¹ Machobha chita kabula jha pachaka, Yesu akajhabhwile Bechaniha, paakibha lachalo jhwene ambaye akampupwihe kuhuka katika wapo. ² Bachi bhaka uhandalihe chakulya cha kimihe kweno na Martha ngantunikiha,wakate ghweno Lachalo akibha jhumo ghwabhe ghwa bhala bhibhaketite chakulane pamo na Yesu. ³ Kicha Malihamo ngatohila latile jha manukato ghibhatenganiche kwa nardo chape, jhina chamane ngolonga ngampakiha Yesu makongono na kumputa makongono kwa majhunjo ghake nyumba jhote jhaka twelile halupo jha manukato. ⁴ Jhuda ichikalihote jhumo ghwa bhala bhanapunje bhake ambaye ndile jwapala kunchalite Yesu ngalongila. ⁵ "Kwa nike manukato ghanga ngabhaghala mbwihe kwa dinale mya itato na kwape keha machikine?" ⁶ Na jhwene akaghalongile ghena chi kwa kwahulumiha machikine, bale kwa umhalo akibha mbhwihe jhwene ndile jwa kakamwile mpuko ghwa pecha na akibha atola bahache jha hibhabhekite mweno kwa hajile jhake jhwene. ⁷ Yesu akalongile, "Mun-ndeke abheke cha abhile nacho kwa hajile jha lichiko lya maziko ghango. ⁸ Machikine chabya nabho machiko ghote lakine chambyajhe nanenga machiko ghote." ⁹ Bachi umate nkolonga ghwa bhajhahude bhakapatite kumanya jha kubhegha Yesu abhile kweno na bhene ngabhahikita chi kwa hajile jha Yesu tughe ila bhambhone na lachalo ambaye Yesu akampupwihe kuhuma katika wapo. ¹⁰ Nabhene bhakolonga ghwa akailongoche bhakatehile machahude ili bhankome lachalo. ¹¹ Mahana kwa hajile jhake bhamahena katika bhajhahude bhakajhabhwite jhabhe na kuhamine Yesu. ¹² Na lichiko lya ubhena jhake umate nkolonga ghwakahikite kwenye chikubhokubho. Pabhajhohinajhe jha kubhegha Yesu ahika kujhelucha lemo. ¹³ Bhakatohile mataghwe gha mikongo jhamite nde na kupita panja kujhenda kuunda ke na bhapigite kelele, "Hochana! abalakighwe jhwene jhwahika kwa lihina lya bhambo mpwalume ghwa lehilahele." ¹⁴ Yesu akampatite mwana liponda ngankwelita nkema hela ilipyohandikwa. ¹⁵ "Nkoto kujhoghopa, binte chajhone n-ndola mpwalume ghwino ahika ankwelite mwana liponda." ¹⁶ Bhanapunje bhake bhakahelighwejhe mambo ghanga pena kwanja lakine Yesu patukwicha jhe ndipo pabhakombwikajhe jha kubhegha akajha ndikighwe jhwene na jha kwamba bhatehile mambo ghanga kwake. ¹⁷ Bachi lela likunde lya bhando lya bhando lyabhakibha pamo na Yesu wakate ghwankemitajhe lachalo kuhuma mulikabule ngabha chuhudihajhe kwa bhange. ¹⁸ Na jhakibha kwa unhalo ghongo piha kwamba likunde lya bhando bhajhabhwile kun-ndake kwa unhalo bhakajhohine jha kwamba ahitehile ichala jhene. ¹⁹ Mapalichajho ngabhalongihine bhene kwa bhene, "M-ndola, ngohe mihwechajhe kutenda lyo lyote n-ndola kilambo kijhabhwile kwake." ²⁰ Ngohe bahachi jha bhajhuhane bhakibha mihungone mwa bhala bhibhakibha bhijhenda kuhabude kwenye chikubhokubho. ²¹ Bhamba bhakan-jhabhulile Pilipo ambaye akahumite kubethchahida jha Ghalilajha ngabhanjho pita bhalongila, "Bhambo, twenga titamane kumbhona Yesu." ²² Pilipo ngajhabhwila ngan-ndobhalila hondeleha handeleha na Pilipo ngabhajhabhwila kun-ndobhalela Yesu. ²³ Yesu ngabhajibwita ngalongila, "Chaha ihikite hajilejha mwana-ghwa tadami kutukuchwa. ²⁴ Amine amine nin-dobhalela, chembe jha ngano jhanga gwegha katika n-ndema ukahwegha kutama hale jhejhe jhene kajhika jhake bali andaihwile, chaipapajhe matunda ghamahena. ²⁵ Jhwene jhwapahile uhajhe ghwake chauhobhe hajhe, bali jhwene jhwauchimwa