¹ Unene nilivundoni uwayilweli utaye vangu n'dimi va vundoni. ² Umbiki ugu sagwihola iseka kila lisamba ulusalwihola iseke, nikulugida ulusamba uluulwihola nikulusuka luholage sana. ³ Umwemwe mulivunonu ulwakuva iya ndumi iye navavulile. ⁴ Mtame mgate n'dwune, na yune n'gate n'dwumwe. Ndulu ulusamba salwihola lwene linga saluli musongwa, nayumwe mungasyome ukutama mgate n'dwune. ⁵ Unene niiliisongwa, umwemwe muliilusamba, uywitama n'dwune na yune mgate mumwene umunu uyu iihola iseke jinyingi uukuuva ukusyoma uunene samwiivomba iikiinu kyokyosa. ⁶ Umunu angasyoma uukuva mugate mumwene, itagiwa ulwa lusamba; avanu viilundania iisamba nuukutaga mumwoto, nu kulalika. ⁷ Ulwakuva tungatame mugate mumwene, mulivangili ulwangu lingatame mgate n'dwumwe, mwisaye kyokyosa iikimwinogwa nikuvapa. ⁸ Ku iili Utaye vangu anganile unene, umwana vope atukelile ufwefwe nayumwe mtame mundugano lwangu. ⁹ Ndulu utaye vangu anganile unene, umwana vope atukelile ufwefwe; nayumwe mtame mundugano lwangu. ¹⁰ Umwemwe mungibate iindagilo jangu, mwitama mulugano lwangu ndulu aibite indagilo ija taye nu kutama mlugano lwa mwene. ¹¹ Nijovile imbombo ija kulyumwe nukute ulutengano lwangu luve n'gate n'dwumwe nukute ulutengano lwinyu luvombeke ukuva lukwilanile. ¹² Ulu lulagilo lwangu, luvite muganane yumwe kwa yumwe ndulu navaganile umwemwe. ¹³ Asikuli umunu uyu alinulugano uluvaha ndulu, nukute ahumije uwumi wa mwene kuvamanyani va mwene. ¹⁴ Umwemwe mulivamanyani vangu linga muvombile aga niivalagije. ¹⁵ Sanikuvilanga mwivavanda ulwakuva umbanda salumanyile ikivomba Untwa uvamwene, nivilangile umwemwe vamanyani, ulwakuva nikavavulile imbombo joni iji ngapulike ukuhuma kwa Taye. ¹⁶ Samkasalwile umwemwe, ila unene nikavasalwile umwemwe nukuvavika mulute mkahole iseke, ni seke yinyu yitame. Iili ili tusuma lyolyosa kulitawa ilya Ntwa ikulupa. ¹⁷ Lino nikuvalagila ukute muganane umunu nunine. ¹⁸ Linga ikilunga kivakalalile, mulumanye ukute kikangalalile unene vubado sakivakalalile umwemwe. ¹⁹ Linga mkale vankilunga, ikilunga kikale kikuvagana ukute mulevakyene liino ulwakuva samulevankilunga lino nikavahalile ukuvahiga kumbivi iji nkilunga kyungave ikilunga kukuvakalalila. ²⁰ Mukumbukage ilimenyu ili nikavavulile umbanda samba kuNtwa vamwene.' Ulwakuva vakanabisya unene vikuvatabisya nayumwe kange vakale vibate ilimenyu lyangu vikwibata nalilimenyu. ²¹ Vikuvavombelaga aga goni kwaajili iya litawa ilyangu ulwakuva savamanyile ilyangu ulwakuva savamanyile uyu alinumile. ²² Linga sanaije kukuvavula vavule ngale savavombile imbivi; lino vajila ilya ikya kwitetela pambivi javo. ²³ Uyu ikung'alalile unene ikunkalalela na yu Ntwa. ²⁴ Ukuva nisyome ukuvomba imbombo pamopene na vene yiyo asipali uyu avombile, vakale viva visita mbivi lino vavombile gosa gavili vang'alalile unene na yuNtwa vango. ²⁵ Ili livonike ukute ilimenyu likamilike lilyo lisimbiwe mukalata yavo: 'Ukute vang'alalile pavuvule.' ²⁶ Unsiki gugwo ung'uviji ijile, yuywo nikuntwala kulyumwe ukuhuma kuNtwa, uyu yu, Mepo vayilweli, uyu ihuma kuNtwa, ikutupangilaga. ²⁷ Umwemwe mwipanga ulwakuva mkale nune ukuhuma pawando.