¹ Basi ilawila wakati wanthu walipokusanyika na kumzunguka Yesu na kutegeleza mbuli da Mulungu, ambapo kakala katimalala hankhanda ya ziwa Genesaleti. ² Kliona mashua mbili zigela nanga hankhanda mwa ziwa. Wavuvi wakala walawa na wakala wakisuntha nyavu zao. ³ Yesu akaingila katika umweaho ya zila mashua, ambayo ikala ya Simoni na kumlomba aigale muimazi kutali kidodo na nchi kavu. Kamala akakala na kufundisha kulawa mui mashua. ⁴ Kulonga, akamlongela Simoni, ''Igale masgua yako mpaka mui kilindi cha mazi nakushusha nyavu zak ili kuvula somba.'' ⁵ Simoni akajibu na kulonga, Mndewa, chitenda kazi chilo chose, na hachigwile chochose, lakini kwa mbuli dyako, nitazishusha nyavu. ⁶ Watendile hivyo walikusanya kiasi kikulu cha somba na nyavu zao zikandusa kukatinkha. ⁷ Hivyo wakawaashilia washilika wao mui masgua imwnga ili weze na kuwasidila. Weza wakazimemeza mashua zose, kiasi kwamba ziyandusa kuzama. ⁸ Lakini Simoni Petro, aonile hivyo, akalagala muimavindi pa Yesu akalonga, ''Halawa kumwangu, kwa sababu nie ni munthu mwenye ubananzi Mndewa.'' ⁹ Kwa sababu kashangazigwa, na wose wakalile hamwe naye, kwa uvuvi wa somba wakalile wautenda. ¹⁰ Dino diwajumuisha Yakobo na Yohana wana wa Zebedayo, ambao wakala washilka wa Simoni. Na Yesu akamlongela, ''Usiogohe, kwa sababu kwandusila sambi na kuendelea nauvule wanthu.'' ¹¹ Ahowazigalile kale mashua zao isi kavu, waleka kila kinthu na kumkola yeye. ¹² Ilawila kwamba akalile muna mazi imwewao, munthu akalile kamema ukoma kakala huko. Wakati amuonile Yesu, kalagala akiinamisha cheni kumwake mpaka hasi na kumulomba, akilonga, ''Mndewa, ikiwa kolonda, wadahe kunitakasa.'' ¹³ Kamala Yesu akagolosa mkono wankhe na kumtoza, akilonga, ''Nolonda. Takasika.'' Na saa ilaila ukoma ukamleka. ¹⁴ Kamlagiza asimlongele munthu yeyose, lakini akamlongela, ''Genda zako, na ukailagise kwa makuhani na ulave sadaka ya utakaso wankho, sawa sawa na kila Musa akiamulile, kwa ushuhuda kumwao.'' ¹⁵ Lakini mbuli kumuhusu yeye zikaenela kutali zaidi, na umati mkulu wa wanthu wiza hamwe kumtegeleza akifundisha na kuponyigwa utamu wao. ¹⁶ Lakini mala kwa mala kaitenga muifalagha na kulomba. ¹⁷ Ilawila siku imwe kati ya hizo siku kakala akifundisha, na wakalaaho Mafalisayo na walimu wa shelia wakala aho ambao weza wakilawia vijiji vingi tofauti katika mkoa wa Galilaya na Yudea, na pia kulawila katika mji wa Yelusalemu. Nguvu ya Mndewa ikala hamwe naye kuhonya. ¹⁸ wanthu kadhaa weza, wapapa mui mkeka munthu aholozile, na wakalonda nzila ya kumgela mgati ili kumgoneza hasi kulongozi ya Yesu. ¹⁹ Hawapatile nzila ya kumgela mgati kwa sababu ya umati, hivyo wakakwela nchanya ya paa da nyumba na kumshusha yula munthu hasi kufosela mui vigae, nchanya