¹ Ni rachima noke, rakine kibhijhe chikijhoheka na ere. Bare nanyabhuriha paa mahono na mahyekura kubhoka kwa Bhambo. ² Niumanye mundo jhumonga katika Kristo ambajhe mihaka kome na nchenche hyahyakapetite ambahe ibhire nenga manyejhe Chapanga amanye bhakaujhwungite kunane. Katika mbingo jha itato. ³ Na manye hena mundo ojho ibhi katika bhere, au panja jha bhere nenga manye Chapanga amanye. ⁴ Bhakantohire kunane hae paradicho na kujhoha mambo ghamaha chana kwa bhando jhohajhora kugharongera. ⁵ Kwanihaba jha bhando anda ojho nanoka rakine kwa nihaba jhango namwene nanokajhe changabhyegha kuhuchu uzaivo ghwango. ⁶ Anda mbahire kuloka, kangota kubhye pumbavo, kwa kubhye kamire nironge ukwere rakine naneka kuloka ila hena akota kubhye jhohajhora jhwipara kumbiriha zaide jha agha kuliko chikibhonekana nkate mwango au kujhokanikika kubhoka kwango. ⁷ Nanokajhe piha kwa sababo jha agha mayhekula gha haina jha ajabo. Kwa hena naha nami yhajhe na kibure, mibha bhakaibhekite nkate jha bhere ghwango jhumbe ghwa chetane kunjamburiha nenga ila ngota kuyhobhateka kubhye jhuna kuloka. ⁸ Mara itato nakasihite Bhambo kuhuchu ere ila jhwene kuubhuha kubhoka kwango. ⁹ Najhwene akabhonalire, "nema jhango itocha kwa ajire jhino, kwa kubhye rikakala kuhengwa mamire katika uzaifo." Naha kambahire zaide kuloka zaide kuhuchu uzaifo ghwango, ila hena huwezo ghwa Kristo huweze kutama kunane jhango. ¹⁰ Kwa hena nandochika kwa ajire jha Kristo katika uzaifo, katika marighano, katika chida, katika matecho katika hare jha machikitiko, kwa kubhye ghwakate nire zaifo, kicha mire rikara. ¹¹ Nenga mire napupafo mangota makanachimiche kwa ere, kwa kubhye ngamiye njipighwe na mangoto kwa kubhye nakibhajhe dunihane kabicha kwabha bibhakema bhatume chapi, ata anda nenga chi kilebhe. ¹² Ichara jha kwere jha ntume hya kahengite katekate jhino kwa uhimbariro ichara na mahajabo na matendo makuho. ¹³ Kwa namuna ghane makibhe ghwa muhimo ghwa pahe kuliko makanich ghughahinghile, changabhyegha hena nakibhajhe uhingo kwino? Kotakuchamehe kwa rikocha ere! ¹⁴ N'dhore nenga mire tayare kuhika kwa mangota kwa mara jha itato. Namajhe uhigho kwamangota kwa kubhye mbahijhe kirebhe chikibhi chino. Nipahi mangota kwa kubhye bhana bhipachwajhe kubheka hakibha kwa ajire jha bhazaze bhipachwa kubheka hakibha kwa ajire jha jha bhana. ¹⁵ Nahanganajhe zaide kutumiha na kutumighwa kwa ajire jha nafusi jhino anda niparangana zaide nitakighwa kumbala kandina. ¹⁶ Rakine anda akabha, nakaerimighwejhe nauhigho mangota rakine kwa kubyhe nenga ni mwereghwa chana, nenga ni jhora jhwaka nkamwire mangota kwa abhire ambahe akapatite kwa udanganyifu. ¹⁷ Bho, nakatohire kwa kujihengera pwaida kwa jhojhote jhwanakantumite kwamangota. ¹⁸ Nakachihite tito kuhika kwamangota, na nakahumite bhalongo bhange pamonga najhwene. Bho, Tito akahingire pwaida mangota? Bhp, takatwangitejhe katika ndera jhejhe rajhera? Bho, takatwangitejhe kaka njajho herahera. ¹⁹ Munazane kwa mda ghongo tabhoha tibhire pitikitete twenga tabhene kwamangota? Parongoro pa Chapanga, na katika Kristo, tibhire tironge kila kilebhe kwa ajire jha kuhimaricha mangota. ²⁰ Kwa kubyhe ngwete hofu hena piniparakuhika niweza nanipatajhe mangota anda pinitamane. Ngwete hofu hena miweza ungokumbata nenga anda pimitamane nihofeha hena iweza kubhyegha majadilihano, wivo milipuko jha hachira, tamaha jha ubinafusi, umbeha, kibure na ugombe. ²¹ Ngwete hofu hena pinipala kurekebhuka kabhena, Chapanga ghwango iweza kuninyenyekehapalongoro pino. Ngwete hofu hena niweza kuhuchunichwa na bhumahena ambaho bhahengite zambe kabura jha hena na ambaho bhangite zambe kabura jha hena, na ambaho bhakaungimejhe uchapo, na ucherate na mambo gha tamaha ghibhi ghanga.