uhajhe ghwake katika kilambo chenje cha muchalimicha hata uchima ghwa milele. ²⁶ Mundo jwejhote andaandimikihe nenga na angengame; nanenga pamile ndipo na ntumiche ghwango chabhajhe mundo jhwejhote andaandumikihe, tate chaunhechimwajhe. ²⁷ Ngohe mwojho ghwango upwachahike na nenga nongile bhole? ²⁸ "Tate unhokohe katika lichaha lende? Lakina ni kwa kuchude jhenje hikile lichaha lende. Tate militukuche lihina lino." Kicha chahute ngaihikita kuhuma kumbengone na kulonge, "Nilitukwiche nanenga chanilitukucha kabhena." ²⁹ Bachi nkutano ghujhemite kalibo na jhwene ngajhohina, ngabhalongila jha kwamba kubhile m-bhungulumo. Bhange bhakalongile, "mahoka alongile nako." ³⁰ Yesu ngajibwita na kulonge, "Chahute jhenje jhakahikijhe kwa hajile jhango bali kwa hajile jhino. ³¹ Ngohe hukumo jha kilambo chenje ibhile ngohe nkolonga ghwa kilambo chenje chabhantagha panje. ³² Nanenga anda njhinulighwe panane jha pan-ndema chinahuta bhote kwango." ³³ Akaghanenite ghena akalangiha ni mahute ghani ghapala kuhwegha. ³⁴ Nkutano ngabhan-jhibwita, "Twenga tujhohine katika cheliha jha kwamba kilichito chadumwajhe hata milele. Na mwenga milongela bhole, "Mwana ghwa Hadamo la chima ajhinulighwe kunane? Jhonjo mwana ghwa mundo ghane?" ³⁵ Bachi Yesu ngabhalobhalila, "Nulo hingalipo pamo na mangota muda kidogho. En-jhendanga na mahadamo nkwete hulo, ili kwamba lubhendo lwangahika lukanhwecha. Jhwene jwajhenda mulubhendo amanyajhe kwa ijhenda. ³⁶ Mam-bhela nkwete nulo, mihaminajhe nulo jhene ili mpate kubhegha bhana bha nulo." Yesu akaghalongile ghanga na kicha ngajhabhwila jhake ngajhihita bhakoto kum-bhona. ³⁷ Ingabha Yesu akatehile ichala hyamahena namuna jhenje palonge jhabhe, bhambhela bhaunhamine jhe. ³⁸ Ili litimile lilobhe lya nabihe ichajha lyalongilajhe. "Bhambo ni ghane jwahichadike habale jhino? Na lubhoko lwa bhambo ahyekulighwe ghani?" ³⁹ Ndiho unhalo ghwabe bhakahaminejhe mahana ichajha akalongile kabhena. ⁴⁰ Abhapopwiche miho na ahitehile minona myojho jhabhe bhahijhe bhakabhona kwa miho ghabhe na bhakapwahamo kwa myojho jhabhe na bhakahongoka na nenga nakalamicha." ⁴¹ Ichajha akalongile malobhe ghanga kwa kubhe gha akaubhwene utukupo ghwa Yesu na akanenite habale jhake. ⁴² Ghwalakine hata bhakolonga bhamahena bhaka unhamine Yesu. Lakine kwa unhalo ghwa mapalichajho, bhakakilitejhe ili bhachijhe bhakatengwa na nyumba jha Chapanga. ⁴³ Bhakapahile chipa jha bhanadamo kuliko chipa jhihumajhe kwa Chapanga. ⁴⁴ Yesu akapachite chahute na kulonge, "Jhwene jhwahamine nenga ahaminejhe nenga tu baliha jhwene jwandumite nenga. ⁴⁵ Na jhwene jwamonajhe nenga am-bhona jhwene jhwandumite. ⁴⁶ Nenga hikite nkema nulo pakilambo ili kila mundo jwahamine nenga angatama mulu bhendo. ⁴⁷ Ikabhile mundo jhwajhote chaghajhoha malobhe ghango lakine angaghakamula nenga niunhukumojhe mahana nakahitejhe kukihukumo kilambo bale niukombole kilambo. ⁴⁸ Jhwene jhwan-ngana nenga na jhwangajheketela malobhe ghango, akwete jhucha hukumula lilobhe lyene lyanenitele ndile lilipala kunhukumo lichiko lya mwicho. ⁴⁹ Mahana nenga nakanenitejhe kwa napuche jhango tu. Bale ni tate jwambelike jhwene jhojho anaghalakihe ghanipala kughanena na ghambala kughalongela. ⁵⁰ Nenga manyite jha kubhegha lihagicho lyake ni uchima ghwa milele bachi ghena nighanenajho nenga- nkema tate chano ngalile ndipyo ninenapya kwabhe."