¹ Mwanjone kwakibha lilobhe, na akibha pamo na Chapanga, na lilobhe akibha Chapanga. ² Jhonjo, lilobhe, mwanjone akibha pamo na Chapanga. ³ Ilebhe hyoha ihengika kutela jhweno, na panga jhweno kibhijhe hata kilebhe chimo chichakibha kihengika. ⁴ Nkate mwake ghwakibha uchima, na ghweno uchima ghwa kibha nulo jha bhanadamo bhote. ⁵ Nulo ing'alitajhe mulubhendo, wala lubhendo lwa kahimichejhe. ⁶ . Pakibha na muundo jhwakatumwite kuhuma kwa chapanga, ambaye lihina lyake jhohana. ⁷ Akahikite nkema chahide kuchuhudia kuhucho jhela nulo, ili kwamba bhote bhahweche kuhamine kupetela jhweno. ⁸ Jhohana akibhajhe nulo, bale akahikite iliachuhudie kuhucho jhela nulo. ⁹ Jhene jhakibha nulo jha kwele ambajho jhakibha nulo jha duniha najhene kun-ndeka nulo kil ajhumo. ¹⁰ Akibha dunuha, na duniha jhakahumbwite kupetela jhweno. na duniha jhaka mmanyitejhe. ¹¹ Akihikite kwa ilebhe hyake na kwa bhando bhake bhakampokijhe. ¹² Bale kwa bhala bhamahena bhibhakampokile, ambao bhakauhamine kwa lihina lyake, kwa bhena akabhapekihe hake jha kubha gha bhana bha Chapanga. ¹³ Ambaho bhakabhelwike, chino kwa myahe wala kwa mapenje gha m-bhele, wala kwa mapenje gha mundo, bale kwa Chapanga jhwene. ¹⁴ Najhwene lilobhe akatendike m-bhele na akahichite nihungone mwito, tubhwene utukupo ghwake, utukupo nkema ghwa mundo wakanjika kwa kanjikachake jwhikite kuhuma kwa tate, atwelile mehema na kwele. ¹⁵ Jhohana akachuhudihe kuhucho jhwene, na akapachite chahute akalongile, "Jhonjo ndile ambajhe nakalongile habale hyake nongila, "Jhola jhwahika bahada jhango ni nkolonga kuliko nenga, kwa unhalo akibha kabula jhango" ¹⁶ Kwa kubhegha kuhuma katika utimalipo ghwake, twenga tabhote tupokile jhajhe kipawa bahada jha kipawa. ¹⁷ Kwa kubhegha cheliha jhibhaletite kupetela mucha. Nehema na kwele ihikite kupetela Yesu kilichito. ¹⁸ Abhijhe mwanadamo jhwambhwene Chapanga wakate ghghoghote. Mundo kanjika ambajhe ni Chapanga, jwabhile katika nganga jha tate, antehile jhweno amanyikane. ¹⁹ Na ghongo ndile uchuhuda ghwa jhohana wakate akailongoche na bhalaghwe bhibha tumwite kwake na bhajhahude kunkonya, "Mwenga maghane?" ²⁰ Bila kuchitachita na akakanitejhe, bale akajibwite, "Nenga chino na kilichito". ²¹ Hipyo ngabhankonyita, "Kwa hijhomwenga ni maghane ngocheno" mwenga ni maheliha? ngalongila "Nenga chijhe" ngabhalongila mwenga ni manabihe? Angajibwita" ijhe." ²² Kicha ngabhan-ndobhalila, "Mwenga ni ghani ili kwamba twapekehe majibo bhibhatumite"? mijichuhudiha bhole mwenga mabhene? ²³ Ngalongila, "Nenga ni chahute jhake ilela kunyika minyochajhe ndela jha bhambo nkema nabhihe ichajha ghwalongila." ²⁴ Bache kwa kibha na bhando bhatumite pala kuhuma kwa mapalichajho. Ngabhankonyita na kulonge,. ²⁵ Kwanike mibaticha bache nkema mwenga chiho makilichito wala helijha wala nabihe? ²⁶ Jhohana ngabhajibwita kulonge, "Na baticha kwa mache. Hata hyene, mihungone mwino ajhema mundo jhwa angamumanya. ²⁷ Jhonjo ndile akajhe bahada jhango. Nenga uichitahilejhe kulegheleha mighojhe jha ilato hyake. ²⁸ Mambo ghanga ghahengike oko kubechania kwihe jha jholodane, mahale ambapo Jhohana akibha