¹ Kila kikalaaho tangu mwanduso-kila chikihulikile, kila chikionile kwa meso yetu, kila chikilolile, na mikono yetu ikitoze-kuhusu Mbuli da ugima. ² Na ula ugima utendigwa kumanyika wazi, na chiuona, na kuulola, na kuwatangazila ugima w milele, ambao ukala kwa Tata na kutendigwa kumanyika kumwetu. ³ Kila chikionile na kuhulika twakitangaza kumwenu pia, ili kwamba mdahe kujumuika hamwe nacheye, na ushilika wenthu hamwe na Tata na Mwanage Yesu Kilisito. ⁴ Na chowaandikila mbuli zino mweye ili kwamba seko yetu iwe timilifu. ⁵ Uno ndio ujumbe chiuhulike kulawa kumwake na kuwatangazila: Mulungu ni nulu na mgati mmwake kubule ziza hata kidodo. ⁶ Kama chikilonga kwamba chinaushilika naye na chogenda mudiziza, chovwiza na hachitenda kweli. ⁷ Lakini chikigenda katika nulu kama akalile katika nulu, twashiliki cheye kwa cheye, na damu ya Yesu Kilisito, mwanage yochitakasa kulawa bananzi zose. ⁸ Kama chikalonga chebule bananzi, choivwizila wenyewe, na kweli haihali mgati mmwetu. ⁹ Lakini tukizitubu bananzi zenthu, yeye ni mwaminifu na haki kutusamehe bananzi zenthu na kuchitakasa na ubananzi wose. ¹⁰ Chikilonga kwamba hachitendile bananzi, chomtenda yeye kuwa mvwizi, na mbuli dyake hadihali mgati yetu.