¹ Paulo Empate wa Kristo Yesu, Na Mwene wetu Timotheo khwa Filemoni. mkhundwa mnetu na mhkola hamwenetu. ² Na kwa Afia Ng'azyi yetu, Na khwa Arkipas askhari mwanetu, na khwa Kanisa lilya lalya sang'ana khumua khobhe. ³ Neema ibhe khwenu na khaleme yalatuma khwa Khabheza Tata wetu na Khwa Bwana Yesu Kristo. ⁴ Meng'oose nalashukuru Khabheza, Nachakhubhanda khwa lwane Lusambo, ⁵ Nateteena lukhundo na Imani ulinayo khwa Yesu na khwa Bhaumini bhose. ⁶ Nalhasabakhwa ubhushirikha bwa Imani yenu ibhe na Ufanisi khwa Malang'o khwa khila khindu khisowa ilimwenu khwa Kristo. ⁷ Lumu nakhola na khisendo na Faraja lumu lwa lukhundu lobhe lumu mitima ya Bhaumini yakhola khusibhele zyibwe nobhe, Wetu. ⁸ Khwa shisho, atanikhinabha izyizyisaa ujasiri wose khwa Kristo khukhuamurisha nuwe khukolakwola khunda khukola. ⁹ Lakhini lumu lwa lukhundu badala yakhe nakusii Nene Paulo khote namtatwe lumu la Kristo Yesu. ¹⁰ Nalakhusii lumu lwa Mwanani Onesmo, nimbhutile mbifung'o byaani. ¹¹ Lumu khulubalikho hakukufaa, lakhini khwa khino khisang'a alakhufaa Nue na Nene. ¹² Namfilee -Eniye uli Mutima wani -khino khisang'a khuubhilha khobhe. ¹³ Natarajia ungeendelea khusyiala hamwe na nene, Lumu engolele badalha yobhe Wemng'o nili Mukhifung'o, ¹⁴ Lakhini msakhundile khukhola khindu khyose bila ruusa lyoobhe, Nikholile bino lumu khindu khyose bhisowa khisi kholwa lumu nikhutatile, bali ukhundile nuongw'a khukola. ¹⁵ Labda elumu khusambula nobhe khwa bhisang'a ibhile bhibhyo, lumu Amwe nobhe masuose. ¹⁶ Asibha lung'e mzya, bhali ebhe bhisowa khuli mzya , khama Mwene wetu mkhundwa, khwani, nazaidi sana khobhe, khwa mbili na khwa Bwana. ¹⁷ Nashisho wananichukhulia nene mshirikha, mwaanukhile bhilya mwaanukhile nene. ¹⁸ Lakhini khamawakhuso nezyaa khindu khose khose, dai khicho khufuma kwani. ¹⁹ Nene Paulo nalasalang'a khwakhubhokho khwani nengw'a; Nene nilikhusakha. Salazuwa khobhe Nene nalakhudai maisha yakho khasa. ²⁰ Naam mwene Wetu, lekha nimone khisendo kya Bwana khufumam khobhe; swaizya Mtima wane khwa Kristo. ²¹ Nikhiwa na Imani khwa utii khobe, nalakhusalang'ila lumu mkhimana ulikhola khufumba zaidi binalaha khusabha. ²² Meng'o mamo andaa khumya khwa Bhaeni lumu lwane, lumu nikhwe na matumainikhwa lusalambo lyobhe Nilikhunyatila bhizang'a bisibhule. ²³ Epafra, Mtatwe nane khwa Kristo Yesu alakhuvyula. ²⁴ Na khama bhzyikhola Marko, Aristarko, Dema, Luka bhakholwa hamwe nami, ²⁵ Neema ya Bwana Yesu Kristo ibhe hamwe na Mtima obhe. Amina