akabaticha. ²⁹ Lichiko lilikengimajhe Jhohana akam-bhwene Yesu akihika kwake ngalongila, "Ndola mwanalimbelele ghwa Chapanga jwa ighegha chambe jha kilambo!. ³⁰ Jhonjo ndile jwanongilajhe habale hyake n-nongila, "Jhweno jwahika kunyuma jhango ni nkolonga kuliko nenga, kwa uhala akibha kabula jhango. ³¹ Nammanyitejhe jhwene, lakine jhakahengike hyene ili kwamba ahyekulighwe katika ichilahele, kwamba nakahikite kubaticha kwa mache" ³² Jhohana akachuhudihe, "Nakabhwene mojho akahuluka kuhuma kumbengone mpwano ghwa lihua, na ikahighile kunane jhake. ³³ Nenga nakaumanyitejhe lakine jhwene akandumite ili matiche kwa mache akanobhalile, Jhola ambajhe chamum-bhona mojho ahuluka na kutama panane jhake, jhweno ndile abatichajhe kwa mojho ghwamaha. ³⁴ Nolite na njuhudihe kwamba jhonjo ni mwana jhwa Chapanga." ³⁵ Kabhele lichobha lilikengima jhohana akibha ajhemite pamo na bhanapunje bhake bhabhele, ³⁶ Bhakam-mbwene Yeus akatyangagha na Jhohana ngalongila, "N-ndola, mwanalimbele ghwa Chapanga!" ³⁷ Bhanapunje bhabhele bhakan-jhohine jhoha na akalongela ghanga ngabhankengima Yesu. ³⁸ Kabhena Yesu ngaghalambwika na kwabhena bhanapunje bhala bhan-kengama, na ngabhalobhalila. "Mipala niki?"Ngabhajibwita, "Labe, (Mahana ghake 'mwalimo', mihiche kogha?"). ³⁹ Ngabhalobhalila, in-hikengane na n-ndole."Kicha bhakajhabhwile na kulola mahale paakibha ahichita, bhakatamite pamo nakolichiko lyene, kwa kubhegha ikibha jhapata n-kema chacha kome na! ⁴⁰ Jhumo jhwa bhala bhabhele bhibhakan-jhohine Jhohana alongela na kicha kun-kengama Yesu akibha ni Andeleha, n-ndonga ghwake chimone petile. ⁴¹ Ngam-bhwena n-ndongo ghwake chimone na ngan-ndongalila, "Tum-patite machihi" (Ambajho hapachalighwa kilichito). ⁴² Ngan-ndetita kwa Yesu. Yesu ngan-ndola kiha na ngalongila, "Mwenga ni chimone mwana ghwa jhohana" chabhan-kema kepa". (mahana ghake 'petile') ⁴³ Lichiko lilikengimajhe wakate Yesu paapahilajhe kubhoka kujhenda kughalilajha, akampatite pilipo na akan-ndobhalile, "ungemgame nenga". ⁴⁴ Pilipo akibha ni mwenyeje jhwa kubethsaida, muche ghwa Andeleha na petile. ⁴⁵ Pilipo akampatite Nathanahele na kunndobhalela, Tum-patite jhola ambajhe muchaakajhandike habale jhake katika cheliha na manabihe. Yesu mwana ghwa Jhuchupo, kuhuma kunajhalete. ⁴⁶ Nathanahele akan'ndabhalile, "Bho kilebhe chamaha kihwecha kuhumila kunajhalete?" Pilipo akan;ndobhalile, unhike na n-ndole." ⁴⁷ Yesu ngam-bhwene Nathahele ahika kwake na ngalongila "N-ndola mwichilahele kwele kwele jhwanga na udanganyipo nkate jhake". ⁴⁸ Nathanahele ngan-ndobhalila, "Umanyite bhole nenga?" Yesungajibwita na ngan-ndobhalila, "Kabula Pilipo anan-kemajhe pamakibha pahejha nkongo, nakambhwene". ⁴⁹ Nathanahele ngajibwita, "Labe mwenga u mwana ghwa Chapanga! mwenga ni mampwalume ghwa Ichilahele"! ⁵⁰ Yesu ngajibwita ngan-ndobhalila, kwa unhalo nakan-ndobhalile 'nakam-bhwene pahe jha nkongo' bho mihamine ? Chamaghabhona matendo makolonga kuliko ghanga". ⁵¹ Yesu ngalongila, "Hamine hamine nin-ndobha lengana chamibhona mbengo ijhoghoka, na kwa bhona mahoka bhakakwela na kuhuluka panane jha mwana ghwa Hadamo."