¹ Avanyamalago va vudesi vakahumila kuvaisrael, na vamanyisi va vudesi, yasikwija kulyamwe. Kulwifiho yavitwala amamanyisyo ga vudesi narope vikubelaga Utwa yuywa avagulile, vikitwalila uvunangi wa mbivimbivi kuvene vevo. ² Vingi vikonga injila javo ija soni ukugendela vavo vikuyibeda injila ya lweli. ³ Kutobo yavikuvoha zivanu vuvivombela, amamenyu ga vudesi uvuhigi wavo vulinabimbivi uvunangi vukavokonga. ⁴ Uhwakuva Unguluve savaleke avasuhwa vavoyagile. Pu akavataga kuvafwe pu vakungiwe iminyororo mpinyo uvuhigi yapyayukuvijila. ⁵ Na yu Nguluve salikasye kukilunga kya katale, pu aimbikile u Nwaka nuhu unyalwilango lwa yalweli, panine na vange saba papo agulikile ujala pakyanya pakilunga ikya mbivi. ⁶ Unguluve ahihile ikilunga kwa Sodoma ni Gomola kikava lyela nu vunangi pu kive kihwani kuvanyambivi mu majuva ga mumiho. ⁷ Pope avombile alyo alimpokile uloti umnu vaye lweli, yuywa asusuvile na vanu vavo savi konga indagilo ja Nguluve. ⁸ Ulwakuva umunu uyu ale va yelweli, atamile navo ilijwakuliuva ulikuyilemaja inumbula ya mwene ku gago ikugapulika nu kugavona. ⁹ Ku elyo Utwa alumanyile namna ya kuvapoka avanu va mwene usiki gwa luvavo nu kwekasya kuvaniva mbivi kwa ajili ya kuvuhigi ilijuva lya vumalilo. ¹⁰ Yelweli uvu vuvuyelweli kuvala vavovigendelela ukutama mumbivi ija mbili ugu nu kuvubeda uvutwa, avana ndava valenulyumijo mu dhamili javo, savidwada ukuvobeda avavalaje. ¹¹ Na linga avasuhwa valenuvuwesyo maka kuliko avanu pope saviwesya ukutwala uvuhigi dhidi yaveni ku Ntwa. ¹² Pope ifikanu fifyo fijila luhala, fitendewe kuasili ya kwibatiwa nu kuyajiwa. ¹³ Vilemajiwa kulwokelo lwa mbivi javo, imusi inguge vitama kuvuligu, vadigile uvuchafu nimavivi vihovokela uvuligu, wa vusyovi, vuvihovoka nuve. ¹⁴ Amiho gavo gakubekiwe nu vuyeviti, savikula avavomba imbivi, vikuvasyova nu kuvagwesya, avakilisti vavo savakomile mumbivi vale ni numbula ijidegile uvuligu vaana vavo vakotoliwe. ¹⁵ Vayelekile injila ya vuyelweli vayagile vayekongile injila ya Balaamu umwana va Baori, uyanogilweamahombo agavovoneleji. ¹⁶ Pope akelemukiwe kuvuyagi vywa mwene ipunda yeyo sayelikujova yajovile kulimenyu lya munu ya sigile uvupelwa vwanyamalago. ¹⁷ Avanu ava vale ndifi dwivu fifyo fijila malenga, vale nda mavingo gago gihega ne mepo, ilivengo ilijitu livekiwa kwajili yavo. ¹⁸ Vijova kulwiginyo lwene vikuvagwesya avanu kuvuligu vya mbili vikuvasyova avanu vavo vigela ukuvanyile vavo vitama muvoyagi. ¹⁹ Vilanga na vanu uvahuru nusiki vavo vene vu vavanda va mbili ya vofisadi ulwakuva umunu iva imbanda kikila kikyotawala. ²⁰ Umwene iheje mboligu uwa nkilunga ukuvombele uluhala lwa Ntwa umpoki u Yiisu Kiliste pu anga kilivukile uvuligu uywa kange ihali ya mwene yiva mbivi kuliko iya kwanja. ²¹ Yiyogiwa avanu ndavo vasite ukuyimanya injila ya lwelikuliko ukuyimanya, kange ukujileka indagelo imbalaje jijo vapeviwe. ²² Ikijago iki kiva kya yelweli kuvene imbwa yikiliwukila amadesi gayene ne ngubi yeyo yikalafiwe yikilivukila mundodaba.''