paluufwe? ³² Yuywo sikundeka umwana va mwene kange akan'gumije kuliufwe twesa, ilemwa ukutusagila ni mbombo josa paninie nufwe? ³³ Yuveni yuywo iwesya ukuvahuga avagolofu va Nguluve? Unguluve yuywo iwesya ikuvavalila uwayilweli. ³⁴ Yuveni uyu ikuvahigila uvuvivi? Kilisti Yesu yuywo afwile kunongwa jitu, na gange aga, ajusiwe kuvavo vafwile, vope alikukivoko ikya kulia ikya Nguluve, kange yuyuvo ikutusumila. ³⁵ Yuveni uywakiva ikutusalula nu lugano ulwa Kilisti? Itabu, uvutolwe ni njala, ikifula? hatali? imundu? ³⁶ Vunu vuvwo yandikiwe, "Kulitawa liako twifwa pamusi na pakilo tuvaliwe ndi n'gosi iyakuhinyiwa." ³⁷ Kumbombo josa ufwefwe tujitolile kumwene uyu atuganile. ³⁸ Ulwakuva nilumanyile uwayilwali ukute, ukufwa, uwumi, avandumi, nilamula, aga pwugale, gagogikwija, avavikwitanga, ³⁹ aga galikukyanya, gagogalipasi, ikinu kyokyosa, sakiwesya ukutuleka nulugano ulwa Nguluve, ulu lulimwa Yisu Kilisti Untwa vitu.