¹ Manya vooni avatekiji avavaha vavo vahaliwe mun'gati mu manu, vaholiwe ukwimilila vavo vigega ifya kulaha kwa Nguluve neke agele uvwuhumya paninye inyokelo ni fya kutekela ukuhumana nu vutula nongwa vwavo. ² Pu agelage ukwitanga ukuva n'dele ajungutiliwe kuvanyalukani ulwa kuva navone ajungutiliwe nu vudekedeke. ³ Pu ku ili anogile ku mbivi ja mwene nduvu ivomba kuvutulanongwa vwa vanu. ⁴ Asipali umunu uyu ikitolela ulwimiko yuywa mwene, pu yilondiwa ilangiwe nu Nguluve nduvu uvuale u Haruni. ⁵ Nayu Klisiti saaiyimike yuywa ukwivomba yuywa ukuva intekeji imbaha. Pu uNguluve ajovile kumwene, "Uveve ulinsambango, ilelo nivile Taye vako.'' ⁶ Yilinduvuijova pavunge, "Uveve ulintekeji amajuva goni ulwa kuva ukongile ulwiho lwa Melkizedeki.'' ⁷ Unsiki gwa mwene ugwa mmbili, pu alikusuuma na kusumila, alinkusuma uNguluve kunyi hoji, kumwene uyanogile unkumpoka kuwufwe. ⁸ Ulwa kuva nunkwidwaja kwa mwene kwa Nguluve pu apulilujiwe. Paninie nu kuva ale nswambe, amanyile ukwidwaja ku mbombo ija kukuvilwa. ⁹ Pu avile akwilanile ku njila iyi avombike ku voni vooni avavikumwidika ku njila iya vupoki uwa siku jooni, ¹⁰ ukuvikiwa palukanji nu Nguluve ndu vilekeji umbaha vu gulutile unsiki gwa Melkizedeki. ¹¹ Pu lulinago mingi agakujova agakulaja kwa Yiisu, pu yivile fipala kuvavulanija ulwakuva umwemwe mulivoio va kupulika. ¹² Paninie nukuta kunsiki ngu mkanogelile ukuva vamanyiswa jila ija kuhuma kuvute ngulile ija limenyu ilya Nguluve. Mulonda ulukama, ikyakulya ikikafu samwilya. ¹³ Ulwa kuva uyuavijaga inywa ulukama lwene pu saajovile ija vugolofu ulwa kuva akale mwana. ¹⁴ Ku luvafu ulunge ikyakulya ikikafu kya vanu avaguge, vavo ulwakuva vajoovile avene ukulolesania uvugolofu nu vuvivi avene ukulolesania uvugolofu nu vuvivi vamanyisiwe ukujimanya inonu ni mbivi.