mkeka wankhe mgati ya wanthu, kulongozi kabisa ya Yesu. ²⁰ Akilola imani yao, Yesu kalonga, ''Mbuya, bananzi zako kusameheigwa.'' ²¹ Waandishi na Mafalisayo wakandusa kuhoji hilo, wakilonga, ''Yuno ni niani kolonga makufulu? Ni niani kodaha kusamehe bananzi ila Mulungu mdumwe?" ²² Lakini Yesu, akimanya ni mbwani wakalile wakifikili, aliwajibu na kuwalongela, ''Hangi mouzana dino muimioyo mmwenu? ²³ Kilihi ni lahisi kulonga, ''Bananzi zako zisameheigwa' au kulonga 'Timalala ugende?' ²⁴ Lakini mmanye ya kwamba Mwana wa Adamu anayo mamlaka muiisi ya kusamehe bananzi, Nokulongela weye, 'Amka, sola mkeka wako na uite ukaya kumwako.'' ²⁵ Wakati huo huo akaamka kulongozi yao na akasola mkeka wake akalile kaugonela. Kamala akabwela ukaya kumwake akimtukuza Mulungu. ²⁶ Kila imwe kashangazigwa na wakamtukuza Mulungu. Wamemigwa na hofu, wakalonga, ''Chiona mbuli yasiyo ya kawaida dielo.'' ²⁷ Baada ya mbuli yano kulawila, Yesu kalawa huo na akamlola mtoza ushulu atangigwe Lawi kakala hanthu ha kukusanyia kodi. Akamlongela, ''Nikole.'' ²⁸ Hivyo Lawi akanyanyuka na kumkola, akileka kila kinthu kunyuma. ²⁹ Kamala Lawi akaandaa ukaya kumwake kalamu nkhulu kwa ajili ya Yesu. Wakalileaho watoza ushulu wengi kula na wanthu wengi wakalile muimeza wakidya hamwe nao. ³⁰ Lakini Mafalisayo na waandishi wao wakala wakiwanung'unikila wanahina, wakilonga, ''Hangi modya na kung'wa na watoza ushulu hamwe na wanthu wamwenga wenye ubananzi?" ³¹ Yesu akawajibu, ''Wanthu walio katika afya inogile hawalonda tabibu, ni wala tu wolumwa ndiyo wolonda mhitaji imwe. ³² Sizile kuwatanga wanthu wenye haki haki wapanthe kutubu, bali kuwatanga wenye ubananzi wapanthe kutubu.'' ³³ Wakamlongela, ''Wanahina wa Yohana mala nyingi hufunga na kulomba, na wanahina wa Mafalisayo nao hutenda vivyo hivyo. Lakini wanahina wako hudya na kung'wa.'' ³⁴ Yesu akawalongela, ''Yodahika munthu yeyose akawatenda waliohuzulia halusi ya Mndewa Alusi kufunga wakati Mndewa Alusi ankhali yu hamwe nao? ³⁵ Lakini siku nazize wakati Mndewa Alusi naahalavigwe kumwao, ndip katika siku hizo nawafunge.'' ³⁶ Kamala Yesu akalonga pia kumwao kwa mfano. ''Hebule kodega kipande cha nguo kulawa mui vazi dasambi na kukiumila kulekebisha vazi da umwaka. Kama akitenda hivyo, ataidega nguo yasambi, na kipande cha nguo kulawa vazi dasambi sekekifale kutumika na nguo ya vazi da umwaka. ³⁷ pia, hebule munthu ambaye huika divai yasambi mui viliba vikuukuu. Kama akitenda hivyo, divai yasambi ingetula kila chombo, na divai ingetilika, na viliba vingebanangika. ³⁸ Lakini divai yasambi lazima iikigwe mui viliba vyasambi. ³⁹ Na hebule munthu baada ya kung'wa divai ya umwaka, sekeulonde yasambi, kwa sababu hulonga, 'Ya umwaka ni inogile.''