¹ Lino nivuja vasi, je, Unguluve avabelile avanu va mwene? Neke pandebe. Ulwakuva nayune pope nili Mwisraeli, inave na vaholiwe nu Ibulahimu, munu valikabila lya Benjamini. ² Unguluve savabulile avanu va mwene ava avamanyile ukuhuma katale. Ewo samumanyile uvusimbe wita ndakiki unkunjova uEliya, ndavule avasitakile aVaisraeli pamiho ga Nguluve? ³ "Ntwa, vabudile avanyamatago vako vananginye pavutekelo wako. Une nisigile nimwene, nayune vilonda inumbula yango." ⁴ Lakini lino ilijibu lya Nguluve lita ndakiki? "Nisigije avanu ialifu saba, avasavilifu gama pamiho sa Baali." ⁵ Basi pu vulevule nisiku yi kuvuvale avanu avavasigile ukuta vuvkoko avavasaluliwe ku vupe. ⁶ Lino linga vuvupe, syo kumbombo. Pu uvupe wiva savupe kavili. ⁷ Yilindakiki lino? Ikinu iki vope avavahaliwe vakakava, navange vakava vajitu. ⁸ Nduvumu yasimbiwe: "Unguluve avapile inumbula ya kulemwa ni tulu, miho lakini savilolo, valinumbulukutu vope savipulike mpaka ilelo iyi." ⁹ Udavili ajovile, "ifitagala fyavo vive kisuvuvadiko na kitengo liliva kinu kya kwikuvaja, na mahombo gavo. ¹⁰ Amiho gavo nuwigaji galeke ukulola. Ukavagundamije imisana isiku joni." ¹¹ Lino nijova, " Vikuvije hata vagwile hani?" Ate lino kulikosa lya munu yumo. Lino kuvuluta nongwa wa yumo uvupoki akavasagila avapanji (Mataifa), neke vope vope vave nu wifu. ¹² Lino linga uvutula nongwa wavo vuvile vutayili kilunga nu vupelwa wavo vuvile vutayile kuvapamji, je syo sana fijo uvudijilihijo wavo? ¹³ Lino nijova numwe umwe vanu va panji Mataifa. Lino ulwakuva nivile munu vinyo mwivapanji nikiginihija imbombo yango. ¹⁴ Lino nivape ikitule avanu avambili gumo nune. Pamo yanikuvatanga vamo vipone. ¹⁵ Maanya ukubeliwa kwavo kwikwidihana nikilunga je ukwidikiwa kwavo kwiva ndakiki, linga syo umwumi baada ya kufya? ¹⁶ Linga iseke ja kwanja jivile nonu, vulevule na lilibeki lyope na gundela. Linga undela gwilimbile na jisamba jope vulevule. ¹⁷ Linolinga isamba ijinge vakendile, nuvelusamba lwa munsitu, songwa, uvyaliwe pagati pavene ukava paninye na vene pandela gwa vutayili wa songwa nsitu, ¹⁸ uleke ukwiginya vu ulilusamba. Lino linga wikiginya syo veve, vukugitanga imilela baho imilela gikutangila nu kukupimba uve. ¹⁹ Lino pu wijova, "Isamba jakendiwe neke nivepo une." ²⁰ Lweli gakendiwe kukusita ukwidika kwavo na uve pu ukimakunjila ya lwidiko lwako. Uleke ukwiginya wiyisyage. ²¹ Pu ndavule linga Unguluve sakasigaja isamba ja katale, sakawesye ukukuleka uve. ²² Lola lino uvunonu nu vukali wa Nguluve kuvavomba mbivi vukali. Lino kuvala avavomba inonu uvunonu wa Nguluve, ungatame umwa linga syo veve nayuve yawibeliwe kutali. ²³ Navope avo vangatame kisita lwidiko lwavo, vivyaliwaga ulwakuva Unguluve iwesya ukuvavyala kavili. ²⁴ Manyalinga uve wakendiwe ukahega musongwa nsitu, musongwa inonu, pu kyongo avene ava vavwaliwe mumbike gwa songwa ja katali ubiki unonu syo mulutilile kuvaYahudi ava vale imbiki gwa kalate. Ukuta saviwisya ukuvyaliwa kavili? ²⁵ Mana valukolo saninogwa muleke ukuhumanay ukulingana ni ifumba iyi, ukuta, muleke ukuva ga kwisagila yumwe mwivene. Ifumba iyi yilinuvupale ukuhuma kuvaisraeli hadi ukwija mpaka ukukwija ukulimila kuvanu va panji. ²⁶ Puvule avaIsraeli voni vipokiwa ndavule yasimbiwe umpoki ikwija ukuhuma kuSayuni iheja uvuvivi woni ukuhuma kwa Yakobo. ²⁷ Nili lwiva lulagano lwango navo, vunilipakuheja imbivi javo." ²⁸ Basi kunongwa ya livang'ili vavile vukambako kulwumwe. Lakini kinongwa ya kuhaliwa vavile vaganiwa kunjila ya vatayi na vakuku vitu. ²⁹ Ulwakuva ifungilwa fya Nguluve fijila kuyiga na kwope ukwilangiwa nu mwene. ³⁰ Baha linga umwe katale mwannangile Unguluve, mukava vapanji, lino mukavile uvupe kunongwa ya vutula nongwa wavo. ³¹ Ndavule vule, lino avo vope vavavgile lino. Avayahudi vakosile. Ukuhumana na mavivi gavo ni kisa ikimupivikiwe umwe mwiwesya ukukava uvupe. ³² Manya Unguluve avadindile avanu voni kuvuvivi uvu uvuvutali neke vawesya ukukolelwa ikisa voni. ³³ Vule vuvuliwo uwingi wa luhala lwa mwene ni njila ya mwene sajigundulika! ³⁴ "Manya veni uyu ayimanyile iniya ya Ntwa? Ewo veni uyu ave ingigi va mwene? ³⁵ Ewe yenitasi uyu ampile ikinu Unguluve, neke ahombiwe kavili?" ³⁶ Ulwakuva ukuhuma kumwene na kunjila ya mwene ifinu fyoni pwufile. Kumwene vuve vutwa isiku joni na joni. Amina.