¹ Ulwakuva umwe mlumanyile yumwe, valukolo, ukuta ukwija kwitu kulyiumwe sakukale kuvula kinu. ² Mlumanyile ukuta pawando twagatajiwe nu kuvombelwa inongwa ja soni ku Filipi, nduvu mlumanyile. Twale na maka ukujova mwa Nguluve ilimenyu lwa Nguluve kange mumbugatale wingi. ³ Ulwakuva amamenyu ga lutangilo lwitu sagihumana nu vuvivi, kange mbu nangi. ⁴ Nduvu twidikiwe nu Nguluve nu kwidikiwa ku limenyu, vu twijova. Twijova si ukuvahovola avanu, alakini ukung'ovola u Nguluve. Umwene vi ilola inumbula jitu. ⁵ Ulwakuva sa jovile kumamenyu ga kwivoneswa unsiki gwoni,nduvu mlumanyile,sa twatumile amamenyu ukuta njila ya ya vunogwe, u Nguluve inketi vitu. ⁶ Kange satwalondile ulwitojo ku vanu, na kulyumwe ama kuvange. Twale twiwesya ukudaya uvupendelelo ukuta tulivakongi va Kilisite. ⁷ Pu twale valele kulwumwe ndu mama uywihuvija avana va mwene. ⁸ Ku ago putukava nu lugano kulwumwe. Twayihumije ukuvahegeleja si kumamenyu ga Nguluve gene bali na kumitamile gwitu. Ulwakuva mvile vagane vitu. ⁹ Ulwakuva valukolo, mukumbuka imbombo nu vugatale witu. Pakilo na pamusi tulinkuvomba imbombo leke avange valeke ukugatajiwa nufye. Unsiki ugwa, tulikulumbilila ilimenyu lya Nguluve. ¹⁰ Umwe mlivaketi, nu Nguluve vope, ku vuvalaje uvuvulindakiki, ihaki, kange kisita lawama nduvutwale kulwumwe yumwe mkwidika. ¹¹ Vu vuvwa mlumanyile kila munu umwavelile nduvu ung'oji uvu aliwa ku mwalive, tulikuvasuhilija nu kuvagigaja inumbula. Twa lolile ¹² Ukute mwanogiwe ukugenda evwo ukumwidika u Nguluve,uyu avilangile kuvutwa, nu uvuvaha wa mwene. ¹³ Ku ago tukundimya u Nguluve unsiki gwoni.ulwakuva unsiki mwavile mwuopile ilimenyu lya Nguluve, mwaupile si ukuta limenyu lya vanu, kange mwaupile uvuyilweli umuvuvelile, Ilimenyu lya Nguluve. Limenyu ililivomba imbombo pagati palyuumwe yumwe mwikidika. ¹⁴ Pu umwe muve vanu avavikwiga kutembile ijinge ija Nguluve ija kuvu Yahudi mwa Kilisite u Yiisu.Ulwakuva umwe mwagatajiwe mu nongwa jila jila ku vanu vinyo, ndu uyale kuvu-Yahudi. ¹⁵ Vale va-Yahudi vavo vambudile u- Ntwa u- Yiisu paninie na avanyamalago. Vu va- Yahudi avava fyimiwe ukuhuma kunji. Sa vikunng'ovola u Nguluve kange vavile valugu va vanu voni. ¹⁶ Va belile ukujova na vapanji leke ukwokoliwa. Pu amatokeo ga pene pu vipigenda ni mbivi javo. Pu kuvumalilo ilyoyo likwija kuvene. ¹⁷ Ufye, valukolo, twalekehine numwe kunsiki indebe,kimbili,si kumepo.Twavombile kumaka giitu kuvunogwe uvuvulimiho giinyo. ¹⁸ Ulwakuva twanogilwe ukwija kwinyu,unene ni Pavuli, kunsiki gumo nu nsiki ugunge, alakini usetano atusigile. ¹⁹ Ulwakuva ukwiyidika kwitu kyu kiki kwa pongela kange uvuhovoke ama ingigha ya kwitoja kuvulongolo kwa Ntwa viitu Yiisu pakwija kumwene? umwe mlipakyanya ukuluta avange? ²⁰ Ulwakuva umwe mlilwitojo nu vuhovoke witu.