¹ Lelo katika siku hizo, ikalawila kwamba Kaisali Agusto kalava lagilizo akielekeza kwaba isoligwe sensa ya wanthu wose wanaoishi muiisi. ² Ino ikala ni sansa ya mwanduso itendeke wakati Klenio aiwa gavana wa Silia. ³ Hivyo kila imwe akaita mjini kumwake kuandikishigwa sensa. ⁴ Naye Yusufu kahalawa pia katika mji wa Nazaleti huko Galilaya na akasafili Yudea katka mji wa Bethlehemu, womanyika kama mji wa Daudi, kwa sababu kalawila katka ukolo wa Daudi. ⁵ Kaita huko kujiandikisha hamwe na Maliamu, ambaye kakala amemposa na kakala akilole mwana. ⁶ Lelo ilawila kwamba, wakiwa kula wakati wankhe wa kuifungula mwana uhaguhi. ⁷ Akaifungua mwana wa kilume, chaudele, akamzungushila nguo muumtufi kumkinga na mbeho mwana. Ndipo akamuika mui kiholi cha kulishia wanyama, kwa sababu hakukalile nafasi mui nyumba za wageni. ⁸ Muna hanthu aho, wakalaaho wachungaji walioishi muumigunda wakilinda makundi ya Kondoo wao ichilo. ⁹ Ghafla, msenga wa Mndewa akalawila, na utunyo wa Mndewa ukang'aa kuwazunguka, na wakawa na hofu nkhani. ¹⁰ Ndipo msenga akawalongela, ''Msiogohe, kwa sababu nowagalila habali inogile ambayo naigale seko nkhulu kwa wanthu wose. ¹¹ Dielo Mwokozi kaelekigwa kwa ajili yenu mjini mwa Daudi! Yeye ndiye Kilisito Mndewa! ¹² Ino ndiyo ishala ambayo namwinkhigwe, namumfike mwana kafungigwa nguo na kagona mui holi da kulishia wanyama.'' ¹³ Ghafla kukawa na jeshi kulu da kuulanga likaungana na msenga huyo wakamsifu Mulungu, wakilonga, ¹⁴ ''Utunyo kwa Mulungu akalile kuchanya nkhani, na amani iwe muiisi kwa wose ambao kopendezigwa nao.'' ¹⁵ Ikawa kwamba msenga ahalawile kale kwita kuulanga, wachungaji wakalongana wao kwa wao, ''Chiteni lelo kudya Bethlehemu, na chikalole kino kinthu ambacho kilawila, ambacho Mndewa kachimanyiza.'' ¹⁶ Wakahalakisha kula, na wakamfika Maliamu na Yusufu, na wakamuona mwana kagona mudi holi da kulishia wanyama. ¹⁷ Na ahowaonile vino wakawamanyiza wanthu kila wakionile walongeligwa kumhusu mwana. ¹⁸ Wose wahulikile mbuli ino washangazigwa na kila kilongeligwe na mchungaji. ¹⁹ Lakini Maliamu akaendelea kufikili kuhusu yose ayahulike kale, akiyatunza muumoyo mmwake. ²⁰ Wachungaji wakabwela wakimtukuza na kumsifu Mulungu kwa ajili ya kila kinthu wahulikile kale na kuona, a tu gesa ikalile ilongigwe kumwao. ²¹ Ifikile siku ya nane na ikala ni wakati wa kumgelasuna mwana, wakamtanga zina dyake Yesu, zina enkhigwe kale na yula msenga kabla inda haitungilwe muumunda. ²² zao zilondigwe za utakaso zifosile, kulingana na shelia ya Musa, Yusufu na Maliamu wakamgala mudihekalu kula Yelusalemu kumuika kulongozi ha Mndewa. ²³ Gesa ivoiandikigwe katika shelia ya Mndewa, ''Kila mwanamulume kofungula munda naatangigwe alaviligwe wakfu kwa Mndewa.'' ²⁴ Wao vila vila weza kulava sadaka kulingana na kila cholongigwa katka shelia ya Mndewa, ''Jozi ya njiwa au makinda maidi ya njiwa.'' ²⁵ Lola, pakala na munthu katika Yelusalemu ambaye zina dyake kakala akitangigwa Simeoni. munthu yuno kakala mwene haki na mcha Mulungu. Yeye kakala akigoza kwa ajili ya mfaliji wa Isilaili, na Roho Mtakatifu kakala nchanya mmwake. ²⁶ Ikala igubuligwa kale kumwake kufosela Roho Mtakatifu kwamba yeye sekeadanganike kabla ya kumlola Kilisito wa Mndewa. ²⁷ Siku dimwe keza ndani ya hekalu, akiongozigwa na Roho Mtakatifu. Ambapo wazazi wakamgala mwana, Yesu, kumtendila yala yapasigwe kawaida ya shelia, ²⁸ ndipo Simeoni akamhokela muimikono mmwake, na akamsifu Mulungu na kulonga, ²⁹ ''Lelo luhusu mtumigwa wankho aite kwa amani Mndewa, kulingana na Mbuli dyako. ³⁰ Kwa kuwa meso yangu yauona wokovu wankho, ³¹ ambao uoneka kwa meso ya wanthu wose. ³² Yeye ni bunhulo kwa ajili ya ugubulo kwa Wamataifa na utunyo wa wanthu Isilaili.'' ³³ Tata na Mama wa mwana washangazigwa kwa mbuli ambayo yalongwa nchanya mmwake. ³⁴ Ndipo Simeoni akawabaliki na kulonga kwa Maliamu mami yake, ''Tegeleza kwa makini! Mwana yuno atakuwa sababu ya kwaga na kuokoka kwa wanthu wengi katika Isilaili na ishala ambayo wanthu wengi nawaileme. ³⁵ Pia ni upanga wolondausome nafsi yako mwenyewe, ili kwamba mawazo ya mioyo ya wengi yadhihilike.'' ³⁶ Mlotezi mwanamke atangigwe Ana pia kakala aho mudihakalu. Yeye kakala mndele wa Fanueli kulawa kabila da Asheli. Kakala na miaka mingi nkhani. Naye aliishi na mulume wankhe kwa miaka saba baada ya kuoana, ³⁷ na ndipo akawa mjane kwa miaka themanini na minne. Naye hakuwahi kuhalawa mudihekelu na kakala akiendelea kumwabudu Mulungu hamwe na kufunga na kulomba, ichilo na imisi. ³⁸ Na kwa wakati huo, keza hadya wakalile akandusa kumshukulu Mulungu. Akalonga kumhusu mwana kwa kila munthu ambaye kakala akigoza ukombozi wa Yelusalemu. ³⁹ Wakomelezile kila kinthu walondigwe kutenda kulingana na ishelia ya Mndewa, wakabwela Galilaya, mjini kumwao, Nazaleti. ⁴⁰ Mwana kakala, na akawa na nguvu, akiongezeka katika hekima, na neema ya Mulungu ikala nchanya mmwake. ⁴¹ Wazazi wankhe kila mwaka waita Yelusalemu kwa ajili ya sikunkhulu ya Pasaka. ⁴² Akalile na umli wa miaka kumi na miidi, wakaita kaidi wakati mwafaka kidastuli kwa ajili ya sikumkhulu. ⁴³ Baada ya kusigala siku zose kwa ajili ya sikunkhulu, wakandusa kubwela ukaya. Lakini mbwanga Yesu kasigala nyuma mdya Yelusalemu na wazazi wankhe hawamanyile dino. ⁴⁴ Walidhani kwamba kauomo mui kundi wakalile wakisafili nadyo, hivyo walisafili safali ya siku. Ndipo wakandusa kumlonda mgati mwa lumbu na wambuya zao. ⁴⁵ Waliposhindwa kumpata, wakabwela Yelusalemu na wakandusa kumlonda humo. ⁴⁶ Ikalawila kwamba baada ya siku nthatu, wakampata mudihekalu, akiwa kakala mgati ya waalimu, akiwategeleza na kuwauza maswali. ⁴⁷ Wose wamuhulike washangazigwa na ufahamu wankhe na majibu yankhe. ⁴⁸ Wamwonile, walistaajabu. Mami yake akamlongela, ''Mwanangu, hangi kuchitenda vino? Tegeleza, tati yako na nie chiwa chikikulonda kwa wasiwasi mkulu.'' ⁴⁹ Akawalongela, ''Hangi mkala mkinilonda? Hammanyile kwamba lazima niwe mui nyumba ya Tati yangu? ⁵⁰ Lakini hawakuelewa mbwani amaanishile kwa mbuli hayo. ⁵¹ Ndipo akaita hamwe nao mpaka ukaya Nazaleti na kakala mtii kumwao. Mami yake alihifadhi mbuli yose muumoyo mmwake. ⁵² Lakini Yesu aliendelea kukula muna ihekima na kimo, na akazidi kupendigwa na Mulungu na wanthu.