¹ Lino, kunongwa ya nsiiki, va lukolo, kuvula nu uvumuhimu ukuta kila kinu kisimbiwe kulyumwe. ² Ulwakuva yumwe mlumanyile kilweli ukuta uniiki gwa Ntwa kwikija ndu ndyasi uwikwija pakilo. ³ Pale apavita "kulivutengamano" pu pene unangi ikwija. Nduvu uluvavo lwa unng'oji unyavujitu. Savakapage ku njila yuyoni ila. ⁴ Pu umwe, valukolo samlimu ngisi nda liije ilijuva la ndyasi. ⁵ Ulwakuva umwe mlivana va pavuvalafu,kange vana va pamusi. Ufye sa tulivana va pakilo ama mu ngisi. ⁶ Pu tuleke ukugonelela nda vange avavigonelela.Pu tuvijage miho kuluhala. ⁷ Ulwakuva avavigonelela vigonelela pakilo na vavo vigala vigalapakilo. ⁸ Ulwakuva ufwe tuli vana va pamusi tuvijage miho, tufyale imyisigo gwa lwidiko nu lugano ni ikitili kya kyuma ifyi vulweli wa vupoki wa n'siki ugu gwikwija. ⁹ Ulwakuva uNguluve satuhalile kuwando ukuva va mulyoyo, neke anogilwe ukuva va mbupoki mwa Ntwa uYiisu Kilisite. ¹⁰ Yuywa mwene atufwilile neke miho nda tuve tugonelile pu twiva vumi nu mwene. ¹¹ Pu lino mhuvijanage nu kutangana yumwe nda vuvwa mwivomba imisiiki gyoni. ¹² Valukolo,tukuvasuma ukuta muvamanye vala avavombi avivomba kulyumwe na vala alipakyanya kulyumwe mwa Ntwapaninie na vala avavikuvalingisania. ¹³ Tukuvasuma kange muvamanye nu ukuvapa uludwadomu ndugano ku mbombo yavo. Muve ndutengamano yumwe. ¹⁴ Tukuvasuma, valukolo muvatange vala avasavigenda mumbugolofu,kange muvakangaje avavadenyike inumbula javo, kange muvatangage avavula maka kange mwiyumilijage ku voni. ¹⁵ Mlolage asite kuhumila umunu uyuihomba ku nin'ne uvuvivi ku vuvivi. Pakuva lino avanu voni avombage amanonu ku vanu voni. ¹⁶ Muhovokage majuva goni. ¹⁷ Musumage kusita kuduga. ¹⁸ Mundimiage uNguluve ku nongwa joni, ulwakuva ago vuvunogwe vwa Nguluve mun'gati mwa Yiisu uKilisite. ¹⁹ Mleke ukunnjimya u Mepo. ²⁰ Mleke ukebeda amalago. ²¹ Mgagelage goni. Mwibatage gago manonu, ²² Mupagage goni agagivoneneka ga vuvivi. ²³ Nguluve va lutengamano avavike muve mu vuvalaje. u Mmepo, inumbula nu mbili fivikiwe vunonu kisita vuvivipakwija u- Ntwa vitu u- Yiisu Kilisite. ²⁴ Uyuavilangile ukuta mlivagolofu, vi mwene kuvomba. ²⁵ Valukolo, mtudovelage. ²⁶ Muvasamusyage avalukolo lwitu na kanonu. ²⁷ Nikuvasimilija mwa Ntwa ukuta ikalata iyi yimbiwe kuvalukolo voni. ²⁸ Uvukavi vwa Ntwa vitu u- Yiisu Kilisite vuve paninie numwe.