¹ Ikisigile muvayitu tukuvasuvisya munumbula nu kuvasuma kwa Yiisu Kilisite. Nduvumwapokile amamenyu kuhuma kulyufwe nduvuyivanogelile ndugendo nu kun'ng'ovosya u Nguluve,injila na mgendelele ukuvomba fijo. ² Ulwakuva mlumanyile amamenyu maki twavapile mwa Ntwa uYiisu ³ Ulwakuva aga vuvugane wa Nguluve: ulunojo lwinyo ukuta muvuleke uvuligu, ⁴ Kumwivoni mlumanyile imitamile gyinyo na avadala vinyo kuvuvalaje nu lwogofyo. ⁵ Uleke ukuva nu n'dala kuvunogwe wa vuligu ( nduvuvalivo avanyapanji). ⁶ Kuleke ukuva nu munu vivoni uva kulovoka imaka nu kun'nangila ulukololwe ku ilyo. Ulwakuva uNtwa yuywa vi nyakuhamba ku gooni ago, nduvutukalongwile ukuvavunga nu kuvavula. ⁷ Ulwakuva Untwa sakatwilangile kuvuvivi , bali kuvuvalaje. ⁸ Pu uyuikulibeela ili sikuvabela avanu, pu ikub'eela u Nguluve,uyu ikuvapa Umepo Mbalaje va mwene. ⁹ Mu ndugano ulwa lukolo pasita muunu uyungava ikuvasimbila,ulwakuva mumanyisiwe nu Nguluve ukuganana yumwe. ¹⁰ Lweli mwavombile aga goni ku valukolo ava valiku Makedonia yoni, kange tukuvasuma valukolo muvombe nu kulutilila. ¹¹ Tukuvasuma munogwage ukutana uvutamo wa lutengano,ukujidika ibombo jiinyo nu kuvomba imbombo jiinyo kumavokogiinyo nuvutukavavulile. ¹² Vomba aga neke ugende ndugendo ulunonu nu lwogofyo ku avalikuunji ndwidiko leke usite ukukefiwa ni kinu kikyoni. ¹³ Satwinogwa umwemwe muulumanye umusayinogelile,mwe va lukolo, kuavo avavagonelile,pu ayamwisusuvala nda vala avanya masyaka kunsiki ugugwikwijja. ¹⁴ Tungave tukwidika ukuta uYiisu afwile nu kujuuka kange uNgguluve vwu vwuwa alavatwala paninie nu Yiisu na vala avavagonelile kuvufwe. ¹⁵ Kunongwa iyo tukuvavula mulimenyu lya Ntwa ukute yufwe tulivuumi yufwe tulavepo unsiiki ugwakwija uuNtwa, satukavalongolele avava gonilile kuvufwe. ¹⁶ Ulwakuva uNtwa yuywa alika ukuhuma kwu kyanya. Alija nu lwovo uluvaha, panie nu lwovo lwa n'nsuhua umbaha,panie ni ndudwe ya Nguluve, vope avafwile paninie nu Kilisite walatala ukujuka. ¹⁷ Kange ufwefwe yufwe tulivumi,yufwe tusigile tukwaganilaga mummafunde ukumyupila uNtwa. ku njila iyi twivijaga nuNtwa masiku gooni. ¹⁸ pupanogile ukuhuvijana yufwe kwa yufwe ku mamenyu aga.