¹ Pu lino apa twalemwaga ukwiyumilija, twasagile ukuta yale hub ukusigala kula kula ku Athene twivene. ² Pu twansuhile uTimoteo, ulukolo lwitu nu mbombi va Nguluve mu limenyu la Kilisite, Ukuvagingija na kuvajesya ku nongwa ya lwidiko lwinyo. ³ Twavombile aga neke aleke ukuvoneka nayumo uvakugatala Kuteteleka ukuhumana nu kugatajiwa Mateso, ulwakuva mlumanyile yumwe ukuta tuhalilwe kunongwa iyi. ⁴ I lweli ulu twale paninie numwe twalongwile ukuvavula ukuta twale pipi nu kupila amagatajo naga gahumile nduvu mulumanyile. ⁵ Ku nongwa iyo navile nitamilwe nilemwa ukwiyumilija, kange nasuhile indumi neke nilumanye ulwidiko lwinyo. Apange usetano avagelile, pu imbombo yiinyo yakayaga. ⁶ U Timoteo ahumile kuliumwe vu ikwija kuliufwe pu akatwala ilimenyu ilinonu ilya lwidiko nu lugano lwinyo.Pu atuvulile ukuta mkutumbuka vunonu, kange mwinogwa ukuta tukale twagane ndu vunayufwe twinogwa ukwagana. ⁷ Pu lino, valukolo twivona mukutujesya fijo ku njila ya lwidiko lwinyo, mu nkugatajiwa kwoni na magatajo aga gikuvibata. ⁸ Ulu lino tulivumi, inav twikwima na maka ku Ntwa, ⁹ Lino lulimwyo luki tuumpe Unguluve ku nongwa yiinyo ulwakuva tuhowike kumiho ga Nguluve. ¹⁰ Twisuma fijo pakilo na pamusi neke tujivone imbumila jiinyo nu kuvongeleja ikikipihime mu ndwidiko lwinyo. ¹¹ uNguluve viitu nu Taye yuywa nu Ntwa viitu uYiisu atulongoje mu njila yiitu tufike kulyumwe. ¹² nu Ntwa avavike mutupe nu kulutilila ndugano, vu muganana nu kuvagana avanu voni ndu vutukuvavombela umwemwe. ¹³ Pu avombe evwo nu kuvakangaja inumbula jiinyo jive mbula nguto mumbuvalaje pamiho ga Nguluve viitu nu Taye viitu mu mbwijilo mwa Ntwa u Yiisu paninie na vavalaje va mwene.