¹ Ikawa siku imwe, Yesu akalile akiwafundisha wanthu Mudihekalu na kuhubili injili, makuhani wakulu na walimu wa Shelia wamwitila hamwe na walala. ² Walongo, wakimlongela, 'Chilongele ni kwa mamlaka hani kotenda mbuli zino? Au ni niani huyo ambaye kakwinkha mamlaka yano?'' ³ Naye akajibu, akawalongela, 'Nie pia naniwauze swali. Nilongeleni ⁴ ubatizo wa Yohana. Je ulawa kuulanga ama kwa wanthu?' ⁵ Lakini wakajadiliana wao kwa wao, wakilonga, 'Chikalonga, 'ilawa kuulanga,naauze. Basi, mbona hammuaminile?' ⁶ Na chikalonga; ilawa kwa wanadamu; wanthu wose hano nawachitoe mayuwe, maana wose woamini kwamba Yohana kakala mlotezi.' ⁷ Basi, wakamjibu ya kwamba hawamanyile ilawile. ⁸ Yesu akawalongela, ''Wala nie sowalongela mweye ni kwa mamlaka gani notenda mbuli zino.'' ⁹ Akawalongela wanthu mfano uno, ''Munthu imwe kahanda mgunda da mizabibu, akalikodisha kwa wakulima wa mizabibu nchi imwenga kwa muda mtali. ¹⁰ Kwa muda upangigwe, alimtuma mtumigwa kwa wakulima wa mizabibu, kwamba wamwinkhe hanthu ha matunda ya mgunda da mizabibu. Lakini wakulima wa mzabibu wakamtoa, wakambweleza mikono- mitupu. ¹¹ Kamala akamtuma kaidi mtumigwa imwenga nao wakamtoa, kumtendela vihile, na wakambweleza mikono- mitupu. ¹² Alimtuma kaidi wa nthatu nao wakamjeluhi na kumwasa kunze. ¹³ Hivyo mndewa wa mgunda akalonga, 'Nanitende mbwani? Nomtuma mwanangu mpendigwa. Labda watamuheshimu.' ¹⁴ Lakini wakulima wa mizabibu wamuonile, walijadili wao kwa wao wakilonga, 'Yuno ndiye mlithi. Chimkome, ili ulithi wankhe uwe wenthu.' ¹⁵ Wakamlava kunze ya mgunda na kumkoma. Je mndewa mgunda naawatende mbwani? ¹⁶ Naeze kuwalangamiza wakulima wa mizabibu, na atawenkha mgunda hidy wamwenga''. 'Nao wahulikile hayo, wakalonga, 'Mulungu kalema' ¹⁷ Lakini Yesu akawalola, akalonga, ''Je andiko dino lina maana ilihi?' Yuwe wadilemile wazengaji, diwa yuwe nkhulu da hankhanda'? ¹⁸ Kila munthu kolagala kuchanya ya yuwe hilo, naabeneke vipande vipande. Lakini yula aambaye nadimlagalile, ditamponda.' ¹⁹ Hivyo waandishi na wakulu wa makuhani wakalonda nzila ya kumgwila wakati huohuo, wamanya kamba kakala kalonga mfano uno dhidi yao. Lakini wawaogoha wanthu. ²⁰ Wamlola kwa makini, wakatuma wapelelezi waitendile kuwa wanthu wa haki, ili wapanthe kupantha kosa kwa hotuba yankhe, ili kumgala kwa watawala na wenye mamlaka. ²¹ Nao wakamuuza, wakilonga, ''Mwalimu, chomanya kwamba kolonga na kufundisha mbuli ya kweli na si kushawishiwa na munthu yeyose, lakini weye hufundisha ukweli kuhusu nzila ya Mulungu. ²² Je, ni halali kumwetu kuliha kodi kwa Kaisali, au la?" ²³ Lakini Yesu katambula mtego wao, akawalongela, ²⁴ ''Nilagiseni dinali. Sula na chapa ya niani ipo kuchanya mmwake?'' Walonga,' ''Ya Kaisali.'' ²⁵ Naye akawalongela, 'Basi, mwinkheni Kaisali yaliyo yaankhe Kaisali, na Mulungu yaliyo yankhe Mulungu.' ²⁶ Waandishi na wakulu wa makuhani hawawile na udaho wa kukosoa kila alongile kulongozi ya wanthu. Wakastaajabu majibu yankhe na hawalongile chochose. ²⁷ Baadhi ya Masadukayo wakamwitila, wala ambao wolonga kwamba hebule ufufulo, ²⁸ wakamuuza, wakilonga, ''Mwalimu, Musa katuandikila kwamba gesa munthu akifiwa na lumbu mwenye mke ambaye hebule mwana basi kopasigwa kumsola mke wa lumbu dyake na kweleka nae kwa ajili ya kaka yake. ²⁹ Kukala na lumbu saba wamwanduso alioa, akadanganika bila kuleka mwana, ³⁰ na wapili pia. ³¹ Wa nthatu akamsola vilavila, hivyo hivyo wa saba halekile wana na akadanganika. ³² Baadaye yula mwanamke pia akadanganika. ³³ Muna ufufulo atakuwa mka wa niani? Maana wose saba wakala wamuona.' ³⁴ Yesu akawalongela, ''Wana wa isi ino huoa na kuoigwa. ³⁵ Lakini wala wanaostahili kuhokela ufufulo wa wefile na kuingila ugima wa miele hawaoi wala hawaolewi. ³⁶ Wala hawadaha kudanganika kaidi, kwa sababu huwa sawasawa na wasenga na ni wana wa Mulungu, wana wa fufulo. ³⁷ Lakini hiyo wefile wofufuigwa, hata Musa kalagisa hanthu muna mbuli za kichaka, hadya akamtanga Mndewa gesa Mulungu wa Ibrahimu na Mulungu wa Isaka na Mulungu wa Yakobo. ³⁸ Lelo, yeye si Mulungu wa wefile, bali wa walio hai, kwa sababu wose huishi kumwake.'' ³⁹ Baadhi ya walimu wa Shelia wakamjibu, 'Mwalimu, umejibu goya.' ⁴⁰ Hawakuthubutu kumuuza maswali yamwenga zaidi. ⁴¹ Yesu akawalongela, ''Kilihi wanthu wolonga kwamba Kilisito ni mwana wa Daudi? ⁴² Maana Daudi mwenyewe kolonga muna Zabuli: Mndewa akamlongela Mndewa wangu: Kala mkono wa kudila, ⁴³ mpaka niwaike adui zako hasi ya migulu yako.' ⁴⁴ Daudi komtanga Kilisito 'Mndewa,' basi naaweze mwana wa Daudi?'' ⁴⁵ Wanthu wose wakala wakimtegeleza akawalongela wanahina wankhe, ⁴⁶ 'Muihadhali na waandishi, wabwedao kugenda wavala mavazi matali, na wabweda salamu maalumu muisoko na vinthi vya heshima muna masinagogi, na maeneo ya heshima muikalamu. ⁴⁷ Wao pia hudya nyumba za wajane, na woitenda wanasali sala nthali. Wano nawahokele hukumu nkhulu nkhani.